ਕੈਨੋਪੀਹੈਲਥ ਡੇਟਾ ਉਲੰਘਣਾ (ਸਾਇਬਰ ਹਮਲੇ) ਵਿੱਚ ਫਸੇ ਮਰੀਜ਼ ਇਸ ਗੱਲੋਂ ਗੁੱਸੇ ਵਿੱਚ ਹਨ ਕਿ ਕੰਪਨੀ ਨੂੰ ਇਸ ਬਾਰੇ ਦੱਸਣ ‘ਚ ਛੇ ਮਹੀਨੇ ਲੱਗ ਗਏ। Canopy Health ਨਿਊਜ਼ੀਲੈਂਡ ਦੀ ਸਭ ਤੋਂ ਵੱਡੀ ਨਿੱਜੀ medical oncology ਪ੍ਰਦਾਤਾ ਹੈ। ਕੰਪਨੀ ਨੇ ਆਪਣੀ ਵੈੱਬਸਾਈਟ ‘ਤੇ ਦੱਸਿਆ ਕਿ 18 ਜੁਲਾਈ 2025 ਨੂੰ ਉਨ੍ਹਾਂ ਨੇ ਪਤਾ ਲਗਾਇਆ ਕਿ ਇੱਕ ਅਣਪਛਾਤੇ ਵਿਅਕਤੀ ਨੇ ਐਡਮਿਨ ਟੀਮ ਵੱਲੋਂ ਵਰਤੇ ਜਾਣ ਵਾਲੇ ਸਿਸਟਮ ਦੇ ਇੱਕ ਹਿੱਸੇ ‘ਚ ਬਿਨਾਂ ਅਧਿਕਾਰ ਅਸਥਾਈ ਪਹੁੰਚ ਹਾਸਿਲ ਕੀਤੀ ਸੀ। ਕੰਪਨੀ ਦੇ ਬਿਆਨ ਮੁਤਬਿਕ, “ਸਾਇਬਰ ਸੁਰੱਖਿਆ ਮਾਹਿਰਾਂ ਵੱਲੋਂ ਕੀਤੀ ਗਈ ਫੋਰੈਂਸਿਕ ਜਾਂਚ ਤੋਂ ਬਾਅਦ ਸਾਨੂੰ ਸਲਾਹ ਦਿੱਤੀ ਗਈ ਹੈ ਕਿ ਸੰਭਵ ਹੈ ਇੱਕ ਸਰਵਰ ਤੱਕ ਗੈਰਕਾਨੂੰਨੀ ਪਹੁੰਚ ਬਣੀ ਹੋਵੇ ਅਤੇ ਕੁਝ ਡਾਟਾ ਕਾਪੀ ਕੀਤਾ ਗਿਆ ਹੋਵੇ।”
ਦੱਸ ਦੇਈਏ Canopy Health ਕੰਪਨੀ ਦੇਸ਼ ਭਰ ‘ਚ 24 ਡਾਇਗਨੋਸਟਿਕ ਕਲਿਨਿਕ, 8 ਔਨਕੋਲੋਜੀ ਕਲਿਨਿਕ, 2 ਨਿੱਜੀ ਬ੍ਰੈਸਟ ਸਰਜੀਕਲ ਸੈਂਟਰ ਅਤੇ ਇੱਕ ਦਵਾਈ ਤਿਆਰ ਕਰਨ ਵਾਲੇ ਯੂਨਿਟ ਚਲਾਉਂਦੀ ਹੈ। ਕੰਪਨੀ ਨੇ ਕਿਹਾ ਕਿ ਜਾਂਚ ਅਜੇ ਵੀ ਜਾਰੀ ਹੈ। A ਸੈਕਸ਼ਨ ‘ਚ Canopy Health ਨੇ ਦੱਸਿਆ ਕਿ ਹੈਕਰ ਵੱਲੋਂ ਕੁਝ ਗਿਣਤੀ ਦੇ ਬੈਂਕ ਅਕਾਊਂਟ ਨੰਬਰਾਂ ਤੱਕ ਪਹੁੰਚ ਹੋ ਸਕਦੀ ਹੈ, ਜੋ ਭੁਗਤਾਨ ਜਾਂ ਰਿਫੰਡ ਲਈ ਦਿੱਤੇ ਗਏ ਸਨ। ਕੰਪਨੀ ਦਾ ਕਹਿਣਾ ਹੈ: “ਅਸੀਂ ਸੰਭਾਵਿਤ ਤੌਰ ‘ਤੇ ਪ੍ਰਭਾਵਿਤ ਲੋਕਾਂ ਨੂੰ ਸਿੱਧੇ ਤੌਰ ‘ਤੇ ਸੂਚਿਤ ਕਰ ਰਹੇ ਹਾਂ। ਇਹ ਸੰਭਾਵਨਾ ਘੱਟ ਹੈ ਕਿ ਇਨ੍ਹਾਂ ਵੇਰਵਿਆਂ ਨਾਲ ਵੱਡਾ ਨੁਕਸਾਨ ਕੀਤਾ ਜਾ ਸਕੇ, ਕਿਉਂਕਿ ਸੰਵੇਦਨਸ਼ੀਲ ਬੈਂਕ ਜਾਣਕਾਰੀ ਬਹੁਤ ਸੁਰੱਖਿਅਤ ਹੁੰਦੀ ਹੈ। ਫਿਰ ਵੀ, ਚਿੰਤਾ ਹੋਵੇ ਤਾਂ ਆਪਣੀ ਬੈਂਕ ਨਾਲ ਸੰਪਰਕ ਕਰੋ।”