ਡੁਨੇਡਿਨ ‘ਚ ਮੰਗਲਵਾਰ ਦੁਪਹਿਰ ਵੇਲੇ ਇੱਕ ਬਿਜਲੀ ਦੇ ਖੰਭੇ ‘ਚ ਵੱਜਣ ਤੋਂ ਬਾਅਦ ਇੱਕ hybrid ਵਾਹਨ ਅੱਗ ਦੀ ਲਪੇਟ ਵਿੱਚ ਆ ਗਿਆ। ਡੁਨੇਡਿਨ ਅਤੇ ਪੋਰਟ ਚੈਲਮਰਸ ਵਿਚਕਾਰ ਸਟੇਟ ਹਾਈਵੇਅ 88 ‘ਤੇ ਇਹ ਹਾਦਸਾ ਮੰਗਲਵਾਰ ਦੁਪਹਿਰ 1.30 ਵਜੇ ਦੇ ਕਰੀਬ ਵਾਪਰਿਆ। ਫਾਇਰ ਐਂਡ ਐਮਰਜੈਂਸੀ ਨਿਊਜ਼ੀਲੈਂਡ ਨੇ ਕਿਹਾ ਕਿ ਉਨ੍ਹਾਂ ਨੇ ਵਿਲੋਬੈਂਕ ਤੋਂ ਇੱਕ ਟਰੱਕ, ਪੋਰਟ ਚੈਲਮਰਸ ਤੋਂ ਇੱਕ ਟਰੱਕ ਅਤੇ ਡੁਨੇਡਿਨ ਤੋਂ ਇੱਕ ਟੈਂਕਰ ਭੇਜਿਆ ਸੀ। ਇੱਕ ਬੁਲਾਰੇ ਨੇ ਕਿਹਾ ਕਿ, “ਪਹੁੰਚਣ ‘ਤੇ ਸਾਨੂੰ ਇੱਕ ਹਾਈਬ੍ਰਿਡ ਵਾਹਨ ਅੱਗ ਵਿੱਚ ਬੁਰੀ ਤਰ੍ਹਾਂ ਫਸਿਆ ਹੋਇਆ ਮਿਲਿਆ। ਹਾਲਾਂਕਿ ਕੋਈ ਵੀ ਜ਼ਖਮੀ ਜਾਂ ਫਸਿਆ ਨਹੀਂ ਸੀ।” ਸੇਂਟ ਜੌਨ ਨੇ ਕਿਹਾ ਕਿ ਉਨ੍ਹਾਂ ਨੇ ਇੱਕ ਐਂਬੂਲੈਂਸ ਨਾਲ ਜਵਾਬ ਦਿੱਤਾ ਅਤੇ ਮੌਕੇ ‘ਤੇ ਦੋ ਲੋਕਾਂ ਦਾ ਮੁਲਾਂਕਣ ਅਤੇ ਇਲਾਜ ਕੀਤਾ ਗਿਆ।
