ਅੱਪਰ ਹੱਟ: ਪ੍ਰਵਾਸੀ ਕਾਮਿਆਂ ਨੂੰ ਘੱਟ ਨਕਦ ਮਜ਼ਦੂਰੀ ਦੇਣ ਅਤੇ ਝੂਠੇ ਵਰਕ ਵੀਜ਼ਾ ਦੇ ਵਾਅਦੇ ਕਰਨ ਦੇ ਮਾਮਲੇ ਵਿੱਚ ਅੱਪਰ ਹੱਟ ਦੀ ਇੱਕ ਕਾਰ ਕੰਪਨੀ ਨੂੰ $1.70 ਲੱਖ ਤੋਂ ਵੱਧ ਦਾ ਜੁਰਮਾਨਾ ਅਤੇ ਮੁਆਵਜ਼ਾ ਭਰਨ ਦਾ ਹੁਕਮ ਦਿੱਤਾ ਗਿਆ ਹੈ। ਮਾਮਲੇ ਵਿੱਚ ਇੱਕ ਕਾਮੇ ਨੂੰ ਇਮੀਗ੍ਰੇਸ਼ਨ ਅਧਿਕਾਰੀਆਂ ਦੀ ਜਾਂਚ ਦੌਰਾਨ ਲੁਕਣ ਲਈ ਵੀ ਕਿਹਾ ਗਿਆ ਸੀ।
Autopride Cars Limited ਨੂੰ ਮਈ ਵਿੱਚ ਦੋ ਅਸਥਾਈ ਜਾਂ ਗੈਰ-ਕਾਨੂੰਨੀ ਕਾਮਿਆਂ ਦੇ ਸ਼ੋਸ਼ਣ ਨਾਲ ਸਬੰਧਤ ਦੋ ਦੋਸ਼ਾਂ ਵਿੱਚ ਦੋਸ਼ੀ ਠਹਿਰਾਇਆ ਗਿਆ ਸੀ। ਇਹ ਮਾਮਲਾ 2023 ਦੌਰਾਨ ਦੋ ਪ੍ਰਵਾਸੀ ਕਾਮਿਆਂ ਨਾਲ ਕੰਪਨੀ ਵੱਲੋਂ ਕੀਤੇ ਗਏ ਵਿਵਹਾਰ ਜਾਣੀ ਕਿ ਉਨ੍ਹਾਂ ਤੋਂ ਲੰਬੇ ਘੰਟੇ ਕੰਮ ਕਰਵਾਇਆ ਗਿਆ ਅਤੇ ਨਕਦ ਰਕਮ ਦਿੱਤੀ ਜਾਂਦੀ ਸੀ। ਉਨ੍ਹਾਂ ਕੋਲ ਨਾ ਤਾਂ ਰੁਜ਼ਗਾਰ ਸਮਝੌਤੇ ਸਨ, ਨਾ ਟੈਕਸ ਰਜਿਸਟ੍ਰੇਸ਼ਨ ਅਤੇ ਨਾ ਹੀ ਬੁਨਿਆਦੀ ਕਰਮਚਾਰੀ ਸੁਰੱਖਿਆ ਨਾਲ ਸਬੰਧਿਤ ਸਨ।
ਦੋਵੇਂ ਕਾਮੇ ਨਿਊਜ਼ੀਲੈਂਡ ਵਿਜ਼ਟਰ ਵੀਜ਼ਿਆਂ ‘ਤੇ ਪਹੁੰਚੇ ਸਨ ਅਤੇ ਬਾਅਦ ਵਿੱਚ Autopride Cars Limited ਵੱਲੋਂ ਕੰਮ ‘ਤੇ ਰੱਖੇ ਗਏ। ਉਨ੍ਹਾਂ ਤੋਂ ਲੰਬੇ ਘੰਟੇ ਕੰਮ ਕਰਵਾਇਆ ਗਿਆ ਅਤੇ ਨਕਦ ਰਕਮ ਦਿੱਤੀ ਜਾਂਦੀ ਸੀ। ਉਨ੍ਹਾਂ ਕੋਲ ਨਾ ਤਾਂ ਰੁਜ਼ਗਾਰ ਸਮਝੌਤੇ ਸਨ, ਨਾ ਟੈਕਸ ਰਜਿਸਟ੍ਰੇਸ਼ਨ ਅਤੇ ਨਾ ਹੀ ਬੁਨਿਆਦੀ ਕਰਮਚਾਰੀ ਸੁਰੱਖਿਆ।
ਦੋਵੇਂ ਕਾਮੇ ਹਫ਼ਤੇ ਵਿੱਚ ਘੱਟੋ-ਘੱਟ ਛੇ ਦਿਨ ਕੰਮ ਕਰਦੇ ਸਨ ਅਤੇ ਆਮ ਤੌਰ ‘ਤੇ ਹਰ ਦਿਨ ਕਰੀਬ 9 ਘੰਟੇ ਕੰਮ ਕਰਦੇ ਸਨ। ਬਦਲੇ ਵਿੱਚ ਉਨ੍ਹਾਂ ਨੂੰ ਸਿਰਫ਼ $100 ਨਕਦ ਪ੍ਰਤੀ ਦਿਨ ਦਿੱਤੇ ਜਾਂਦੇ ਸਨ, ਜੋ ਉਸ ਸਮੇਂ ਦੀ ਘੱਟੋ-ਘੱਟ ਮਜ਼ਦੂਰੀ ਨਾਲੋਂ ਕਾਫ਼ੀ ਘੱਟ ਸੀ। ਤਨਖ਼ਾਹ ਵੀ ਨਿਯਮਿਤ ਨਹੀਂ ਮਿਲਦੀ ਸੀ ਅਤੇ ਖਾਣ-ਪੀਣ ਤੇ ਨਿੱਜੀ ਜ਼ਰੂਰਤਾਂ ਲਈ ਪੈਸੇ ਲੈਣ ਵਾਸਤੇ ਕਾਮਿਆਂ ਨੂੰ ਵਾਰ-ਵਾਰ ਮੰਗ ਕਰਨੀ ਪੈਂਦੀ ਸੀ।
ਕੰਪਨੀ ਦੇ ਮੈਨੇਜਰਾਂ ਨੇ ਵਾਰ-ਵਾਰ ਵਰਕ ਵੀਜ਼ਾ ਲਗਵਾਉਣ ਦਾ ਵਾਅਦਾ ਕੀਤਾ। ਕਾਮਿਆਂ ਤੋਂ ਦਸਤਾਵੇਜ਼ ਵੀ ਲਏ ਗਏ ਅਤੇ ਉਨ੍ਹਾਂ ਨੂੰ ਦੱਸਿਆ ਗਿਆ ਕਿ ਵੀਜ਼ਾ ਅਰਜ਼ੀਆਂ ਦੀ ਕਾਰਵਾਈ ਚੱਲ ਰਹੀ ਹੈ। ਹਾਲਾਂਕਿ, ਕੋਈ ਵੀ ਵੀਜ਼ਾ ਅਰਜ਼ੀ ਜਮ੍ਹਾਂ ਜਾਂ ਪ੍ਰਕਿਰਿਆ ਵਿੱਚ ਨਹੀਂ ਲਿਆਂਦੀ ਗਈ। ਇਸ ਦੇ ਬਾਵਜੂਦ ਕਾਮਿਆਂ ‘ਤੇ ਆਪਣੀ ਗੈਰ-ਕਾਨੂੰਨੀ ਇਮੀਗ੍ਰੇਸ਼ਨ ਸਥਿਤੀ ਦੇ ਬਾਵਜੂਦ ਕੰਮ ਜਾਰੀ ਰੱਖਣ ਲਈ ਦਬਾਅ ਪਾਇਆ ਗਿਆ।
MBIE ਦੇ ਨੈਸ਼ਨਲ ਮੈਨੇਜਰ ਫਾਰ ਇਨਵੈਸਟੀਗੇਸ਼ਨਜ਼ ਜੇਸਨ ਪੈਰੀ ਨੇ ਦੱਸਿਆ ਕਿ ਇੱਕ ਮੌਕੇ ‘ਤੇ ਇੱਕ ਕਾਮੇ ਨੂੰ ਇਮੀਗ੍ਰੇਸ਼ਨ ਨਿਊਜ਼ੀਲੈਂਡ ਦੇ ਅਧਿਕਾਰੀਆਂ ਦੀ ਜਾਂਚ ਦੌਰਾਨ ਲੁਕਣ ਲਈ ਕਿਹਾ ਗਿਆ ਅਤੇ ਅਧਿਕਾਰੀਆਂ ਨਾਲ ਗੱਲ ਨਾ ਕਰਨ ਲਈ ਦਬਾਅ ਪਾਇਆ ਗਿਆ।
ਦੂਜੇ ਕਾਮੇ ਨੇ ਵੀ ਕੰਪਨੀ ਛੱਡਣ ਵਿੱਚ ਆਪਣੇ ਆਪ ਨੂੰ ਅਸਮਰੱਥ ਮਹਿਸੂਸ ਕੀਤਾ। ਇਸ ਦਾ ਕਾਰਨ ਪ੍ਰਬੰਧਨ ਵੱਲੋਂ ਬਣਾਇਆ ਦਬਾਅ ਅਤੇ ਉਸ ਪਰਿਵਾਰਕ ਮੈਂਬਰ ਦੀ ਚਿੰਤਾ ਸੀ ਜੋ ਉਸੇ ਕੰਪਨੀ ਵਿੱਚ ਕੰਮ ਕਰਦਾ ਸੀ।
ਪੈਰੀ ਨੇ ਕਿਹਾ ਕਿ ਕਾਮਿਆਂ ਦੀ ਇਮੀਗ੍ਰੇਸ਼ਨ ਸਥਿਤੀ ਨੂੰ ਉਨ੍ਹਾਂ ਨੂੰ ਕਾਬੂ ਕਰਨ ਅਤੇ ਚੁੱਪ ਰੱਖਣ ਲਈ ਵਰਤਿਆ ਗਿਆ।
ਹੱਟ ਵੈਲੀ ਡਿਸਟ੍ਰਿਕਟ ਕੋਰਟ ਦੇ ਫੈਸਲੇ ਤੋਂ ਬਾਅਦ Autopride Cars Limited ‘ਤੇ $100,000 ਦਾ ਜੁਰਮਾਨਾ ਲਗਾਇਆ ਗਿਆ ਹੈ। ਇਸ ਦੇ ਨਾਲ ਹੀ ਦੋਵੇਂ ਕਾਮਿਆਂ ਨੂੰ ਕੁੱਲ $70,654.06 ਮੁਆਵਜ਼ਾ ਦੇਣ ਦਾ ਹੁਕਮ ਦਿੱਤਾ ਗਿਆ ਹੈ।
ਕੰਪਨੀ ਦੀ ਐਂਪਲੌਇਰ ਐਕ੍ਰੈਡਿਟੇਸ਼ਨ ਵੀ ਰੱਦ ਕਰ ਦਿੱਤੀ ਗਈ ਹੈ। ਇਸ ਦਾ ਮਤਲਬ ਹੈ ਕਿ ਕੰਪਨੀ ਭਵਿੱਖ ਵਿੱਚ Accredited Employer Work Visa ਤਹਿਤ ਪ੍ਰਵਾਸੀ ਕਾਮਿਆਂ ਨੂੰ ਨੌਕਰੀ ‘ਤੇ ਨਹੀਂ ਰੱਖ ਸਕੇਗੀ।
ਪੈਰੀ ਨੇ ਕਿਹਾ ਕਿ ਇਹ ਮਾਮਲਾ ਦਰਸਾਉਂਦਾ ਹੈ ਕਿ ਅਸਲ ਜ਼ਿੰਦਗੀ ਵਿੱਚ ਪ੍ਰਵਾਸੀ ਕਾਮਿਆਂ ਦਾ ਸ਼ੋਸ਼ਣ ਕਿਵੇਂ ਡਰ ਅਤੇ ਦਬਾਅ ਰਾਹੀਂ ਕੀਤਾ ਜਾਂਦਾ ਹੈ। ਉਨ੍ਹਾਂ ਕਿਹਾ ਕਿ ਪ੍ਰਵਾਸੀਆਂ ਦਾ ਸ਼ੋਸ਼ਣ ਕਾਰੋਬਾਰ ਕਰਨ ਦਾ ਤਰੀਕਾ ਨਹੀਂ, ਸਗੋਂ ਅਪਰਾਧਿਕ ਵਿਵਹਾਰ ਹੈ ਅਤੇ ਅਧਿਕਾਰੀ ਜ਼ਿੰਮੇਵਾਰ ਲੋਕਾਂ ਖ਼ਿਲਾਫ਼ ਕਾਰਵਾਈ ਜਾਰੀ ਰੱਖਣਗੇ।