ਨਿਊਜ਼ੀਲੈਂਡ ਦੇ ਬੇਅ ਆਫ਼ ਪਲੈਂਟੀ ਖੇਤਰ ਦੇ ਪਾਪਾਮੋਆ ਬੀਚ ਵਿੱਚ ਸ਼ੁੱਕਰਵਾਰ ਦੁਪਹਿਰ ਇੱਕ ਕਾਰ ਸਪੋਰਟਸਵੇਅਰ ਸਟੋਰ ਦੇ ਅੱਗੇਲੇ ਹਿੱਸੇ ਨਾਲ ਜਾ ਵੱਜੀ। ਹਾਦਸੇ ਵਿੱਚ ਇੱਕ ਵਿਅਕਤੀ ਨੂੰ ਦਰਮਿਆਨੀ ਹਾਲਤ ਵਿੱਚ ਹਸਪਤਾਲ ਲਿਜਾਇਆ ਗਿਆ। ਪੁਲਿਸ ਨੂੰ ਗ੍ਰੈਵਟ ਰੋਡ ’ਤੇ ਹੋਏ ਇਕੱਲੇ ਵਾਹਨ ਵਾਲੇ ਹਾਦਸੇ ਦੀ ਸੂਚਨਾ ਕਰੀਬ 3:10 ਵਜੇ ਮਿਲੀ। ਸੇਂਟ ਜੌਨ ਐਂਬੂਲੈਂਸ ਸੇਵਾ ਮੁਤਾਬਿਕ ਦੋ ਐਂਬੂਲੈਂਸਾਂ ਮੌਕੇ ’ਤੇ ਪਹੁੰਚੀਆਂ ਅਤੇ ਤਿੰਨ ਲੋਕਾਂ ਦੀ ਜਾਂਚ ਕੀਤੀ ਗਈ।
ਸੇਂਟ ਜੌਨ ਦੇ ਬੁਲਾਰੇ ਨੇ ਦੱਸਿਆ ਕਿ ਇੱਕ ਵਿਅਕਤੀ ਨੂੰ ਐਂਬੂਲੈਂਸ ਰਾਹੀਂ ਟੌਰੰਗਾ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਉਸਦੀ ਹਾਲਤ ਦਰਮਿਆਨੀ ਦੱਸੀ ਗਈ। ਬਾਕੀ ਦੋ ਲੋਕਾਂ ਨੂੰ ਹਸਪਤਾਲ ਲਿਜਾਣ ਦੀ ਲੋੜ ਨਹੀਂ ਪਈ।
ਇੱਕ ਚਸ਼ਮਦੀਦ ਨੇ ਦੱਸਿਆ ਕਿ ਕਾਰ ਚਲਾ ਰਹੀ ਔਰਤ ਨੂੰ ਸ਼ਾਇਦ ਲੱਗਿਆ ਕਿ ਵਾਹਨ ਰਿਵਰਸ ਵਿੱਚ ਹੈ, ਪਰ ਕਾਰ ਅੱਗੇ ਵਧ ਗਈ ਅਤੇ ਅੰਡਰ ਆਰਮਰ ਸਟੋਰ ਦੇ ਅਗਲੇ ਹਿੱਸੇ ਨਾਲ ਟਕਰਾ ਗਈ।
ਹਾਦਸੇ ਦੀਆਂ ਤਸਵੀਰਾਂ ਵਿੱਚ ਕਾਰ ਸਟੋਰ ਦੇ ਸ਼ਾਪਫਰੰਟ ਵਿੱਚ ਫਸੀ ਹੋਈ ਦਿਖਾਈ ਦਿੱਤੀ। ਮੌਕੇ ’ਤੇ ਟੁੱਟਿਆ ਕੱਚ ਅਤੇ ਮੁੜਿਆ ਹੋਇਆ ਧਾਤੂ ਫਰੇਮ ਫੁੱਟਪਾਥ ’ਤੇ ਖਿੱਲਰਿਆ ਹੋਇਆ ਸੀ। ਪੁਲਿਸ ਵੱਲੋਂ ਹਾਦਸੇ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।