ਅਕਸਰ ਹੀ ਜਿਆਦਾਤਰ ਸੜਕੀ ਹਾਦਸਿਆਂ ਦਾ ਕਾਰਨ ਤੇਜ਼ ਰਫਤਾਰ ਹੁੰਦੀ ਹੈ। ਤੇਜ਼ ਰਫ਼ਤਾਰੀ ਨਾਲ ਸਬੰਧਿਤ ਅੱਜ ਵੀ ਇੱਕ ਮਾਮਲਾ ਸਾਹਮਣੇ ਆਇਆ ਹੈ, ਦਰਅਸਲ ਇੱਕ ਕਾਰ ਅੱਜ ਦੁਪਹਿਰ ਵੇਲੇ ਆਕਲੈਂਡ ਦੇ ਇੱਕ ਘਰ ਨਾਲ ਟਕਰਾ ਗਈ, ਇਸ ਦੌਰਾਨ ਘਰ ਦੇ ਮਾਲਕ ਨੇ ਕਿਹਾ ਟੱਕਰ ਕਾਫੀ ਜਬਰਦਸਤ ਸੀ ਤੇ ਮੈਨੂੰ ਲੱਗਿਆ ਕਿ ਭੂਚਾਲ ਆਇਆ ਹੈ। ਪੁਲਿਸ ਨੇ ਕਿਹਾ ਕਿ ਐਮਰਜੈਂਸੀ ਸੇਵਾਵਾਂ ਨੂੰ ਗਲੇਨਫੀਲਡ ਦੇ ਪਤੇ ‘ਤੇ 2.30 ਵਜੇ ਰਿਪੋਰਟਾਂ ਮਿਲਣ ਤੋਂ ਬਾਅਦ ਬੁਲਾਇਆ ਗਿਆ ਸੀ ਕਿ ਇੱਕ ਕਾਰ ਸਟੈਨਲੀ ਐਵੇਨਿਊ, ਗਲੇਨਫੀਲਡ ‘ਤੇ ਇੱਕ ਘਰ ਨਾਲ ਟਕਰਾ ਗਈ ਹੈ।
ਹਾਲਾਂਕਿ ਰਾਹਤ ਵਾਲੀ ਗੱਲ ਇਹ ਹੈ ਕਿ ਖੁਸ਼ਕਿਸਮਤੀ ਨਾਲ ਕਿਸੇ ਨੂੰ ਸੱਟ ਨਹੀਂ ਲੱਗੀ ਅਤੇ ਮਾਲਕ ਉੱਪਰ ਸੀ। ਸਾਹਮਣੇ ਆਈਆਂ ਤਸਵੀਰਾਂ ‘ਚ ਵੀ ਸੰਪਤੀ ਨੂੰ ਹੋਏ ਮਹੱਤਵਪੂਰਨ ਨੁਕਸਾਨ ਨੂੰ ਦਰਸਾਉਂਦੀਆਂ ਹਨ। ਪੁਲਿਸ ਨੇ ਦੱਸਿਆ ਕਿ ਉਸ ਸਮੇਂ ਇੱਕ ਵਿਅਕਤੀ ਗੱਡੀ ਵਿੱਚ ਸੀ ਅਤੇ ਕਿਸੇ ਦੇ ਜ਼ਖਮੀ ਹੋਣ ਦੀ ਸੂਚਨਾ ਨਹੀਂ ਹੈ।