ਕ੍ਰਾਈਸਟਚਰਚ ਮਸਜਿਦ ਹਮਲੇ ਦੇ ਦੋਸ਼ੀ Brenton Harrison Tarrant ਨਾਲ ਜੁੜੀ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਮੁਲਜ਼ਮ ਅਗਲੇ ਹਫ਼ਤੇ ਨਿਊਜ਼ੀਲੈਂਡ ਦੀ Court of Appeal of New Zealand ਵਿੱਚ ਪੇਸ਼ ਹੋਣ ਜਾ ਰਿਹਾ ਹੈ। ਇਹ ਸੁਣਵਾਈ ਪੰਜ ਦਿਨ ਤੱਕ ਚੱਲਣ ਦੀ ਸੰਭਾਵਨਾ ਹੈ, ਜਿਸ ਦੌਰਾਨ ਟੈਰੈਂਟ ਆਪਣੇ ਦੋਸ਼ਾਂ ਅਤੇ ਬਿਨਾਂ ਪੈਰੋਲ ਉਮਰ ਕੈਦ ਦੀ ਸਜ਼ਾ ਨੂੰ ਚੁਣੌਤੀ ਦੇਵੇਗਾ। ਅਗਸਤ 2020 ਵਿੱਚ ਟੈਰੈਂਟ ਨੂੰ 51 ਲੋਕਾਂ ਦੀ ਹੱਤਿਆ ਅਤੇ 40 ਹੋਰਾਂ ਨੂੰ ਜ਼ਖ਼ਮੀ ਕਰਨ ਦੇ ਮਾਮਲੇ ਵਿੱਚ ਉਮਰ ਕੈਦ ਦੀ ਸਜ਼ਾ ਸੁਣਾਈ ਗਈ ਸੀ।
ਸਥਾਨਕ ਰਿਪੋਰਟਾਂ ਦੇ ਅਨੁਸਾਰ ਉਸ ਦਾ ਦਾਅਵਾ ਹੈ ਕਿ ਉਸ ਨੇ ਕਤਲ, ਕਤਲ ਦੀ ਕੋਸ਼ਿਸ਼ ਅਤੇ ਅੱਤਵਾਦੀ ਗਤੀਵਿਧੀ ਦੇ ਦੋਸ਼ “ਜ਼ਬਰਦਸਤੀ ਅਤੇ ਤਸ਼ੱਦਦ ਦੇ ਦਬਾਅ ਹੇਠ” ਕਬੂਲ ਕੀਤੇ ਸਨ। ਟੈਰੈਂਟ ਨੇ ਸ਼ੁਰੂ ਵਿੱਚ ਸਾਰੇ ਦੋਸ਼ਾਂ ਤੋਂ ਇਨਕਾਰ ਕੀਤਾ ਸੀ ਅਤੇ ਟ੍ਰਾਇਲ ਦਾ ਸਾਹਮਣਾ ਕਰਨ ਦੀ ਤਿਆਰੀ ਕੀਤੀ ਸੀ, ਪਰ ਕੋਵਿਡ-19 ਲੌਕਡਾਊਨ ਦੇ ਪਹਿਲੇ ਦਿਨਾਂ ਵਿੱਚ ਅਚਾਨਕ ਉਸ ਨੇ ਸਾਰੇ ਦੋਸ਼ ਕਬੂਲ ਕਰ ਲਏ ਸਨ। ਦੱਸ ਦੇਈਏ 15 ਮਾਰਚ 2019 ਨੂੰ ਉਸ ਨੇ Al Noor Mosque ਅਤੇ Linwood Islamic Centre ਵਿੱਚ ਜੁਮ੍ਹੇ ਦੀ ਨਮਾਜ਼ ਦੌਰਾਨ ਹਮਲਾ ਕੀਤਾ ਸੀ।