ਸੁਧਾਰ ਵਿਭਾਗ ਲਈ ਕੰਮ ਕਰਨ ਵਾਲੀਆਂ ਨਰਸਾਂ ਅਤੇ ਸਿਹਤ ਸੰਭਾਲ ਸਹਾਇਕ 23 ਅਕਤੂਬਰ ਨੂੰ ਫਿਰ ਹੜਤਾਲ ਕਰਨਗੇ। ਸੁਧਾਰ ਵਿਭਾਗ ਦੇ ਬੁਲਾਰੇ ਨੇ ਕਿਹਾ ਕਿ ਉਨ੍ਹਾਂ ਨੂੰ 6 ਅਕਤੂਬਰ ਦੀ ਦੁਪਹਿਰ ਨੂੰ ਹੜਤਾਲ ਕਾਰਵਾਈ ਦਾ ਰਸਮੀ ਨੋਟਿਸ ਮਿਲਿਆ ਹੈ। ਨਰਸਾਂ ਦੇ ਸੰਗਠਨ ਦੇ ਲਗਭਗ 400 ਮੈਂਬਰ ਸਵੇਰੇ 6 ਵਜੇ ਤੋਂ ਰਾਤ 10 ਵਜੇ ਤੱਕ 16 ਘੰਟੇ ਦੀ ਹੜਤਾਲ ਵਿੱਚ ਹਿੱਸਾ ਲੈਣਗੇ। ਇਹ ਪ੍ਰਦਰਸ਼ਨ ਹਰ ਉਸ ਜਗ੍ਹਾ ‘ਤੇ ਹੋਵੇਗਾ ਜਿੱਥੇ ਸੁਧਾਰ ਸਿਹਤ ਸੇਵਾਵਾਂ ਪ੍ਰਦਾਨ ਕੀਤੀਆਂ ਜਾਂਦੀਆਂ ਹਨ, ਹਾਲਾਂਕਿ, ਮੈਂਬਰ ਜੀਵਨ ਰੱਖਿਅਕ ਸੇਵਾਵਾਂ ਪ੍ਰਦਾਨ ਕਰਦੇ ਰਹਿਣਗੇ।
ਸੁਧਾਰ ਵਿਭਾਗ ਦੇ ਬੁਲਾਰੇ, ਮਾਈਕਲ ਪਾਈ ਨੇ ਕਿਹਾ ਕਿ ਮੈਂਬਰ ਘੱਟ ਔਨ-ਕਾਲ ਕੰਮ, ਸ਼ਿਫਟ ‘ਤੇ ਵਧੇਰੇ ਸਟਾਫ ਨੂੰ ਰੋਸਟਰ ਕੀਤਾ ਜਾਵੇ, ਅਤੇ ਇੱਕ ਬਿਹਤਰ ਤਨਖਾਹ ਪੇਸ਼ਕਸ਼ ਚਾਹੁੰਦੇ ਸਨ। ਉਨ੍ਹਾਂ ਅੱਗੇ ਕਿਹਾ ਕਿ, “ਨਰਸਾਂ ਅਤੇ ਸਿਹਤ ਸੰਭਾਲ ਸਹਾਇਕ ਨਿਰਾਸ਼ ਹਨ ਕਿਉਂਕ ਬਹੁਤ ਜ਼ਿਆਦਾ ਔਖੇ ਔਨ-ਕਾਲ ਸਿਸਟਮ ਬਾਰੇ ਉਨ੍ਹਾਂ ਦੀਆਂ ਸੁਰੱਖਿਆ ਚਿੰਤਾਵਾਂ ਨੂੰ ਹੱਲ ਕਰਨ ਤੋਂ ਇਨਕਾਰ ਕਰ ਦਿੱਤਾ ਗਿਆ ਹੈ।”