ਨਿਊਜ਼ੀਲੈਂਡ ‘ਚ ਆਏ ਗੈਬਰੀਏਲ ਤੂਫਾਨ ਨਾਲ ਜੁੜੀਆਂ ਮੌਤਾਂ ਦੀ ਗਿਣਤੀ ਹੁਣ ਅੱਠ ਹੋ ਗਈ ਹੈ। ਪੁਲਿਸ ਨੇ ਸ਼ੁੱਕਰਵਾਰ ਦੁਪਹਿਰ ਨੂੰ ਨੇਪੀਅਰ ਨੇੜੇ ਇੱਕ ਹੋਰ ਮੌਤ ਦੀ ਪੁਸ਼ਟੀ ਕੀਤੀ ਹੈ। ਇੱਕ ਬਿਆਨ ਵਿੱਚ, ਪੁਲਿਸ ਨੇ ਕਿਹਾ ਕਿ ਉਹ ਨੇਪੀਅਰ ਦੇ ਪੱਛਮ ਵਿੱਚ ਪੁਕੇਤਾਪੂ ਵਿੱਚ ਇੱਕ ਮੌਤ ਦੀ ਜਾਂਚ ਕਰ ਰਹੇ ਸਨ ਅਤੇ ਮੰਨਿਆ ਜਾ ਰਿਹਾ ਹੈ ਕਿ ਵਿਅਕਤੀ ਦੀ ਮੌਤ ਹੜ੍ਹ ਦੇ ਪਾਣੀ ਵਿੱਚ ਫਸਣ ਤੋਂ ਬਾਅਦ ਹੋਈ ਸੀ। ਹਾਲਾਂਕਿ ਰਸਮੀ ਪਛਾਣ ਅਜੇ ਹੋਣੀ ਬਾਕੀ ਹੈ, ਪਰ ਇੱਕ ਰਿਪੋਰਟ ਅਨੁਸਾਰ ਹੜ੍ਹ ਪੀੜਤ ਇੱਕ 59 ਸਾਲਾ ਔਰਤ ਸੀ ਜਿਸਦੀ ਲਾਸ਼ ਉਸਦੀ ਝੌਂਪੜੀ ਦੀ ਛੱਤ ਦੇ ਖੋਲ ਵਿੱਚੋਂ ਮਿਲੀ ਸੀ।
ਇਸ ਦੌਰਾਨ ਗਿਸਬੋਰਨ ਵਿੱਚ ਲੋਕਾਂ ਨੂੰ ਅਗਲੇ ਨੋਟਿਸ ਤੱਕ ਤੁਰੰਤ ਪਾਣੀ ਦੀ ਵਰਤੋਂ ਬੰਦ ਕਰਨ ਦੀ ਚੇਤਾਵਨੀ ਦਿੱਤੀ ਜਾ ਰਹੀ ਹੈ। ਗਿਸਬੋਰਨ ਡਿਸਟ੍ਰਿਕਟ ਕੌਂਸਲ ਦਾ ਕਹਿਣਾ ਹੈ ਕਿ ਵਾਟਰ ਟ੍ਰੀਟਮੈਂਟ ਸਿਸਟਮ ਫੇਲ ਹੋ ਗਿਆ ਹੈ।