ਸ਼੍ਰੀਲੰਕਾ ਦਾ ਨੌਜਵਾਨ ਸਪਿਨਰ, ਡੁਨਿਥ ਵੇਲਾਲਗੇ , ਏਸ਼ੀਆ ਕੱਪ ਵਿੱਚ ਆਪਣਾ ਪਹਿਲਾ ਮੈਚ ਕਦੇ ਨਹੀਂ ਭੁੱਲੇਗਾ। ਉਸਨੂੰ ਆਪਣੇ ਪਹਿਲੇ ਮੈਚ ਵਿੱਚ ਅਫਗਾਨਿਸਤਾਨ ਵਿਰੁੱਧ ਇੱਕ ਓਵਰ ਵਿੱਚ ਲਗਾਤਾਰ ਪੰਜ ਛੱਕੇ ਲੱਗੇ ਸਨ, ਅਤੇ ਮੈਚ ਤੋਂ ਬਾਅਦ, ਉਸਨੂੰ ਆਪਣੇ ਪਿਤਾ ਦੀ ਮੌਤ ਦੀ ਦੁਖਦਾਈ ਖ਼ਬਰ ਮਿਲੀ। ਹਾਲਾਂਕਿ ਸ਼੍ਰੀਲੰਕਾ ਨੇ ਮੈਚ ਜਿੱਤ ਲਿਆ, ਅਫਗਾਨਿਸਤਾਨ ਨੂੰ ਏਸ਼ੀਆ ਕੱਪ ਤੋਂ ਬਾਹਰ ਕਰ ਦਿੱਤਾ। ਜਿੱਤ ਤੋਂ ਬਾਅਦ ਵੇਲਾਲਗੇ ਦੇ ਪਿਤਾ ਦੀ ਮੌਤ ਦੀ ਖ਼ਬਰ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ।
22 ਸਾਲਾ ਸ਼੍ਰੀਲੰਕਾ ਦੇ ਸਪਿਨਰ ਡੁਨਿਥ ਵੇਲਾਲਗੇ ਨੇ ਏਸ਼ੀਆ ਕੱਪ ਵਿੱਚ ਅਫਗਾਨਿਸਤਾਨ ਵਿਰੁੱਧ ਆਪਣਾ ਪਹਿਲਾ ਮੈਚ ਖੇਡਿਆ। ਇਸ ਖਿਡਾਰੀ ਨੇ ਆਪਣਾ ਪਹਿਲਾ ਮੈਚ ਖੇਡਦੇ ਹੋਏ ਕੁਝ ਅਜਿਹਾ ਅਨੁਭਵ ਕੀਤਾ ਜਿਸਦੀ ਕੋਈ ਉਮੀਦ ਨਹੀਂ ਕਰੇਗਾ: ਉਸਨੂੰ ਆਪਣੇ ਪਹਿਲੇ ਹੀ ਮੈਚ ਵਿੱਚ ਇੱਕ ਓਵਰ ਵਿੱਚ ਲਗਾਤਾਰ ਪੰਜ ਛੱਕੇ ਲੱਗੇ। ਮੈਚ ਤੋਂ ਬਾਅਦ ਜੋ ਹੋਇਆ ਉਹ ਕਲਪਨਾਯੋਗ ਨਹੀਂ ਸੀ। ਟੀਮ ਮੈਨੇਜਰ ਨੇ ਡੁਨਿਥ ਵੇਲਾਲੇਜ ਨੂੰ ਦਿਲ ਦਾ ਦੌਰਾ ਪੈਣ ਨਾਲ ਉਸਦੇ ਪਿਤਾ ਦੀ ਮੌਤ ਦੀ ਜਾਣਕਾਰੀ ਦਿੱਤੀ। ਉਹ ਸਿਰਫ਼ 22 ਸਾਲ ਦੀ ਉਮਰ ਵਿੱਚ ਇੱਕ ਹੀ ਦਿਨ ਵਿੱਚ ਅਜਿਹੇ ਦੁਖਾਂਤ ਦਾ ਅਨੁਭਵ ਕਰਨ ਤੋਂ ਬਾਅਦ ਬਹੁਤ ਦੁਖੀ ਸੀ।
ਅਫਗਾਨਿਸਤਾਨ ਵਿਰੁੱਧ, ਕਪਤਾਨ ਚਰਿਥ ਅਸਾਲੰਕਾ ਨੇ ਡੁਨਿਥ ਵੇਲਾਲਗੇ ਨੂੰ ਆਖਰੀ ਓਵਰ ਸੁੱਟਣ ਲਈ ਬੁਲਾਇਆ, ਜੋ ਏਸ਼ੀਆ ਕੱਪ ਵਿੱਚ ਆਪਣਾ ਪਹਿਲਾ ਮੈਚ ਖੇਡ ਰਿਹਾ ਸੀ। ਅਫਗਾਨਿਸਤਾਨ ਦੇ ਸਭ ਤੋਂ ਤਜਰਬੇਕਾਰ ਖਿਡਾਰੀ, ਮੁਹੰਮਦ ਨਬੀ ਨੇ ਨੌਜਵਾਨ ਖਿਡਾਰੀ ਦਾ ਅਜਿਹਾ ਹਸ਼ਰ ਉਸਨੇ ਸੋਚਿਆ ਵੀ ਨਹੀਂ ਹੋਣਾ ਨਬੀ ਨੇ ਪਹਿਲੀਆਂ ਤਿੰਨ ਲਗਾਤਾਰ ਗੇਂਦਾਂ ‘ਤੇ ਛੱਕੇ ਲਗਾਏ। ਇਸ ਤੋਂ ਬਾਅਦ ਉਸਨੇ ਨੋ-ਬਾਲ ਕੀਤੀ ਫਿਰ ਇਸ ਤੋਂ ਬਾਅਦ ਲਗਾਤਾਰ ਗੇਂਦਾਂ ‘ਤੇ ਦੋ ਛੱਕੇ ਲਗਾਏ। ਡੁਨਿਥ ਵੇਲਾਲੇਜ ਦੇ ਓਵਰ ਵਿੱਚ ਕੁੱਲ 32 ਦੌੜਾਂ ਬਣੀਆਂ।