ਨਿਊਜ਼ੀਲੈਂਡ ‘ਚ ਇਸ ਸਮੇਂ ਕਈਂ ਕੰਪਨੀਆਂ ਕਰਮਚਾਰੀਆਂ ਦੀ ਘਾਟ ਨਾਲ ਜੂਝ ਰਹੀਆਂ ਨੇ। ਰੀਕਰੀਉਟਮੈਂਟ ਐਜੰਸੀਆਂ ਅਨੁਸਾਰ ਲੋੜ ਤੋਂ ਵੱਧ ਤਨਖਾਹਾਂ ਦੀ ਪੇਸ਼ਕਸ਼, ਵੱਧਦੀ ਮਹਿੰਗਾਈ ਅਤੇ ਮਾਰਕੀਟ ਵਿੱਚ ਹਰ ਕਾਰੋਬਾਰ ਵਿੱਚ ਕਰਮਚਾਰੀਆਂ ਦੀ ਘਾਟ ਕਾਰਨ ਕਈ ਤਰਾਂ ਦੀਆਂ ਸਮੱਸਿਆ ਆ ਸਕਦੀਆਂ ਹਨ। ਉੱਥੇ ਹੀ ਹੁਣ ਸਿੰਪਸਨ ਗਰੀਸਨ ਨਾਮ ਦੀ ਲਾਅ ਫਰਮ ਨੇ ਇੱਕ ਵੱਖਰੀ ਹੀ ਪੇਸ਼ਕਸ਼ ਕੀਤੀ ਹੈ, ਦਰਅਸਲ ਕੰਪਨੀ ਨੇ ਕਰਮਚਾਰੀਆਂ ਨੂੰ ਪੇਸ਼ਕਸ਼ ਕੀਤੀ ਹੈ ਕਿ ਜੇ ਕੋਈ ਫਰਮ ਲਈ ਵਕੀਲ ਲੱਭ ਕੇ ਲਿਆਵੇਗਾ, ਉਸਨੂੰ $10,000 ਬਤੌਰ ਇਨਾਮ ਵਜੋਂ ਦਿੱਤੇ ਜਾਣਗੇ। ਸਿਰਫ ਇੱਕੋ ਸ਼ਰਤ ਹੈ ਕਿ ਵਕੀਲ ਫਰਮ ਲਈ ਘੱਟੋ-ਘੱਟ 6 ਮਹੀਨਿਆਂ ਲਈ ਕੰਮ ਕਰੇ।
