ਇੱਕ “bogus doctor” ਜਿਸਨੇ ਮਿਡਲਮੋਰ ਹਸਪਤਾਲ ਵਿੱਚ ਨੌਕਰੀ ਲਈ ਫਰਜ਼ੀ ਰਸਤਾ ਚੁਣਿਆ ਸੀ,ਹੁਣ ਜੇਲ੍ਹ ਦੀ ਹਵਾ ਖਾਏਗਾ। ਦਰਅਸਲ ਵੀਰਵਾਰ ਨੂੰ ਮੈਨੂਕਾਊ ਜਿਲ੍ਹਾ ਅਦਾਲਤ ਨੇ ਇੱਕ ਭਾਰਤੀ ਮੂਲ ਦੇ 31 ਸਾਲਾ ਨੌਜਵਾਨ ਯੁਵਰਾਜ ਕ੍ਰਿਸ਼ਨਨ ਨੂੰ 3 ਸਾਲ ਤੇ 7 ਮਹੀਨਿਆਂ ਦੀ ਸਜਾ ਸੁਣਾਈ ਹੈ। ਨੌਜਵਾਨ ਤੇ ਬਿਨਾਂ ਕਿਸੇ ਅਧਿਕਾਰਿਤ ਡਿਗਰੀ ਦੇ ਕਾਫੀ ਸਮਾਂ ਡਾਕਟਰ ਵਜੋਂ ਕੰਮ ਕਰਨ ਦੋਸ਼ ਹੈ। ਜੱਜ ਨੇਵਿਨ ਡਾਅਸਨ ਨੇ ਕਿਹਾ ਕਿ ਕ੍ਰਿਸ਼ਨਨ ਵਿੱਚ ਸਵੈ-ਅਧਿਕਾਰ ਦੀ ਵਿਗੜਦੀ ਭਾਵਨਾ ਹੈ ਅਤੇ ਉਸ ਨੇ ਮਰੀਜ਼ਾਂ ਨੂੰ ਜੋਖਮ ਵਿੱਚ ਪਾਇਆ ਸੀ।
