ਡਾਊਨਟਾਊਨ ਆਕਲੈਂਡ ਵਿੱਚ ਇੱਕ ਛੇ ਮੰਜ਼ਿਲਾ ਰਿਹਾਇਸ਼ੀ ਬਲਾਕ ਵਿੱਚ ਅੱਗ ਲੱਗਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਹਾਲਾਂਕਿ ਰਾਹਤ ਵਾਲੀ ਗੱਲ ਹੈ ਕਿ ਅੱਗ ਬੁਝਾ ਦਿੱਤੀ ਗਈ ਹੈ। ਰਾਤ 8.15 ਵਜੇ ਤੋਂ ਬਾਅਦ ਹਾਈ ਸਟਰੀਟ ‘ਚ ਫਾਇਰ ਬ੍ਰਿਗੇਡ ਕਰਮਚਾਰੀਆਂ ਨੂੰ ਬੁਲਾਇਆ ਗਿਆ ਸੀ। ਅੱਗ ਪਹਿਲੀ ਮੰਜ਼ਿਲ ‘ਤੇ ਲਾਂਡਰੀ ਵਿੱਚ ਲੱਗੀ ਸੀ। ਫਾਇਰ ਐਂਡ ਐਮਰਜੈਂਸੀ ਨੇ ਕਿਹਾ ਕਿ ਇਹ ਅਜੇ ਸਪੱਸ਼ਟ ਨਹੀਂ ਹੈ ਕਿ ਨਿਵਾਸੀ ਇਮਾਰਤ ਵਿੱਚ ਕਦੋਂ ਵਾਪਸ ਜਾ ਸਕਦੇ ਹਨ। ਹਾਈ ਸਟਰੀਟ ਅਜੇ ਵੀ ਆਵਾਜਾਈ ਲਈ ਬੰਦ ਹੈ। ਫਾਇਰ ਐਂਡ ਐਮਰਜੈਂਸੀ ਨੇ ਕਿਹਾ ਕਿ ਦੋ ਪੌੜੀਆਂ ਵਾਲੇ ਟਰੱਕਾਂ ਸਮੇਤ ਅੱਠ ਟਰੱਕ ਅਤੇ ਇੱਕ ਕਮਾਂਡ ਯੂਨਿਟ ਘਟਨਾ ਸਥਾਨ ‘ਤੇ ਮੌਜੂਦ ਸਨ।
