ਡੁਨੇਡਿਨ ਦੇ ਵਿਦਿਆਰਥੀਆਂ ਵਿੱਚ ਪ੍ਰਸਿੱਧ ਇੱਕ BYO Establishment ਨੂੰ ਅੱਗ ਲੱਗਣ ਦੀ ਖਬਰ ਸਾਹਮਣੇ ਆਈ ਹੈ। ਭਾਰਤੀ ਰੈਸਟੋਰੈਂਟ ਤਾਜ ਮਹਿਲ ਨੂੰ ਅੱਜ ਤੜਕੇ ਅੱਗ ਲੱਗੀ ਹੈ। ਇਮਾਰਤ ਵਿੱਚੋਂ ਕਾਲੇ ਧੂੰਏਂ ਦੇ ਨਿਕਲਣ ਦੀ ਰਿਪੋਰਟ ਦੇ ਨਾਲ ਸਵੇਰੇ 3 ਵਜੇ ਤੋਂ ਤੁਰੰਤ ਬਾਅਦ ਜਾਰਜ ਸਟਰੀਟ ‘ਤੇ ਫਾਇਰ ਕਰਮੀਆਂ ਨੂੰ ਮੌਕੇ ‘ਤੇ ਬੁਲਾਇਆ ਗਿਆ ਸੀ। ਸੀਨੀਅਰ ਸਟੇਸ਼ਨ ਅਧਿਕਾਰੀ ਮਾਰਕ ਲਿਓਨਾਰਡ ਦਾ ਕਹਿਣਾ ਹੈ ਕਿ ਜਦੋਂ ਅਮਲੇ ਪਹੁੰਚੇ ਤਾਂ ਅੱਗ ਕਾਫੀ ਜਿਆਦਾ ਲੱਗੀ ਹੋਈ ਸੀ, ਪਰ ਜਲਦੀ ਹੀ ਇਸ ‘ਤੇ ਕਾਬੂ ਪਾ ਲਿਆ ਗਿਆ।
ਜਦੋਂ ਅੱਗ ਲੱਗੀ ਤਾਂ ਰੈਸਟੋਰੈਂਟ ਦੇ ਅੰਦਰ ਕੋਈ ਨਹੀਂ ਸੀ ਪਰ ਉਸ ਸਮੇਂ ਰੈਸਟੋਰੈਂਟ ਦੇ ਉਪਰਲੇ ਫਲੈਟ ਵਿੱਚ ਚਾਰ ਕਿਰਾਏਦਾਰ ਸੁੱਤੇ ਹੋਏ ਸਨ। ਮੌਕੇ ‘ਤੇ ਮੌਜੂਦ ਇੱਕ ਵਿਅਕਤੀ ਨੇ ਆਪਣੇ ਬਿਆਨ ‘ਚ ਦੱਸਿਆ ਕਿ ਉਹ ਆਪਣੀ ਖਿੜਕੀ ਵਿੱਚੋਂ ਧੂੰਏਂ ਦੀ ਬਦਬੂ ਆਉਣ ਤੋਂ ਬਾਅਦ ਜਾਗਿਆ ਸੀ। ਉਸਨੇ ਕਿਹਾ ਕਿ ਮੈਂ ਸਿਰਫ ਹੈਰਾਨ ਹਾਂ ਕਿ ਇਹ ਸਾਡੇ ਤੱਕ ਨਹੀਂ ਫੈਲਿਆ। ਉਹ ਇਮਾਰਤ ਵਿੱਚੋਂ ਬਚ ਨਿਕਲੇ, ਅਤੇ ਇਸ ਘਟਨਾ ਵਿੱਚ ਕੋਈ ਜ਼ਖਮੀ ਨਹੀਂ ਹੋਇਆ। ਫਿਲਹਾਲ ਇਹ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ਅੱਗ ਕਿਵੇਂ ਲੱਗੀ। ਦੋ ਫਾਇਰ ਜਾਂਚਕਰਤਾ ਮੌਕੇ ‘ਤੇ ਕਾਰਨਾਂ ਦਾ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।