ਨਿਊਜ਼ੀਲੈਂਡ ਵਿੱਚ ਮੌਂਕੀਪੌਕਸ ਦੇ ਪਹਿਲੇ ਕਮਿਊਨਿਟੀ spread ਕੇਸਾਂ ਦਾ ਪਤਾ ਲਗਾਇਆ ਗਿਆ ਹੈ। ਅੱਜ ਸਿਹਤ ਅਧਿਕਾਰੀਆਂ ਦੇ ਅਨੁਸਾਰ ਬਿਮਾਰੀ ਦੇ ਦੋ ਨਵੇਂ ਕੇਸ ਜੋ ਸਾਹਮਣੇ ਆਏ ਹਨ ਦੋਵੇ ਕਮਿਊਨਿਟੀ ਟ੍ਰਾਂਸਮਿਸ਼ਨ ਦੇ ਮਾਮਲੇ ਹਨ। ਇਸਦਾ ਮਤਲਬ ਹੈ ਕਿ ਉਹ ਨਿਊਜ਼ੀਲੈਂਡ ਵਿੱਚ ਕਿਸੇ ਵਿਅਕਤੀ ਦੇ ਸੰਪਰਕ ‘ਚ ਆਏ ਸਨ ਨਾ ਕਿ ਕਿਸੇ ਵਿਦੇਸ਼ੀ ਦੇ। ਸਿਹਤ ਅਥਾਰਟੀ ਦਾ ਕਹਿਣਾ ਹੈ ਕਿ ਦੋਵੇਂ ਕੇਸ ਆਕਲੈਂਡ ਵਿੱਚ ਏਕਾਂਤਵਾਸ ਹਨ। “ਜਨਤਕ ਸਿਹਤ ਸਟਾਫ ਹੋਰ ਪ੍ਰਸਾਰਣ ਦੇ ਕਿਸੇ ਵੀ ਜੋਖਮ ਦਾ ਮੁਲਾਂਕਣ ਕਰਨ ਲਈ ਆਮ ਸੰਪਰਕ ਟਰੇਸਿੰਗ ਪ੍ਰਕਿਰਿਆਵਾਂ ਦੀ ਪਾਲਣਾ ਕਰ ਰਿਹਾ ਹੈ।”
Te Whatu Ora ਉਹਨਾਂ ਲੋਕਾਂ ਨੂੰ ਸੁਚੇਤ ਕਰ ਰਿਹਾ ਹੈ ਜੋ ਚਮੜੀ ਵਿੱਚ ਤਬਦੀਲੀਆਂ ਦਾ ਅਨੁਭਵ ਕਰ ਹਨ ਜਾਂ ਜਿਨ੍ਹਾਂ ਦੇ ਕੋਈ ਜਖ਼ਮ ਜਾਂ ਧੱਫੜ ਹੋਇਆ ਹੈ, ਉਨ੍ਹਾਂ ਨੂੰ ਡਾਕਟਰੀ ਸਲਾਹ ਲੈਣ ਲਈ ਕਿਹਾ ਗਿਆ ਹੈ, “ਭਾਵੇਂ ਤੁਸੀਂ ਹਾਲ ਹੀ ਵਿੱਚ ਵਿਦੇਸ਼ ਯਾਤਰਾ ਨਾ ਕੀਤੀ ਹੋਵੇ।” ਨਿਊਜ਼ੀਲੈਂਡ ਵਿੱਚ ਹੁਣ ਤੱਕ ਮੌਂਕੀਪੌਕਸ ਦੇ 11 ਮਾਮਲੇ ਸਾਹਮਣੇ ਆਏ ਹਨ।