ਹੈਸਟਿੰਗਜ਼ ਵਿੱਚ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਹੋਈ ਇਕ “ਹਿੰਸਕ ਅਤੇ ਲਾਪਰਵਾਹੀ ਭਰੀ” ਬਾਰ ਲੜਾਈ ਦੇ ਮਾਮਲੇ ਵਿੱਚ ਪੁਲਿਸ ਵੱਲੋਂ ਤਿੰਨ ਔਰਤਾਂ ਅਤੇ ਦੋ ਮਰਦਾਂ ਦੀ ਤਲਾਸ਼ ਕੀਤੀ ਜਾ ਰਹੀ ਹੈ, ਜਦਕਿ ਇੱਕ ਵਿਅਕਤੀ ‘ਤੇ ਬੁੱਧਵਾਰ ਨੂੰ ਇਸ ਘਟਨਾ ਨਾਲ ਸੰਬੰਧਤ ਦੋਸ਼ ਲਗਾਏ ਗਏ ਹਨ। 8 ਮਾਰਚ ਨੂੰ ਤਕਰੀਬਨ ਸਵੇਰੇ 1:45 ਵਜੇ ਕਾਮਨ ਰੂਮ ਬਾਰ ਵਿੱਚ ਹੋਈ ਇਸ ਲੜਾਈ ਸਬੰਧੀ ਪੁਲਿਸ ਨੂੰ ਸੂਚਨਾ ਮਿਲੀ ਸੀ। ਇਸ ਝਗੜੇ ਦੌਰਾਨ ਕਈ ਲੋਕ ਗੰਭੀਰ ਰੂਪ ਵਿੱਚ ਜ਼ਖ਼ਮੀ ਹੋਏ ਸਨ ਅਤੇ ਇੱਕ ਵਿਅਕਤੀ ਨੂੰ ਹਸਪਤਾਲ ਵਿੱਚ ਇਲਾਜ ਲਈ ਭਰਤੀ ਕਰਵਾਉਣਾ ਪਿਆ ਸੀ।
ਡਿਟੈਕਟਿਵ ਸਰਜੰਟ ਹੀਥ ਜੋਨਜ਼ ਨੇ ਕਿਹਾ ਸੀ, “ਉਸ ਰਾਤ ਕਾਮਨ ਰੂਮ ਵਿੱਚ ਹੋਏ ਹਿੰਸਕ ਅਤੇ ਲਾਪਰਵਾਹੀ ਭਰੇ ਵਿਹਾਰ ਤੋਂ ਪੁਲਿਸ ਨਿਰਾਸ਼ ਹੈ ਅਤੇ ਅਸੀਂ ਦੋਸ਼ੀਆਂ ਨੂੰ ਜ਼ਰੂਰ ਕਾਨੂੰਨ ਦੇ ਘੇਰੇ ਵਿੱਚ ਲਿਆਂਦੇਗੇ।” ਜੋਨਜ਼ ਨੇ ਬੁੱਧਵਾਰ ਨੂੰ ਦੱਸਿਆ ਕਿ 32 ਸਾਲਾ ਵਿਅਕਤੀ ਨੂੰ ਇਸ ਮਾਮਲੇ ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਉਹ ਵੀਰਵਾਰ ਨੂੰ ਹੈਸਟਿੰਗਜ਼ ਡਿਸਟ੍ਰਿਕਟ ਕੋਰਟ ਵਿੱਚ ਪੇਸ਼ ਹੋਵੇਗਾ, ਜਿੱਥੇ ਉਸ ‘ਤੇ ਜ਼ਖ਼ਮੀ ਕਰਨ ਦੀ ਨੀਅਤ ਨਾਲ ਹਮਲੇ ਦੇ ਪੰਜ ਦੋਸ਼, ਜ਼ਖ਼ਮੀ ਕਰਨ ਦੇ ਤਿੰਨ ਦੋਸ਼, ਗੰਭੀਰ ਸਰੀਰਕ ਨੁਕਸਾਨ ਪਹੁੰਚਾਉਣ ਦੀ ਨੀਅਤ ਨਾਲ ਜ਼ਖ਼ਮੀ ਕਰਨ ਦਾ ਦੋਸ਼ ਅਤੇ ਇੱਕ ਆਮ ਹਮਲੇ ਦਾ ਦੋਸ਼ ਲਗਾਇਆ ਗਿਆ ਹੈ।
ਪੁਲਿਸ ਨੇ ਕਿਹਾ ਹੈ ਕਿ ਹੋਰ ਗ੍ਰਿਫ਼ਤਾਰੀਆਂ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ। ਜੋਨਜ਼ ਨੇ ਕਿਹਾਕਿ , “ਪੁਲਿਸ ਹੁਣ ਤਿੰਨ ਔਰਤਾਂ ਅਤੇ ਦੋ ਮਰਦਾਂ ਦੀ ਭਾਲ ਕਰ ਰਹੀ ਹੈ, “ਕਿਉਂਕਿ ਸਾਨੂੰ ਵਿਸ਼ਵਾਸ ਹੈ ਕਿ ਉਹ ਸਾਡੀ ਜਾਂਚ ਵਿੱਚ ਮਦਦਗਾਰ ਹੋ ਸਕਦੇ ਹਨ।” ਜਿਸ ਕਿਸੇ ਕੋਲ ਵੀ ਇਸ ਮਾਮਲੇ ਸਬੰਧੀ ਜਾਣਕਾਰੀ ਹੋਵੇ, ਉਹ 105 ‘ਤੇ ਪੁਲਿਸ ਨਾਲ ਸੰਪਰਕ ਕਰੇ ਜਾਂ ਗੁਪਤ ਤੌਰ ‘ਤੇ ਕਰਾਈਮ ਸਟਾਪਰਜ਼ 0800 555 111 ‘ਤੇ ਜਾਣਕਾਰੀ ਦੇ ਸਕਦਾ ਹੈ।