ਨਿਊਜ਼ੀਲੈਂਡ ਸਰਕਾਰ ਨੇ ਵੱਡਾ ਫੈਸਲਾ ਲੈਂਦਿਆਂ ਵਿਦੇਸ਼ੀ ਖਰੀਦਦਾਰ ਪਾਬੰਦੀਆਂ ‘ਚ ਵੱਡਾ ਬਦਲਾਅ ਕਰ ਦਿੱਤਾ ਹੈ, ਜਿਸ ਨਾਲ ਐਕਟਿਵ ਇਨਵੈਸਟਰ ਪਲੱਸ ਵੀਜ਼ਾ ਵਾਲੇ ਵਿਦੇਸ਼ੀ ਧਾਰਕਾਂ ਨੂੰ $5 ਮਿਲੀਅਨ ਜਾਂ ਇਸ ਤੋਂ ਵੱਧ ਦੇ ਘਰ ਖਰੀਦਣ ਦੀ ਆਗਿਆ ਮਿਲ ਗਈ ਹੈ। ਦੱਸ ਦੇਈਏ ਨਵਾਂ ਬਿੱਲ ਸ਼ੁੱਕਰਵਾਰ ਰਾਤ ਤੁਰੰਤ ਕਾਰਵਾਈ (urgency) ਹੇਠ ਪਾਸ ਕਰ ਦਿੱਤਾ ਗਿਆ ਸੀ। ਇਮੀਗ੍ਰੇਸ਼ਨ ਮੰਤਰੀ ਏਰਿਕਾ ਸਟੈਨਫੋਰਡ ਨੇ ਕਿਹਾ ਕਿ ਵੀਜ਼ਾ ਆਰਥਿਕ ਵਿਕਾਸ ਲਈ ਬਹੁਤ ਮਹੱਤਵਪੂਰਨ ਹੈ, ਜਿਸ ਲਈ $5 ਮਿਲੀਅਨ ਦੇ ਨਿਵੇਸ਼ ਅਤੇ ਚੰਗੇ ਚਰਿੱਤਰ ਦੀ ਜਾਂਚ ਦੀ ਲੋੜ ਹੁੰਦੀ ਹੈ।
ਇਸ ਤਬਦੀਲੀ ਨਾਲ ਅਮੀਰ ਵਿਦੇਸ਼ੀ ਨਿਵੇਸ਼ਕਾਂ ਲਈ ਨਿਊਜ਼ੀਲੈਂਡ ਵਿੱਚ ਰਹਾਇਸ਼ੀ ਸੰਪਤੀ ਖਰੀਦਣ ਦਾ ਰਸਤਾ ਕਾਫ਼ੀ ਆਸਾਨ ਹੋ ਜਾਵੇਗਾ। ਇਹ ਸੋਧ Associate Finance Minister ਡੇਵਿਡ ਸੀਮੋਰ ਦੇ Overseas Investment Act ਬਿੱਲ ਵਿੱਚ Immigration Minister ਏਰਿਕਾ ਸਟੈਂਫੋਰਡ ਦੇ ਨਾਂ ਨਾਲ ਇੱਕ amendment paper ਰਾਹੀਂ ਕੀਤੀ ਗਈ, ਜੋ ਕਾਨੂੰਨੀ ਪ੍ਰਕਿਰਿਆ ਦੇ ਅਖੀਰ ਪੜਾਅ ਵਿੱਚ ਪੇਸ਼ ਹੋਣ ਕਾਰਨ ਪਬਲਿਕ ਸਬਮਿਸ਼ਨ ਜਾਂ select committee ਦੀ ਚਰਚਾ ਤੋਂ ਬਿਨ੍ਹਾਂ ਹੀ ਪਾਸ ਹੋ ਗਈ। ਹਾਲਾਂਕਿ ਅਚਾਨਕ ਹੋਏ ਇਸ ਬਦਲਾਅ ਕਾਰਨ ਰੀਅਲ ਅਸਟੇਟ ਏਜੰਸੀਆਂ ਵੀ ਅਜੇ ਅਣਜਾਣ ਹਨ ਅਤੇ ਨਿਯਮਾਂ ਨੂੰ ਲਾਗੂ ਕਰਨ ਦੇ ਵੇਰਵੇ ਅਜੇ ਵੀ ਅਸਪਸ਼ਟ ਹਨ। ਸਰਕਾਰ ਨੇ ਸ਼ਨੀਵਾਰ ਨੂੰ ਐਲਾਨ ਕਰਦੇ ਹੋਏ ਦੇਸ਼ ਦੀਆਂ ਵਿਦੇਸ਼ੀ ਖਰੀਦਦਾਰ ਪਾਬੰਦੀਆਂ ਨੂੰ ਚੁੱਪ-ਚਾਪ ਪਲਟ ਦਿੱਤਾ ਹੈ ਕਿ ਐਕਟਿਵ ਇਨਵੈਸਟਰ ਪਲੱਸ ਰੈਜ਼ੀਡੈਂਸੀ ਵੀਜ਼ਾ ਵਾਲੇ ਵਿਦੇਸ਼ੀ ਧਾਰਕ $5 ਮਿਲੀਅਨ ਜਾਂ ਇਸ ਤੋਂ ਵੱਧ ਦਾ ਨਿਊਜ਼ੀਲੈਂਡ ਘਰ ਖਰੀਦ ਸਕਣਗੇ।
ਸੀਮੋਰ ਦਾ ਕਹਿਣਾ ਹੈ ਕਿ ਇਹ ਨੀਤੀ “ਕੋਈ ਵਿਵਾਦਯੋਗ ਮਾਮਲਾ ਨਹੀਂ” ਅਤੇ ਫਜ਼ੂਲ ਵਿਸ਼ਲੇਸ਼ਣ ਦੀ ਲੋੜ ਨਹੀਂ। ਟ੍ਰੇਜ਼ਰੀ ਦੀ ਇੱਕ ਰਿਪੋਰਟ ਦੱਸਦੀ ਹੈ ਕਿ ਇਹ ਪੂਰਾ ਪ੍ਰਸਤਾਵ ਸਿੱਧੀ ਤੌਰ ‘ਤੇ ਪ੍ਰਧਾਨ ਮੰਤਰੀ ਕ੍ਰਿਸਟੋਫ਼ਰ ਲਕਸਨ ਵੱਲੋਂ ਆਇਆ ਸੀ ਅਤੇ ਕੈਬਿਨੇਟ ਪੇਪਰ ਵਿੱਚ ਕਿਸੇ ਹੋਰ ਵਿਕਲਪ ‘ਤੇ ਵਿਚਾਰ ਤੱਕ ਨਹੀਂ ਕੀਤਾ ਗਿਆ।