ਨਿਊਜ਼ੀਲੈਂਡ ਦੇ ਵੱਖ-ਵੱਖ ਗੁਰੂਘਰਾਂ ਦੇ ਵਿੱਚ ਕਰਵਾਏ ਜਾਣ ਵਾਲੇ ਗੁਰਮਤਿ ਸਮਾਗਮਾਂ ਨੂੰ ਲੈ ਕੇ ਗਿਆਨੀ ਪਿੰਦਰਪਾਲ ਸਿੰਘ ਜੀ ਨਿਊਜ਼ੀਲੈਂਡ ਪਹੁੰਚ ਚੁੱਕੇ ਹਨ। ਏਅਰਪੋਰਟ ‘ਤੇ ਪਹੁੰਚਣ ਤੇ ਸੰਗਤ ਵੱਲੋ ਗਿਆਨੀ ਭਾਈ ਪਿੰਦਰਪਾਲ ਸਿੰਘ ਜੀ ਦਾ ਨਿੱਘਾ ਸਵਾਗਤ ਕੀਤਾ ਗਿਆ ਹੈ। ਦੱਸ ਦੇਈਏ ਕਿ ਪਹਿਲਾ ਗੁਰਮਤਿ ਸਮਾਗਮ ਕੱਲ੍ਹ ਸ਼ਨੀਵਾਰ ਸ਼ਾਮ ਨੂੰ ਬੇ ਆਫ ਪਲੰਟੀ, ਪਾਪਾਮੋਆ ਅਤੇ ਟੌਰੰਗਾਂ ਗੁਰੂ ਘਰ ਵੱਲੋਂ ਟੌਰੰਗਾ ‘ਚ ਹੋਵੇਗਾ। ਇਸ ਤੋਂ ਬਾਅਦ ਐਤਵਾਰ ਦੀ ਸ਼ੁਰੂਆਤ ਉਟਹੂਹੂ ਅਤੇ ਫਿਰ ਟਾਕਨਿਨੀ ਅਤੇ ਸਾਰਾ ਹਫਤਾ ਟਾਕਾਨਿਨੀ ਗੁਰੂ ਘਰ ‘ਚ ਸਮਾਗਮ ਚੱਲਣਗੇ। ਪ੍ਰਬੰਧਕਾਂ ਨੇ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਹੈ ਕਿ ਭਾਈ ਇੰਦਰਜੀਤ ਸਿੰਘ ਜੀ ਕੱਲ੍ਹ ਨੂੰ ਪਹੁੰਚਣਗੇ। ਇਸ ਦੇ ਨਾਲ ਹੀ ਉਨ੍ਹਾਂ ਕਿਹਾ ਕਿ ਬਾਕੀ ਗੁਰੂ ਘਰਾਂ ਅਤੇ ਸਾਰੇ ਸਮਾਗਮਾਂ ਦਾ ਵੇਰਵਾ ਪੋਸਟਰਾਂ ਰਾਹੀ ਦੱਸਿਆ ਜਾਵੇਗਾ।
