ਪ੍ਰਸਾਰਣ ਮੰਤਰੀ ਵਿਲੀ ਜੈਕਸਨ ਨੇ ਘੋਸ਼ਣਾ ਕੀਤੀ ਹੈ ਕਿ ਔਨਲਾਈਨ ਪਲੇਟਫਾਰਮਾਂ ਨੂੰ ਇੱਕ ਨਵੀਂ ਸੌਦੇਬਾਜ਼ੀ ਯੋਜਨਾ ਦੇ ਤਹਿਤ ਖਬਰ ਪ੍ਰਕਾਸ਼ਕਾਂ ਨੂੰ ਭੁਗਤਾਨ ਕਰਨ ਲਈ ਮਜਬੂਰ ਕੀਤਾ ਜਾਵੇਗਾ ਜੋ ਮੀਡੀਆ ਸੈਕਟਰ ਵਿੱਚ “ਲਗਭਗ $ 30 ਤੋਂ $ 50 ਮਿਲੀਅਨ” ਵਾਪਿਸ ਲਿਆ ਸਕਦਾ ਹੈ। ਜੈਕਸਨ ਨੇ ਕਿਹਾ ਕਿ ਸਰਕਾਰ ਵਰਤਮਾਨ ਵਿੱਚ ਕਾਨੂੰਨ ਵਿਕਸਤ ਕਰ ਰਹੀ ਹੈ ਜੋ ਔਨਲਾਈਨ ਨਿਊਜ਼ ਕੰਪਨੀਆਂ ਨਾਲ ਸੌਦੇ ਕਰਨ ਲਈ ਤਕਨੀਕੀ ਦਿੱਗਜਾਂ ਨੂੰ “ਉਤਸ਼ਾਹਿਤ” ਕਰਨ ਲਈ “ਬੈਕਸਟੌਪ” ਪੇਸ਼ ਕਰੇਗੀ।
ਦਰਅਸਲ ਗੂਗਲ ਤੇ ਫੇਸਬੁੱਕ ਨੂੰ ਆਪਣੇ ਪਲੇਟਫਾਰਮਾਂ ‘ਤੇ ਦਿਖਾਈਆਂ ਜਾਣ ਵਾਲੀਆਂ ਲੋਕਲ ਖਬਰਾਂ ਲਈ ਹੁਣ ਨਿਊਜ਼ ਚੈਨਲਾਂ ਨੂੰ ‘ਫੇਅਰ ਪ੍ਰਾਈਸ’ ਤਹਿਤ ਕੁੱਝ ਹਿੱਸਾ ਦੇਣਾ ਲਾਜ਼ਮੀ ਕੀਤਾ ਜਾਵੇਗਾ। ਪ੍ਰਸਾਰਣ ਮੰਤਰੀ ਵਿਲੀ ਜੈਕਸਨ ਨੇ ਕਿਹਾ ਕਿ ਮੀਡੀਆ ਅਦਾਰਿਆਂ ਨੂੰ ਖਬਰਾਂ ਲਈ ਖਰਚਾ ਕਰਨਾ ਪੈਂਦਾ ਹੈ ਇਸ ਲਈ ਇਹ ਬਿਲਕੁਲ ਵੀ ਸਹੀ ਨਹੀਂ ਕਿ ਗੂਗਲ ਤੇ ਫੇਸਬੁੱਕ ਇਸ ਲਈ ਮੁਫਤ ਵਿੱਚ ਇਨ੍ਹਾਂ ਖਬਰਾਂ ਤੋਂ ਕਮਾਈਆਂ ਕਰਨ ਤੇ ਇਨ੍ਹਾਂ ਅਦਾਰਿਆਂ ਦਾ ਹੱਕ ਬਣਦਾ ਹੈ ਕਿ ਉਨ੍ਹਾਂ ਨੂੰ ਇਸ ਕਮਾਈ ਦਾ ਕੁੱਝ ਜਾਇਜ ਹਿੱਸਾ ਮਿਲੇ। ਉਨ੍ਹਾਂ ਕਿਹਾ ਕਿ ਇਹ ਕਾਨੂੰਨ ਆਸਟ੍ਰੇਲੀਆ, ਕੈਨੇਡਾ, ਯੂਕੇ ਤੇ ਯੂਰਪ ਵਿੱਚ ਵੀ ਲਾਗੂ ਹੈ।