ਸਰਕਾਰ ਰੈਮ ਰੇਡਾਂ ਵਿੱਚ ਹੋਏ ਵਾਧੇ ਕਾਰਨ ਪ੍ਰਭਾਵਿਤ ਛੋਟੇ ਕਾਰੋਬਾਰਾਂ ਦੀ ਸੁਰੱਖਿਆ ਲਈ $6 ਮਿਲੀਅਨ ਦਾ ਨਿਵੇਸ਼ ਕਰੇਗੀ। ਪੁਲਿਸ ਮੰਤਰੀ ਪੋਟੋ ਵਿਲੀਅਮਜ਼ ਨੇ ਵੀਰਵਾਰ ਨੂੰ ਪੈਕੇਜ ਦਾ ਐਲਾਨ ਕੀਤਾ ਹੈ। ਵਿਲੀਅਮਜ਼ ਨੇ ਕਿਹਾ ਕਿ Proceeds of Crime Fund ਤੋਂ $ 6m ਦਾ ਨਿਵੇਸ਼ ਇੱਕ ਅਪਰਾਧ ਰੋਕਥਾਮ ਪ੍ਰੋਗਰਾਮ ਵਿੱਚ ਕੀਤਾ ਜਾਵੇਗਾ, ਜਿਸ ਵਿੱਚ bollards ਜਾਂ ਹੋਰ ਸੁਰੱਖਿਆ ਢਾਂਚੇ ਸਥਾਪਤ ਕਰਨ ਵਰਗੇ ਹੱਲ ਸ਼ਾਮਿਲ ਹੋਣਗੇ।
ਵਿਲੀਅਮਜ਼ ਨੇ ਕਿਹਾ, “ਅਸੀਂ ਛੋਟੇ ਕਾਰੋਬਾਰਾਂ ਦੀਆਂ ਚਿੰਤਾਵਾਂ ਨੂੰ ਸੁਣਿਆ ਹੈ ਜਿਨ੍ਹਾਂ ਨੂੰ ਰੈਮ-ਰੇਡ ਅਤੇ ਹੋਰ ਅਪਰਾਧਾਂ ਦੁਆਰਾ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ। ਜਦਕਿ ਪਿਛਲੇ ਦਹਾਕੇ ਵਿੱਚ ਨੌਜਵਾਨਾਂ ਦੇ ਅਪਰਾਧ ਵਿੱਚ ਇੱਕ ਮਹੱਤਵਪੂਰਨ ਕਮੀ ਆਈ ਹੈ, ਉੱਥੇ ਹੀ ਰੈਮ-ਰੇਡਾਂ ਅਤੇ ਸੰਬੰਧਿਤ ਅਪਰਾਧਾਂ ਵਿੱਚ ਵੀ ਇੱਕ ਤਾਜ਼ਾ ਵਾਧਾ ਹੋਇਆ ਹੈ, ਜਿਸਨੂੰ ਸਾਨੂੰ ਇਹਨਾਂ ਕਾਰੋਬਾਰੀ ਮਾਲਕਾਂ ਲਈ ਤੁਰੰਤ ਹੱਲ ਕਰਨ ਦੀ ਲੋੜ ਹੈ। ਸਪੱਸ਼ਟ ਤੌਰ ‘ਤੇ ਸਰੀਰਕ ਨੁਕਸਾਨ ਦੇ ਨਾਲ, ਰੈਮ ਰੇਡਾਂ ਕਾਰੋਬਾਰ ਦੇ ਮਾਲਕਾਂ, ਉਨ੍ਹਾਂ ਦੇ ਪਰਿਵਾਰਾਂ ਅਤੇ ਸਟਾਫ ‘ਤੇ ਗੰਭੀਰ ਨਿੱਜੀ ਮਾਨਸਿਕ ਸਿਹਤ ਅਤੇ ਤੰਦਰੁਸਤੀ ਦੇ ਪ੍ਰਭਾਵ ਵੀ ਪਾ ਸਕਦੇ ਹਨ ਅਤੇ ਇਹ ਉਪਾਅ ਇਸ ਨੂੰ ਰੋਕਣ ਵਿੱਚ ਮਦਦ ਕਰਦੇ ਸਕਦੇ ਹਨ।”
ਵਿਲੀਅਮਜ਼ ਨੇ ਕਿਹਾ ਕਿ ਸਰਕਾਰ ਇਹ ਯਕੀਨੀ ਬਣਾਉਣ ਲਈ ਵਚਨਬੱਧ ਹੈ ਕਿ ਪੁਲਿਸ ਕੋਲ ਅਪਰਾਧ ਨੂੰ ਰੋਕਣ ਅਤੇ ਨਿਊਜ਼ੀਲੈਂਡ ਦੇ ਭਾਈਚਾਰਿਆਂ ਨੂੰ ਸੁਰੱਖਿਅਤ ਰੱਖਣ ਲਈ ਲੋੜੀਂਦੇ ਸਰੋਤ ਹੋਣ। ਇਸੇ ਲਈ ਬਜਟ 2022 ਵਿੱਚ $562 ਮਿਲੀਅਨ ਦਾ ਰਿਕਾਰਡ ਨਿਵੇਸ਼ ਸ਼ਾਮਿਲ ਹੈ ਕਿਉਂਕਿ ਸਾਡੀ ਪਹਿਲੀ ਤਰਜੀਹ ਫਰੰਟਲਾਈਨ ‘ਤੇ ਪੁਲਿਸ ਦੀ ਗਿਣਤੀ ਨੂੰ ਵਧਾਉਣਾ ਹੈ ਜੋ ਲੋਕਾਂ ਨੂੰ ਸੁਰੱਖਿਅਤ ਮਹਿਸੂਸ ਕਰਨ ਦੀ ਕੁੰਜੀ ਹੈ।