ਗ੍ਰੇ ਡਿਸਟ੍ਰਿਕਟ ਕੌਂਸਲਰ ‘ਚ ਇੱਕ ਵੱਖਰਾ ਨਜ਼ਾਰਾ ਦੇਖਣ ਨੂੰ ਮਿਲਿਆ ਹੈ। ਦਰਅਸਲ ਇੱਥੇ ਜੇਤੂ ਉਮੀਦਵਾਰ ਦਾ ਐਲਾਨ ਪਰਚੀਆਂ ਪਾ ਕੇ ਕੀਤਾ ਗਿਆ ਹੈ। ਉੱਥੇ ਹੀ ਟੋਕਰੀ ‘ਚ ਜਿਸ ਉਮੀਦਵਾਰ ਦੇ ਨਾਮ ਦੀ ਪਰਚੀ ਨਿਕਲੀ ਉਹ ਵੀ ਇਸ ਮੌਕੇ ਕਾਫੀ ਖੁਸ਼ ਨਜ਼ਰ ਆਇਆ। ਦਰਅਸਲ ਸ਼ੁਰੂਆਤੀ ਨਤੀਜਿਆਂ ਦੇ ਐਲਾਨ ਤੋਂ ਬਾਅਦ ਉੱਤਰੀ ਵਾਰਡ ਦੇ ਉਮੀਦਵਾਰ ਕੇਟ ਕੈਨੇਡੀ ਅਤੇ ਜੇਮਸ ਰੋਗਾਟਸਕੀ ਵਿਚਕਾਰ ਸਿਰਫ਼ ਤਿੰਨ ਵੋਟਾਂ ਦਾ ਫ਼ਰਕ ਸੀ। ਪਰ ਵਿਸ਼ੇਸ਼ ਵੋਟਾਂ ਦੀ ਗਿਣਤੀ ਕੀਤੇ ਜਾਣ ਤੋਂ ਬਾਅਦ ਦੋਵਾਂ ਨੂੰ ਪਈਆਂ ਵੋਟਾਂ ਦੀ ਗਿਣਤੀ 199 ਹੋ ਗਈ, ਇਸ ਕਾਰਨ ਫਿਰ ਪਰਚੀਆਂ ਪਾ ਕੇ ਜੇਤੂ ਦਾ ਫੈਸਲਾ ਕਰਨਾ ਪਿਆ ਕਿਉਂਕ ਇਸ ਸਥਿਤੀ ਵਿੱਚ ਕਾਨੂੰਨ ਡਰਾਅ ਦੀ ਕਿਸਮਤ ਦੁਆਰਾ ਜੇਤੂ ਦਾ ਫੈਸਲਾ ਕਰਨ ਦੀ ਇਜਾਜ਼ਤ ਦਿੰਦਾ ਹੈ।
ਕੈਨੇਡੀ ਨੇ ਕਿਹਾ ਕਿ ਡਰਾਅ ਕੌਂਸਲ ਦੇ ਮੁੱਖ ਕਾਰਜਕਾਰੀ ਦੇ ਦਫਤਰ ਵਿੱਚ ਹੋਇਆ ਸੀ, ਅਤੇ ਉਨ੍ਹਾਂ ਨੇ ਅਤੇ ਰੋਗਾਟਸਕੀ ਨੇ ਬਿਜ਼ਨਸ ਕਾਰਡਾਂ ਦੇ ਪਿਛਲੇ ਪਾਸੇ ਆਪਣੇ ਨਾਮ ਲਿਖੇ ਸਨ। ਕੈਨੇਡੀ ਵੀਰਵਾਰ ਨੂੰ ਆਪਣੀ ਪਹਿਲੀ ਕੌਂਸਲ ਮੀਟਿੰਗ ਵਿੱਚ ਸ਼ਾਮਿਲ ਹੋਣਗੇ।