ਪਿੱਛਲੇ ਕੁੱਝ ਸਮੇਂ ਤੋਂ ਨਿਊਜ਼ੀਲੈਂਡ ਵਾਸੀਆਂ ‘ਤੇ ਮਹਿੰਗਾਈ ਦੀ ਮਾਰ ਲਗਾਤਰ ਪੈ ਰਹੀ ਹੈ। ਦਰਅਸਲ ਦੇਸ਼ ‘ਚ ਫਲਾਂ ਅਤੇ ਸਬਜੀਆਂ ਦੇ ਰੇਟਾਂ ਵਿੱਚ ਵੀ ਵੱਡਾ ਵਾਧਾ ਹੋਇਆ ਹੈ। ਜਿਸ ਨੇ ਆਮ ਲੋਕਾਂ ਦਾ ਬਜਟ ਹਲਾ ਕੇ ਰੱਖ ਦਿੱਤਾ ਹੈ। ਇਸੇ ਦੌਰਾਨ ਹੁਣ ਕੋਸਟ ਆਫ ਲੀਵਿੰਗ ਨਾਲ ਪਹਿਲਾਂ ਤੋਂ ਹੀ ਪ੍ਰਤਾੜਿਤ ਨਿਊਜੀਲੈਂਡ ਵਾਸੀਆਂ ਨੂੰ ਰਾਹਤ ਦੁਆਉਣ ਲਈ ਇਨ੍ਹਾਂ ਵਸਤੂਆਂ ‘ਤੇ ਲੱਗਣ ਵਾਲਾ GST ਖ਼ਤਮ ਕੀਤੇ ਜਾਣ ਦੀ ਮੰਗ ਹੋ ਰਹੀ ਹੈ। 2022 ਵਿੱਚ ਹੋਏ ਇੱਕ ਰਾਸ਼ਟਰ ਪੱਧਰ ਸਰਵੇਅ ਵਿੱਚ 76 ਫੀਸਦੀ ਨਿਊਜੀਲੈਂਡ ਵਾਸੀਆਂ ਨੇ GST ਖ਼ਤਮ ਕਰਨ ਦੀ ਮੰਗ ਕੀਤੀ ਹੈ। Stats NZ ਵੱਲੋਂ ਪਿੱਛਲੇ ਦਿਨੀ ਜਾਰੀ ਮਈ ਦੇ ਅੰਕੜਿਆਂ ਦੇ ਅਨੁਸਾਰ, ਫਲ ਅਤੇ ਸਬਜ਼ੀਆਂ ਇੱਕ ਸਾਲ ਪਹਿਲਾਂ ਨਾਲੋਂ ਲਗਭਗ 20% ਵੱਧ ਮਹਿੰਗੀਆਂ ਹੋ ਗਈਆਂ ਹਨ।
ਉੱਥੇ ਹੀ GST ਨੂੰ ਲੈ ਕੇ ਲੋਕਾਂ ਦਾ ਕਹਿਣਾ ਹੈ ਕਿ ਇਸ ਨੂੰ ਖ਼ਤਮ ਕਰਨ ਦੇ ਨਾਲ ਲੋਕ ਆਸਾਨੀ ਨਾਲ ਸਿਹਤਮੰਦ ਭੋਜਨ ਹਾਸਿਲ ਕਰ ਸਕਣਗੇ ਜਿਸ ਨਾਲ ਨਿਊਜੀਲੈਂਡ ਸਿਹਤ ਖੇਤਰ ‘ਚ ਮੋਟਾਪੇ ‘ਤੇ ਕੀਤੇ ਜਾਣ ਵਾਲੇ ਸਲਾਨਾ $135 ਮਿਲੀਅਨ ਦੇ ਖਰਚੇ ਨੂੰ ਘਟਾਉਣ ਵਿੱਚ ਵੀ ਮਦਦ ਮਿਲੇਗੀ।