ਅਮਰੀਕਾ ਦੇ ਅਲਬਾਮਾ ਦੇ ਬਰਮਿੰਗਮ ਸ਼ਹਿਰ ‘ਚ 27 ਜੂਨ ਤੋਂ 6 ਜੁਲਾਈ ਤੱਕ ਹੋਈਆਂ 21ਵੀਆਂ ਵਿਸ਼ਵ ਪੁਲਿਸ ਖੇਡਾਂ ਵਿੱਚ ਨਿਊਜ਼ੀਲੈਂਡ ਪੁਲਿਸ ਦੇ ਸਾਬਿਤ ਸੂਰਤ ਨੌਜਵਾਨ ਗੁਲਾਬ ਸਿੰਘ ਨੇ ਕਈ ਤਗਮੇ ਜਿੱਤ ਬੱਲੇ-ਬੱਲੇ ਕਰਵਾਈ ਹੈ। ਦੱਸ ਦੇਈਏ ਗੁਲਾਬ ਸਿੰਘ ਨਿਊਜ਼ੀਲੈਂਡ ਪੁਲਿਸ ਵਿੱਚ ਬਤੌਰ ਕਾਂਸਟੇਬਲ ਸੇਵਾਵਾਂ ਨਿਭਾ ਰਹੇ ਹਨ। ਗੁਲਾਬ ਨੇ ਕੁਝ ਦਿਨ ਪਹਿਲਾਂ ਅਮਰੀਕਾ ਵਿੱਚ ਹੋਈਆਂ World Police and Fire games 2025 ‘ਚ ਨਿਊਜ਼ੀਲੈਂਡ ਪੁਲਿਸ ਵੱਲੋਂ ਭਾਗ ਲੈਂਦਿਆਂ ਵੱਖ ਵੱਖ ਖੇਡ ਮੁਕਾਬਲਿਆਂ ਵਿੱਚ ਚਾਰ ਤਗਮੇ ਜਿੱਤੇ ਸਨ। ਗੁਲਾਬ ਨੇ ਇਸ ਪ੍ਰਦਰਸ਼ਨ ਨੇ ਨਿਊਜ਼ੀਲੈਂਡ ਪੁਲਿਸ ਦੇ ਨਾਲ-ਨਾਲ ਸਿੱਖ ਭਾਈਚਾਰੇ ਦਾ ਵੀ ਮਾਣ ਵਧਾਇਆ ਹੈ। ਗੁਲਾਬ ਸਿੰਘ ਨੇ 100 ਮੀਟਰ ‘ਚ ਸਿਲਵਰ ਮੈਡਲ 200 ਮੀਟਰ ‘ਚ ਸਿਲਵਰ ਮੈਡਲ 100 ਮੀਟਰ ਰੀਲੇ ਵਿੱਚ ਸਿਲਵਰ ਮੈਡਲ ਅਤੇ ਲੋਂਗ ਜੰਪ ਵਿੱਚ ਵੀ ਸਿਲਵਰ ਮੈਡਲ ਹਾਸਿਲ ਕੀਤਾ ਹੈ। ਜ਼ਿਕਰਯੋਗ ਹੈ ਕਿ ਗੁਲਾਬ ਸਿੰਘ ਪਹਿਲਾਂ ਵੀ ਕਈ ਵਾਰ ਵੱਖ ਵੱਖ ਦੇਸ਼ਾਂ ਵਿੱਚ ਹੋਏ ਪੁਲਿਸ ਫੋਰਸ ਦੇ ਵੱਖੋ ਵੱਖ ਖੇਡ ਮੁਕਾਬਲਿਆਂ ਵਿੱਚ ਨਿਊਜ਼ੀਲੈਂਡ ਪੁਲਿਸ ਦੀ ਰਹਿਨੁਮਾਈ ਕਰਕੇ ਕਈ ਤਗਮੇ ਜਿੱਤ ਚੁੱਕੇ ਹਨ।
