ਵੱਧਦੀਆਂ ਵਿਆਜ ਦਰਾਂ ਦੇ ਨਾਲ-ਨਾਲ ਮਾਲਕੀ ਦੀ ਲਾਗਤ ਵੱਧਣ ਕਾਰਨ ਘਰਾਂ ਦੀਆਂ ਕੀਮਤਾਂ ਵਿੱਚ ਗਿਰਾਵਟ ਲਗਾਤਾਰ ਜਾਰੀ ਹੈ। CoreLogic’s House Price Index (HPI), ਜੋ ਕਿ ਮਕਾਨਾਂ ਦੀਆਂ ਕੀਮਤਾਂ ਦਾ ਇੱਕ ਰਾਸ਼ਟਰੀ ਮਾਪ ਹੈ, ਅਪ੍ਰੈਲ ਵਿੱਚ 0.8% ਅਤੇ ਮਈ ਦੀ ਤਿਮਾਹੀ ਵਿੱਚ 0.9% ਗਿਰਾਵਟ ਦਰਜ ਕੀਤੀ ਗਈ ਹੈ। ਕੋਰਲੌਜਿਕ ਖੋਜ ਦੇ ਮੁਖੀ ਨਿਕ ਗੁਡਾਲ ਨੇ ਕਿਹਾ ਕਿ ਇਹ 2010 ਦੇ ਅੰਤ ਤੋਂ ਬਾਅਦ ਤਿੰਨ ਮਹੀਨਿਆਂ ਦੀ ਸਭ ਤੋਂ ਵੱਡੀ ਗਿਰਾਵਟ ਹੈ, ਜਦੋਂ ਮਾਰਕੀਟ ਅਜੇ ਵੀ 2008 ਦੇ ਗਲੋਬਲ ਵਿੱਤੀ ਸੰਕਟ (ਜੀਐਫਸੀ) ਤੋਂ ਉਭਰ ਰਿਹਾ ਹੈ।
ਨਵੇਂ ਅੰਕੜਿਆਂ ਅਨੁਸਾਰ ਸਭ ਤੋਂ ਜਿਆਦਾ -2.9 ਫੀਸਦੀ ਗਿਰਵਾਟ ਹੈਮਿਲਟਨ ਵਿੱਚ ਦਰਜ ਹੋਈ ਹੈ। ਉੱਥੇ ਹੀ ਜੇਕਰ ਸਭ ਤੋਂ ਘੱਟ ਦੀ ਗੱਲ ਕਰੀਏ ਤਾਂ ਟੌਰੰਗਾ ਵਿੱਚ ਸਿਰਫ -0.03 ਫੀਸਦੀ ਗਿਰਾਵਟ ਦਰਜ ਹੋਈ ਹੈ। ਉੱਥੇ ਹੀ ਇਸ ਦੇ ਨਾਲ ਆਕਲੈਂਡ, ਵੈਲਿੰਗਟਨ, ਕ੍ਰਾਈਸਚਰਚ, ਡੁਨੇਡਿਨ ਵਿੱਚ ਇਹ ਗਿਰਾਵਟ -0.04% ਤੋਂ -1.5% ਤੱਕ ਦਰਜ ਕੀਤੀ ਗਈ ਹੈ। ਨਿਊਜੀਲੈਂਡ ਭਰ ਵਿੱਚ ਔਸਤ ਗਿਰਾਵਟ -0.8% ਦਰਜ ਹੋਈ ਹੈ।