ਨਿਊਜ਼ੀਲੈਂਡ ਦੇ ਬੱਚਿਆਂ ਨੂੰ ਲੈ ਕੇ ਇੱਕ ਹੈਰਾਨੀਜਨਕ ਖੁਲਾਸਾ ਹੋਇਆ ਹੈ। ਜਿਸ ਨੇ ਮਾਪਿਆਂ ਅਤੇ ਪ੍ਰਸ਼ਾਸਨ ਦੋਵਾਂ ਦੀ ਚਿੰਤਾ ‘ਚ ਵਾਧਾ ਕੀਤਾ ਹੈ। ਦਰਅਸਲ 2017 ਤੋਂ ਬਾਅਦ ਹੁਣ ਤੱਕ 17 ਸਾਲ ਜਾਂ ਉਸ ਤੋਂ ਘੱਟ ਉਮਰ ਦੇ ਬੱਚਿਆਂ ਵਲੋਂ ਰਿਵੇਂਜ ਪੋਰਨ ਤਹਿਤ ਆਪਣੇ ਪਾਰਟਨਰ ਦੀਆਂ ਨਗਨ ਤਸਵੀਰਾਂ ਜਾਂ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੇ ਜਾਣ ਦੀਆਂ ਅਪਰਾਧਿਕ ਘਟਨਾਵਾਂ ਵਿੱਚ ਦੁੱਗਣਾ ਵਾਧਾ ਹੋਇਆ ਹੈ। ਇਨ੍ਹਾਂ ਵਿੱਚ ਸੈਂਕੜੇ ਬੱਚੇ ਅਤੇ ਕਿਸ਼ੋਰ ਸ਼ਾਮਿਲ ਹਨ। 19 ਸਾਲ ਤੋਂ ਘੱਟ ਉਮਰ ਦੇ ਲੋਕ ਹੁਣ 2000 ਤੋਂ ਵੱਧ ਅਪਰਾਧੀਆਂ ਵਿੱਚੋਂ ਇੱਕ ਤਿਹਾਈ ਹਨ ਜਿਨ੍ਹਾਂ ਨਾਲ ਪੁਲਿਸ ਨੇ 2017 ਤੋਂ ਨਜਿੱਠਿਆ ਹੈ।
ਅਧਿਕਾਰਤ ਸੂਚਨਾ ਐਕਟ ਦੇ ਤਹਿਤ ਇੱਕ ਚੈੱਨਲ ਵੱਲੋਂ ਪ੍ਰਾਪਤ ਕੀਤੇ ਪੁਲਿਸ ਅੰਕੜੇ ਦਰਸਾਉਂਦੇ ਹਨ ਕਿ ਪਿਛਲੇ ਪੰਜ ਸਾਲਾਂ ਵਿੱਚ ਵਿਸ਼ੇ ਦੀ ਆਗਿਆ ਤੋਂ ਬਿਨਾਂ intimate or explicit images ਸਾਂਝੀਆਂ ਕਰਨ ਵਾਲੇ ਲੋਕਾਂ ਦੀਆਂ ਰਿਪੋਰਟਾਂ ਦੀ ਗਿਣਤੀ ਦੁੱਗਣੀ ਤੋਂ ਵੱਧ ਹੋ ਗਈ ਹੈ। ਪਿਛਲੇ ਸਾਲ ਪੀੜਤਾਂ ਨੇ ਪੁਲਿਸ ਕੋਲ ਤਕਰੀਬਨ 1400 ਕੇਸ ਦਰਜ ਕੀਤੇ, ਜੋ ਕਿ 2017 ਵਿੱਚ 660 ਤੋਂ ਵੱਧ ਹੈ ਅਤੇ ਇਸ ਸਾਲ ਦੇ ਪਹਿਲੇ ਛੇ ਮਹੀਨਿਆਂ ਵਿੱਚ ਹੀ 665 ਰਿਪੋਰਟਾਂ ਆਈਆਂ ਹਨ। ਪੁਲਿਸ ਜਿਨਸੀ ਸ਼ੋਸ਼ਣ ਅਤੇ ਬਾਲ ਸੁਰੱਖਿਆ ਪ੍ਰਬੰਧਕ ਡੇਵਿਡ ਕਿਰਬੀ ਨੇ ਇਸ ਦਾ ਕਾਰਨ ਵਧੇਰੇ ਬੱਚਿਆਂ ਦਾ ਔਨਲਾਈਨ ਜ਼ਿਆਦਾ ਸਮਾਂ ਬਿਤਾਉਣਾ ਦੱਸਿਆ ਹੈ।
ਇਸ ਤਹਿਤ ਹੁਣ ਤੱਕ ਸੈਂਕੜੇ ਨੌਜਵਾਨ ਬੱਚਿਆਂ ਨੂੰ ਸਜਾ ਵੀ ਦਿੱਤੀ ਜਾ ਚੁੱਕੀ ਹੈ ਜਦਕਿ ਕਈਆਂ ਨੂੰ ਪੁਲਿਸ ਨੇ ਚਿਤਾਵਨੀ ਦੇ ਕੇ ਛੱਡਿਆ ਹੈ। ਇਸ ਸਾਲ ਦੇ ਪਹਿਲੇ ਛੇ ਮਹੀਨਿਆਂ ਵਿੱਚ ਪੁਲਿਸ ਨੇ 145 ਮਾਮਲਿਆਂ ਵਿੱਚ ਕਾਰਵਾਈ ਕੀਤੀ ਹੈ, ਜਦਕਿ 2017 ਦੇ ਪੂਰੇ ਸਾਲ ਵਿੱਚ ਇਹ ਗਿਣਤੀ 319 ਸੀ। ਜ਼ਿਆਦਾਤਰ ਅਪਰਾਧੀ ਪੁਰਸ਼ ਹਨ ਅਤੇ ਉਨ੍ਹਾਂ ਵਿੱਚ ਬੱਚੇ ਵੀ ਸ਼ਾਮਿਲ ਹਨ। 2017 ਤੋਂ ਹੁਣ ਤੱਕ ਪੁਲਿਸ ਨੇ 10 ਤੋਂ 14 ਸਾਲ ਦੀ ਉਮਰ ਦੇ 250 ਤੋਂ ਵੱਧ ਬੱਚਿਆਂ ਅਤੇ 15 ਤੋਂ 19 ਸਾਲ ਦੀ ਉਮਰ ਦੇ 483 ਬੱਚਿਆਂ ਵਿਰੁੱਧ ਕਾਰਵਾਈ ਕੀਤੀ ਹੈ। Netsafe ਦੇ ਮੁੱਖ ਕਾਰਜਕਾਰੀ ਬ੍ਰੈਂਟ ਕੈਰੀ ਨੇ ਕਿਹਾ ਕਿ ਨੌਜਵਾਨਾਂ ਨੂੰ ਸ਼ਿਕਾਰ ਬਣਨ ਤੋਂ ਬਚਣ ਲਈ ਵਧੇਰੇ ਸਿੱਖਿਆ ਦੀ ਲੋੜ ਹੈ। ਰਿਵੇਂਜ ਪੋਰਨ ਪੋਸਟ ਕਰਨ ਦੇ ਦੋਸ਼ੀ ਨੂੰ ਦੋ ਸਾਲ ਦੀ ਕੈਦ ਜਾਂ $50,000 ਦਾ ਜੁਰਮਾਨਾ ਹੋ ਸਕਦਾ ਹੈ।