500 ਤੋਂ ਵੱਧ ਬੱਸ ਡਰਾਈਵਰਾਂ ਨੇ ਮੰਗਲਵਾਰ ਨੂੰ ਸੰਸਦ ਵਿੱਚ ਇੱਕ ਪਟੀਸ਼ਨ ਦਾਇਰ ਕੀਤੀ ਸੀ, ਜਿਸ ਵਿੱਚ ਸਰਕਾਰ ਨੂੰ ਰਿਹਾਇਸ਼ ਦੀ ਮੰਗ ਕਰਨ ਵਾਲੇ ਡਰਾਈਵਰਾਂ ਲਈ ਪੋਸਟ ਗ੍ਰੈਜੂਏਟ-ਪੱਧਰ ਦੀ ਅੰਗਰੇਜ਼ੀ-ਭਾਸ਼ਾ ਦੀ ਲੋੜ ਨੂੰ ਘਟਾਉਣ ਦੀ ਅਪੀਲ ਕੀਤੀ ਗਈ ਸੀ। ਪਰ ਇਮੀਗ੍ਰੇਸ਼ਨ ਮੰਤਰੀ ਏਰਿਕਾ ਸਟੈਨਫੋਰਡ ਨੇ ਮਾਈਗ੍ਰੈਂਟ ਬੱਸ ਡਰਾਈਵਰਾਂ ਨੂੰ ਵੱਡਾ ਝਟਕਾ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਲੋੜੀਂਦੇ ਬੱਸ ਡਰਾਈਵਰਾਂ ਲਈ ਵੀ ਅੰਗਰੇਜ਼ੀ ਭਾਸ਼ਾ ਦਾ ਮਿਆਰ ਘਟਾਇਆ ਨਹੀਂ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਸਰਕਾਰ ਦੀ ਉਮੀਦ ਹੈ ਕਿ ਜੋ ਲੋਕ ਰਿਹਾਇਸ਼ ਲੈਣਾ ਚਾਹੁੰਦੇ ਹਨ, ਉਹ ਅੰਗਰੇਜ਼ੀ ਵਿੱਚ ਨਿਪੁੰਨ ਹੋਣ।
ਮੰਗਲਵਾਰ ਨੂੰ ਮਾਈਗ੍ਰੈਂਟ ਬੱਸ ਡਰਾਈਵਰਾਂ ਨੇ IELTS 6.5 (ਪੋਸਟ-ਗ੍ਰੈਜੂਏਟ ਪੱਧਰ ਦੇ ਬਰਾਬਰ) ਦੀ ਸ਼ਰਤ ਬੱਸ ਡਰਾਈਵਰਾਂ ਲਈ ਬੇਤੁਕੀ ਅਤੇ ਗ਼ੈਰ-ਹਕੀਕਤੀ ਦੱਸਿਆ ਸੀ। ` ਡਰਾਈਵਰਾਂ ਦਾ ਦਾਅਵਾ ਹੈ ਕਿ ਅਰਜ਼ੀ ਦੇ ਸਮੇਂ ਉਨ੍ਹਾਂ ਨੂੰ ਇਸ ਟੈਸਟ ਬਾਰੇ ਦੱਸਿਆ ਹੀ ਨਹੀਂ ਗਿਆ। ਕਈ ਪਰਿਵਾਰਾਂ ਨੇ ਨਿਊਜ਼ੀਲੈਂਡ ਆਉਣ ਲਈ ਆਪਣਾ ਕਾਰੋਬਾਰ ਵੀ ਵੇਚ ਦਿੱਤਾ ਸੀ, ਬਿਹਤਰ ਜ਼ਿੰਦਗੀ ਦੀ ਆਸ ਵਿੱਚ। ਇਹ ਡਰਾਈਵਰ 2022 ਅਤੇ 2023 ਵਿੱਚ ਨਿਊਜ਼ੀਲੈਂਡ ਲਿਆਂਦੇ ਗਏ ਸਨ, ਜਦੋਂ ਪਬਲਿਕ ਟ੍ਰਾਂਸਪੋਰਟ ਸਿਸਟਮ ਵਿੱਚ ਭਿਆਨਕ ਕਮੀ ਕਾਰਨ ਲੋਕ ਘੰਟਿਆਂ ਤੱਕ ਬੱਸਾਂ ਦੀ ਉਡੀਕ ਕਰਦੇ ਸਨ ਅਤੇ ਬੱਸਾਂ ਭਰੀਆਂ ਰਹਿੰਦੀਆਂ ਸਨ। ਮੌਜੂਦਾ ਸਮੇਂ ਵਿੱਚ ਲਗਭਗ 20% ਬੱਸ ਡਰਾਈਵਰ (ਕਰੀਬ 1000) ਅਸਥਾਈ ਵੀਜ਼ੇ ‘ਤੇ ਹਨ, ਸਕਿਲਡ ਰੈਜ਼ੀਡੈਂਸ ਲਈ IELTS 6.5 ਲਾਜ਼ਮੀ ਹੈ ਇਹ ਪੱਧਰ ਯੂਨੀਵਰਸਿਟੀ ਆਫ ਆਕਲੈਂਡ ਵਿੱਚ ਅੰਡਰਗ੍ਰੈਜੂਏਟ ਪੜ੍ਹਾਈ ਲਈ ਲੋੜੀਂਦੇ ਪੱਧਰ ਤੋਂ ਵੀ ਉੱਚਾ ਹੈ, ਬੱਸ ਐਂਡ ਕੋਚ ਐਸੋਸੀਏਸ਼ਨ ਨੇ ਖੁੱਲ੍ਹੇ ਪੱਤਰ ਰਾਹੀਂ ਮੰਗ ਕੀਤੀ ਕਿ ਇਹ ਮਿਆਰ 5.5 ਕੀਤਾ ਜਾਵੇ, ਪਰ ਸਟੈਨਫੋਰਡ ਨੇ ਕਿਹਾ ਕਿ ਇਹ ਮਿਆਰ ਸਾਲਾਂ ਤੋਂ ਇੱਕੋ ਜਿਹਾ ਹੈ ਅਤੇ ਸਰਕਾਰ ਇਸਨੂੰ ਬਦਲਣ ਦੀ ਕੋਈ ਯੋਜਨਾ ਨਹੀਂ ਰੱਖਦੀ।