ਦਸੰਬਰ 2023 ‘ਚ ਵੈਸਟ ਆਕਲੈਂਡ ਦੇ ਮੈਸੀ ਇਲਾਕੇ ਵਿੱਚ ਇੱਕ ਪੰਜਾਬੀ ਨੌਜਵਾਨ ਦਾ ਕਤਲ ਕਰਨ ਵਾਲੇ ਦੋਸ਼ੀ ਨੂੰ ਅਦਾਲਤ ਦੇ ਵੱਲੋਂ ਉਮਰ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। ਦੱਸ ਦੇਈਏ 28 ਸਾਲ ਦੇ ਲੋਰੈਂਜ਼ੋ ਟੰਗੀਰਾ ਨੇ ਸਕਿਓਰਟੀ ਗਾਰਡ ਦੀ ਨੌਕਰੀ ਕਰਦੇ ਰਮਨਦੀਪ ਸਿੰਘ ਦਾ ਬੇਰਹਿਮੀ ਕਤਲ ਕਰ ਦਿੱਤਾ ਸੀ। ਦਰਅਸਲ ਜਦੋਂ ਰਮਨਦੀਪ ਰਾਏਲ ਰਿਜ਼ਰਵ ਪਾਰਕ ‘ਚ ਜਾ ਰਿਹਾ ਸੀ ਤਾਂ ਟੰਗੀਰਾ ਨੇ ਉਸ ਉੱਤੇ ਹਮਲਾ ਕਰ ਉਸਨੂੰ ਬੁਰੀ ਤਰ੍ਹਾਂ ਜਖਮੀ ਕਰ ਦਿੱਤਾ ਸੀ ਜਿਸ ਕਾਰਨ ਉਸਦੀ ਮੌਤ ਹੋ ਗਈ ਸੀ । ਇੱਕ ਸਥਾਨਕ ਮੀਡੀਆ ਰਿਪੋਰਟ ਦੇ ਅਨੁਸਾਰ ਟੰਗੀਰਾ ਨੇ ਅਦਾਲਤ ‘ਚ ਆਪਣਾ ਜ਼ੁਰਮ ਕਬੂਲ ਕਰ ਲਿਆ ਸੀ ਕਿ ਉਸਨੇ ਰਮਨਦੀਪ ‘ਤੇ ਹਮਲਾ ਕੀਤਾ ਸੀ। ਇਸ ਦੌਰਾਨ ਉਸਦੇ ਨਾਲ ਇੱਕ ਹੋਰ 17 ਸਾਲ ਦਾ ਮੁੰਡਾ ਵੀ ਸੀ, ਜੋ ਕਿ ਹਮਲੇ ‘ਚ ਸ਼ਾਮਿਲ ਸੀ ਪਰ ਅਦਾਲਤ ਨੇ ਉਸਨੂੰ ਮਾਨਸਿਕ ਤੌਰ ‘ਤੇ ਮੁਕੱਦਮਾ ਚਲਾਉਣ ਯੋਗ ਨਹੀਂ ਮੰਨਿਆ ਸੀ। 2018 ਵਿਚ ਵਿਦਆਰਥੀ ਵੀਜ਼ੇ ‘ਤੇ NZ ਆਇਆ ਰਮਨਦੀਪ ਸਿੰਘ ਪੰਜਾਬ ਦੇ ਕੋਟਲੀ ਸ਼ਾਹਪੁਰ ਦਾ ਰਹਿਣ ਵਾਲਾ ਸੀ।
