Dunedin ਵਾਸੀਆਂ ਲਈ ਵੱਡੀ ਖੁਸ਼ਖਬਰੀ ਹੈ। ਦਰਅਸਲ ਡੁਨੇਡਿਨ ਤੋਂ ਫਿਰ ਅੰਤਰਰਾਸ਼ਟਰੀ ਉਡਾਣਾਂ ਦੀ ਸ਼ੁਰੂਆਤ ਹੋ ਗਈ ਹੈ। ਪੰਜ ਸਾਲਾਂ ਬਾਅਦ ਪਹਿਲੀ ਅੰਤਰਰਾਸ਼ਟਰੀ ਉਡਾਣ ਕੱਲ੍ਹ ਡੁਨੇਡਿਨ ਪਹੁੰਚੀ ਹੈ। ਹੁਣ ਗੋਲਡ ਕੋਸਟ ਲਈ ਹਫ਼ਤੇ ਵਿੱਚ ਤਿੰਨ ਵਾਪਸੀ ਜੈਟਸਟਾਰ ਕਨੈਕਸ਼ਨ ਹੋਣਗੇ ਅਤੇ ਮੇਅਰ ਨੇ ਕਿਹਾ ਕਿ ਸ਼ਹਿਰ ਲੋੜ ਪੈਣ ‘ਤੇ ਹੋਰ ਰਿਹਾਇਸ਼ਾਂ ਦਾ ਨਿਰਮਾਣ ਕਰੇਗਾ। ਡੁਨੇਡਿਨ ‘ਚ ਪਹਿਲੀਆਂ ਅੰਤਰਰਾਸ਼ਟਰੀ ਉਡਾਣਾਂ 1994 ਵਿੱਚ ਉਤਰੀਆਂ ਸਨ, ਪਰ ਕੋਵਿਡ ਲੌਕਡਾਊਨ ਦੌਰਾਨ ਇਹਨਾਂ ਨੂੰ ਬੰਦ ਕਰ ਦਿੱਤਾ ਗਿਆ ਸੀ। ਕਿਸ਼ੋਰ ਬੈਂਜਾਮਿਨ ਪੈਟਰਸਨ ਨੇ ਸੇਵਾਵਾਂ ਨੂੰ ਵਾਪਸ ਪ੍ਰਾਪਤ ਕਰਨ ਲਈ ਪਟੀਸ਼ਨ ਪਾਈ ਸੀ ਜਿਸ ਲਈ 25,000 ਤੋਂ ਵੱਧ ਲੋਕਾਂ ਨੇ ਦਸਤਖਤ ਕੀਤੇ ਸਨ ਇੰਨਾਂ ਹੀ ਨਹੀਂ ਉਹ ਪਿਛਲੇ ਸਾਲ ਪ੍ਰਧਾਨ ਮੰਤਰੀ ਨੂੰ ਵੀ ਮਿਲੇ ਸੀ। ਹੁਣ ਮੰਗਲਵਾਰ, ਵੀਰਵਾਰ ਅਤੇ ਸ਼ਨੀਵਾਰ ਨੂੰ ਉਡਾਣ ਭਰਨ ਵਾਲੇ, ਏਅਰਬੱਸ ਏ320 ਸਾਲਾਨਾ 58,000 ਸੀਟਾਂ ਦੀ ਸੇਵਾ ਕਰਨਗੇ, ਹਰ ਪਾਸੇ 3.5 ਘੰਟੇ ਦੀ ਯਾਤਰਾ ਹੋਵੇਗੀ।
