ਆਕਲੈਂਡ: ਨਿਊਜ਼ੀਲੈਂਡ ਦੇ ਆਕਲੈਂਡ ਹਾਰਬਰ ਵਿੱਚ ਇਸ ਹਫ਼ਤੇ ਦੁਨੀਆ ਦੀਆਂ ਮਸ਼ਹੂਰ ਅਤੇ ਵਿਸ਼ਾਲ ਸੇਲਿੰਗ ਯਾਟਾਂ ਵਿੱਚੋਂ ਇੱਕ ਨੇ ਦਸਤਕ ਦਿੱਤੀ। Amazon ਦੇ ਸੰਸਥਾਪਕ ਜੇਫ ਬੇਜ਼ੋਸ ਦੀ ਮਲਕੀਅਤ ਵਾਲੀ Koru ਯਾਟ ਨੇ Waitematā Harbour ਵਿੱਚ ਦਾਖਲ ਹੋਣ ਤੋਂ ਬਾਅਦ Wynyard Quarter ਵਿਖੇ ਪਹੁੰਚੀ ਹੈ।
ਰਿਪੋਰਟਾਂ ਮੁਤਾਬਕ 127 ਮੀਟਰ ਲੰਬੀ ਇਹ ਸ਼ਾਨਦਾਰ ਯਾਟ ਰੰਗੀਤੋਟੋ ਟਾਪੂ ਦੇ ਨੇੜਿਓਂ ਲੰਘਦੀ ਹੋਈ ਆਪਣੇ ਡੌਕਿੰਗ ਸਥਾਨ ਤੱਕ ਪਹੁੰਚੀ। ਇਸ ਨੂੰ ਨੀਦਰਲੈਂਡ ਦੀ ਪ੍ਰਸਿੱਧ ਸ਼ਿਪਯਾਰਡ ਕੰਪਨੀ Oceanco ਨੇ ਤਿਆਰ ਕੀਤਾ ਸੀ ਅਤੇ 2023 ਵਿੱਚ ਬੇਜ਼ੋਸ ਨੂੰ ਸੌਂਪਿਆ ਗਿਆ ਸੀ।
Koru ਦੀ ਕੀਮਤ ਲਗਭਗ US$500 ਮਿਲੀਅਨ (ਕਰੀਬ NZ$800 ਮਿਲੀਅਨ) ਦੱਸੀ ਜਾਂਦੀ ਹੈ। ਤਿੰਨ ਵਿਸ਼ਾਲ ਮਸਤੂਲਾਂ ਵਾਲੀ ਇਹ ਯਾਟ ਲਗਜ਼ਰੀ ਸਮੁੰਦਰੀ ਯਾਤਰਾਵਾਂ ਲਈ ਬਣਾਈ ਗਈ ਹੈ ਅਤੇ ਦੁਨੀਆ ਦੀਆਂ ਸਭ ਤੋਂ ਵੱਡੀਆਂ ਸੇਲਿੰਗ ਯਾਟਾਂ ਵਿੱਚ ਸ਼ਾਮਿਲ ਹੈ।
ਹਾਲਾਂਕਿ, ਇਹ ਪੁਸ਼ਟੀ ਨਹੀਂ ਹੋ ਸਕੀ ਕਿ ਆਕਲੈਂਡ ਪਹੁੰਚਣ ਸਮੇਂ ਜੇਫ ਬੇਜ਼ੋਸ ਖੁਦ Koru ’ਤੇ ਮੌਜੂਦ ਸਨ ਜਾਂ ਨਹੀਂ। ਯਾਟ ਨਿਊਜ਼ੀਲੈਂਡ ਵਿੱਚ ਕਿੰਨੇ ਸਮੇਂ ਲਈ ਠਹਿਰੇਗੀ, ਇਸ ਬਾਰੇ ਵੀ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ।
‘Koru’ ਨਾਮ ਦਾ ਖਾਸ ਮਤਲਬ
Koru ਨਾਮ ਦਾ ਸਬੰਧ ਨਿਊਜ਼ੀਲੈਂਡ ਦੀ ਮਾਓਰੀ ਸੰਸਕ੍ਰਿਤੀ ਨਾਲ ਵੀ ਹੈ। ਇਹ ਨਵੀਂ ਫਰਨ ਦੀ ਪੱਤੀ ਦੇ ਘੁੰਮਾਅਦਾਰ ਆਕਾਰ ਨੂੰ ਦਰਸਾਉਂਦਾ ਹੈ ਅਤੇ ਆਮ ਤੌਰ ’ਤੇ ਨਵੀਂ ਸ਼ੁਰੂਆਤ, ਵਿਕਾਸ ਅਤੇ ਨਵੀਨੀਕਰਨ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ।
Koru ਦੇ ਨਾਲ ਆਮ ਤੌਰ ’ਤੇ Abeona ਨਾਮਕ ਸਪੋਰਟ ਵੈਸਲ ਵੀ ਰਹਿੰਦਾ ਹੈ, ਜਿਸ ਵਿੱਚ ਵਾਧੂ ਸਾਜ਼ੋ-ਸਾਮਾਨ ਅਤੇ ਸਹੂਲਤਾਂ ਮੌਜੂਦ ਹਨ। ਇਸ ’ਤੇ ਹੈਲੀਕਾਨਕ ਲੋਕਾਂ ਅਤੇ ਸਮੁੰਦਰੀ ਯਾਤਰਾ ਵਿੱਚ ਦਿਲਚਸਪੀ ਰੱਖਣ ਵਾਲਿਆਂ ਦਾ ਧਿਆਨ ਇਸ ਵੱਡੀ ਯਾਟ ਵੱਲਾਪਟਰ ਉਤਾਰਨ ਲਈ ਵੀ ਵਿਸ਼ੇਸ਼ ਥਾਂ ਬਣਾਈ ਗਈ ਹੈ।
Koru ਦੇ ਆਕਲੈਂਡ ਹਾਰਬਰ ਵਿੱਚ ਪਹੁੰਚਣ ਨਾਲ ਸਥਾਨਕ ਲੋਕਾਂ ਅਤੇ ਸਮੁੰਦਰੀ ਯਾਤਰਾ ਵਿੱਚ ਦਿਲਚਸਪੀ ਰੱਖਣ ਵਾਲਿਆਂ ਦਾ ਧਿਆਨ ਇਸ ਵੱਡੀ ਯਾਟ ਵੱਲ ਖਿੱਚਿਆ ਹੈ।