ਨਿਊਜ਼ੀਲੈਂਡ: ਵੀਜ਼ਾ ਦੀਆਂ ਸ਼ਰਤਾਂ ਨੂੰ ਨਜ਼ਰਅੰਦਾਜ਼ ਕਰਨਾ ਇੱਕ ਭਾਰਤੀ ਜੋੜੇ ਲਈ ਬੇਹੱਦ ਮਹਿੰਗਾ ਸਾਬਿਤ ਹੋਇਆ ਹੈ। ਕਰੀਬ ਸੱਤ ਸਾਲ ਨਿਊਜ਼ੀਲੈਂਡ ਵਿੱਚ ਰਹਿਣ ਵਾਲੇ ਜੋੜੇ ਦੀ Residency ਸਿਰਫ਼ ਇਸ ਲਈ ਖ਼ਤਮ ਹੋ ਗਈ ਕਿਉਂਕਿ ਉਹ ਆਪਣੇ Resident Visa ਦੀ Travel Conditions ਦੀ ਮਿਆਦ ’ਤੇ ਧਿਆਨ ਨਹੀਂ ਦੇ ਸਕੇ।
ਜੋੜੇ ਨੂੰ ਅਪ੍ਰੈਲ 2022 ਵਿੱਚ Resident Visa ਮਿਲਿਆ ਸੀ, ਜਿਸ ਦੀ Travel Conditions 11 ਅਪ੍ਰੈਲ 2024 ਤੱਕ ਵੈਧ ਸੀ। ਪਰ ਇਸ ਤੋਂ ਪਹਿਲਾਂ ਹੀ ਦੋਵੇਂ ਕੈਨੇਡਾ ਚਲੇ ਗਏ ਅਤੇ ਮਿਆਦ ਖ਼ਤਮ ਹੋਣ ਵੇਲੇ ਵੀ ਨਿਊਜ਼ੀਲੈਂਡ ਤੋਂ ਬਾਹਰ ਰਹੇ। ਨਤੀਜੇ ਵਜੋਂ ਉਨ੍ਹਾਂ ਦਾ Resident Visa ਅਗਲੇ ਦਿਨ ਖ਼ਤਮ ਹੋ ਗਿਆ।
ਸਭ ਤੋਂ ਹੈਰਾਨੀ ਵਾਲੀ ਗੱਲ ਇਹ ਰਹੀ ਕਿ ਜੋੜੇ ਨੇ ਖ਼ੁਦ ਮੰਨਿਆ ਕਿ ਵੀਜ਼ਾ ਮਨਜ਼ੂਰੀ ਵਾਲੀ ਚਿੱਠੀ ਪੜ੍ਹਦਿਆਂ ਉਨ੍ਹਾਂ ਦਾ ਧਿਆਨ ਸਿਰਫ਼ “Congratulations” ਅਤੇ “Your visa has been approved” ’ਤੇ ਰਿਹਾ। 24 ਮਹੀਨਿਆਂ ਦੀ Travel Conditions ਉਨ੍ਹਾਂ ਦੀ ਨਜ਼ਰ ਤੋਂ ਰਹਿ ਗਈ।
ਜਦੋਂ ਜੁਲਾਈ 2025 ਵਿੱਚ ਉਹ ਨਿਊਜ਼ੀਲੈਂਡ ਵਾਪਸ ਆਉਣ ਦੀ ਤਿਆਰੀ ਕਰਨ ਲੱਗੇ ਤਾਂ ਉਨ੍ਹਾਂ ਨੂੰ ਅਸਲ ਸਥਿਤੀ ਦਾ ਪਤਾ ਲੱਗਿਆ। ਇਸ ਤੋਂ ਬਾਅਦ Permanent Resident Visa ਲਈ ਕੀਤੀ ਅਰਜ਼ੀ ਵੀ ਰੱਦ ਹੋ ਗਈ।
Immigration Tribunal ਨੇ 19 ਅਗਸਤ 2026 ਦੇ ਫ਼ੈਸਲੇ ਵਿੱਚ ਜੋੜੇ ਦੀ ਅਪੀਲ ਖਾਰਜ ਕਰਦਿਆਂ ਕਿਹਾ ਕਿ ਉਹ ਸਮੇਂ ਸਿਰ Travel Conditions ਵਧਾਉਣ ਲਈ ਅਰਜ਼ੀ ਕਰ ਸਕਦੇ ਸਨ। ਪਰਿਵਾਰਕ ਅਤੇ ਆਰਥਿਕ ਮੁਸ਼ਕਿਲਾਂ ਦੇ ਬਾਵਜੂਦ Tribunal ਨੇ ਇਸਨੂੰ ਨਿਯਮਾਂ ਤੋਂ ਵਿਸ਼ੇਸ਼ ਛੋਟ ਦੇਣ ਲਈ ਕਾਫ਼ੀ ਅਸਾਧਾਰਨ ਹਾਲਾਤ ਨਹੀਂ ਮੰਨਿਆ।
ਹਾਲਾਂਕਿ ਪਰਿਵਾਰ ਲਈ ਉਮੀਦ ਦੀ ਇੱਕ ਕਿਰਨ ਬਾਕੀ ਹੈ। Tribunal ਮੁਤਾਬਿਕ ਵਿਅਕਤੀ ਆਪਣੇ Welder ਦੇ ਤਜਰਬੇ ਦੇ ਆਧਾਰ ’ਤੇ Work Visa ਲਈ ਅਰਜ਼ੀ ਦੇ ਸਕਦਾ ਹੈ ਅਤੇ ਭਵਿੱਖ ਵਿੱਚ ਯੋਗਤਾ ਪੂਰੀ ਹੋਣ ’ਤੇ ਮੁੜ Residency ਦੀ ਕੋਸ਼ਿਸ਼ ਵੀ ਕਰ ਸਕਦਾ ਹੈ।