ਨਿਊਜ਼ੀਲੈਂਡ ‘ਚ ਲੁੱਟਾਂ ਖੋਹਾਂ ਦੀਆਂ ਵਾਰਦਾਤਾਂ ਰੁਕਣ ਦੀ ਬਜਾਏ ਲਗਾਤਾਰ ਵੱਧ ਰਹੀਆਂ ਹਨ। ਆਏ ਦਿਨ ਹੀ ਕੋਈ ਨਾ ਕੋਈ ਵਾਰਦਾਤ ਵਾਪਰ ਰਹੀ ਹੈ, ਤਾਜ਼ਾ ਮਾਮਲਾ ਹੁਣ Rotorua ਤੋਂ ਸਾਹਮਣੇ ਆਇਆ ਹੈ ਜਿੱਥੇ ਚਾਕੂ ਦੀ ਨੋਕ ‘ਤੇ ਲੁੱਟ ਦੀ ਵਾਰਦਾਤ ਨੂੰ ਅੰਜ਼ਾਮ ਦਿੱਤਾ ਗਿਆ ਹੈ। ਸ਼ੁੱਕਰਵਾਰ ਸਵੇਰੇ ਰੋਟੋਰੂਆ ਵਿੱਚ ਇੱਕ ਬਾਰ ਨੂੰ ਕਥਿਤ ਤੌਰ ‘ਤੇ ਚਾਕੂ ਦੀ ਨੋਕ ‘ਤੇ ਲੁੱਟਣ ਤੋਂ ਬਾਅਦ ਹੁਣ ਪੁਲਿਸ ਗਵਾਹਾਂ ਨੂੰ ਅਪੀਲ ਕਰ ਰਹੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਲੁੱਟ ਦੀ ਇਹ ਘਟਨਾ ਸ਼ੁੱਕਰਵਾਰ ਸਵੇਰੇ ਕਰੀਬ 11.10 ਵਜੇ ਰੋਟੋਰੂਆ ਦੇ ਹਾਲ ਰੋਡ ‘ਤੇ ਨਗੋਂਗੋਟਾਹਾ ਟਾਵਰਨ ਵਿਖੇ ਕਾਲਾਹ ਬਾਰ ‘ਤੇ ਵਾਪਰੀ ਸੀ।
ਪੁਲਿਸ ਨੇ ਇੱਕ ਬਿਆਨ ਵਿੱਚ ਕਿਹਾ, “ਇੱਕ ਚਾਕੂ ਨਾਲ ਇੱਕ ਵਿਅਕਤੀ ਕਥਿਤ ਤੌਰ ‘ਤੇ ਬਾਰ ਵਿੱਚ ਦਾਖਲ ਹੋਇਆ ਅਤੇ ਮੈਨੇਜਰ ਤੋਂ ਪੈਸੇ ਦੀ ਮੰਗ ਕੀਤੀ। ਪੈਸੇ ਮਿਲਣ ਮਗਰੋਂ ਉਸ ਆਦਮੀ ਨੇ ਪੈਸੇ ਇੱਕ ਲਾਲ ਸ਼ਾਪਿੰਗ ਬੈਗ ਵਿੱਚ ਪਾਏ ਅਤੇ ਉੱਥੋਂ ਪੈਦਲ ਹੀ ਫਰਾਰ ਹੋ ਗਿਆ।” ਇਸ ਘਟਨਾ ਕਾਰਨ ਬਾਰ ਮੈਨੇਜਰ ਡਰ ਗਿਆ ਸੀ ਪਰ ਰਾਹਤ ਰਹੀ ਕਿ ਉਹ ਜ਼ਖਮੀ ਨਹੀਂ ਹੋਇਆ।” ਫਿਲਹਾਲ ਹੁਣ ਪੁਲਿਸ ਜਾਣਕਾਰੀ ਵਾਲੇ ਕਿਸੇ ਵੀ ਵਿਅਕਤੀ ਤੋਂ ਮਦਦ ਦੀ ਅਪੀਲ ਕਰ ਰਹੀ ਹੈ, ਇਹ ਕਹਿੰਦੇ ਹੋਏ ਕਿ ਸ਼ੱਕੀ ਨੇ ਕਥਿਤ ਤੌਰ ‘ਤੇ camouflage hunting jersey, ਨੀਲੇ ਅਤੇ ਸੰਤਰੀ ਰਿਫਲੈਕਟਿਵ ਵਰਕ ਟਰਾਊਜ਼ਰ, ਇੱਕ ਸਲੇਟੀ ਹੁੱਡ ਅਤੇ ਇੱਕ ਕਾਲਾ ਮਾਸਕ ਪਾਇਆ ਹੋਇਆ ਸੀ। ਕੋਈ ਵੀ ਵਿਅਕਤੀ ਜੋ ਜਾਣਕਾਰੀ ਰੱਖਦਾ ਹੈ ਉਹ ਪੁਲਿਸ ਨਾਲ 105 ‘ਤੇ ਸੰਪਰਕ ਕਰ ਸਕਦਾ ਹੈ।