ਅੱਜ ਦੀ ਭੱਜ ਦੌੜ ਵਾਲੀ ਜ਼ਿੰਦਗੀ ‘ਚ ਹਰ ਕੋਈ ਵੱਧ ਪੈਸੇ ਕਮਾਉਣਾ ਚਾਹੁੰਦਾ ਹੈ। ਹਰ ਕਿਸੇ ਦਾ ਸੁਪਨਾ ਕਰੋੜਪਤੀ ਬਣਨਾ ਹੁੰਦਾ ਹੈ। ਹਰ ਆਦਮੀ ਚਾਹੁੰਦਾ ਹੈ ਕਿ ਉਸ ਕੋਲ ਇੰਨੀ ਦੌਲਤ ਹੋਵੇ ਕਿ ਉਸ ਦਾ ਪਰਿਵਾਰ ਆਰਾਮ ਨਾਲ ਰਹਿ ਸਕੇ। ਉਸ ਨੂੰ ਸੁੱਖ-ਸ਼ਾਂਤੀ ਦੀਆਂ ਸਾਰੀਆਂ ਸਹੂਲਤਾਂ ਮਿਲਣੀਆਂ ਚਾਹੀਦੀਆਂ ਹਨ। ਫਿਰ ਉਹ ਵਿਅਕਤੀ ਭਾਵੇ ਆਪਣੇ ਦੇਸ਼ ‘ਚ ਹੋਵੇ ਜਾ ਵਿਦੇਸ਼ ‘ਚ। ਪਰ ਜੇਕਰ ਤੁਸੀ ਨਿਊਜ਼ੀਲੈਂਡ ‘ਚ ਰਹਿੰਦੇ ਹੋ ਤਾਂ ਅੱਜ ਅਸੀਂ ਕੁੱਝ ਅਜਿਹੀਆਂ ਨੌਕਰੀਆਂ ਦੀ ਜਾਣਕਾਰੀ ਦੇਣ ਜਾ ਰਹੇ ਹਾਂ ਜਿਨ੍ਹਾਂ ਰਾਹੀਂ ਤੁਸੀ ਵੱਧ ਪੈਸੇ ਕਮਾਉਣ ਦੀ ਆਪਣੀ ਇੱਛਾ ਪੂਰੀ ਕਰ ਸਕਦੇ ਹੋ।
ਕੁੱਝ ਮੀਡੀਆ ਰਿਪੋਰਟਾਂ ਦੇ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਨਿਊਜੀਲੈਂਡ ਵਿੱਚ ਸਭ ਤੋਂ ਵੱਧ ਤਨਖਾਹਾਂ ਆਈ ਟੀ ਖੇਤਰ ਨਾਲ ਸਬੰਧਿਤ ਲੋਕ ਕਮਾਉਂਦੇ ਹਨ। ਟਰੇਡ ਮੀ ਤੇ ਸਾਂਝੇ ਕੀਤੇ ਗਏ ਇਸ਼ਤਿਹਾਰਾਂ ਵਿੱਚ ਦੱਸਿਆ ਗਿਆ ਹੈ ਕਿ ਬੀਤੇ ਕੁਝ ਸਾਲਾਂ ਤੋਂ ਆਈ ਟੀ ਖੇਤਰ ਨਾਲ ਸਬੰਧਿਤ architects ਸਭ ਤੋਂ ਜਿਆਦਾ ਤਨਖਾਹ ਲੈਂਦੇ ਹਨ। ਦੂਜੇ ਨੰਬਰ ‘ਤੇ ਵੀ ਆਈ ਟੀ ਨਾਲ ਸਬੰਧਿਤ ਆਈ ਟੀ ਮੈਨੇਜਮੈਂਟ ਅਤੇ ਤੀਜੇ ਨੰਬਰ ‘ਤੇ ਆਈ ਟੀ ਪ੍ਰੋਜੈਕਟ ਮੈਨੇਜਮੈਂਟ ਦੀ ਨੌਕਰੀ ਹੈ। ਜਦਕਿ ਚੌਥੇ ਤੇ ਪੰਜਵੇਂ ਨੰਬਰ ‘ਤੇ ਕ੍ਰਮਵਾਰ ਵੀ ਆਈ ਟੀ ਨਾਲ ਸਬੰਧਤ ਬਿਜਨੈਸ ਤੇ ਸਿਸਟਮ ਅਨੈਲਸਿਟ ਵਾਲੇ ਹਨ।