ਨਿਊਜ਼ੀਲੈਂਡ ਦੀ ਨੈਸ਼ਨਲ ਪਾਰਟੀ ਨੇ ਵਿਦਿਆਰਥੀ ਕਰਜ਼ੇ ਨੂੰ ਲੈ ਕੇ ਵੱਡਾ ਚੋਣੀ ਵਾਅਦਾ ਕੀਤਾ ਹੈ। ਮੁੜ ਸਰਕਾਰ ਬਣਨ ‘ਤੇ ਅਪ੍ਰੈਲ 2027 ਤੋਂ ਵਿਦਿਆਰਥੀ ਕਰਜ਼ੇ ਦੀ ਲਾਜ਼ਮੀ ਵਾਪਸੀ ਦਰ 12% ਤੋਂ ਘਟਾ ਕੇ 10% ਕਰਨ ਦਾ ਪ੍ਰਸਤਾਵ ਹੈ।
ਇਸ ਨਾਲ ਨਿਊਜ਼ੀਲੈਂਡ ਵਿੱਚ ਰਹਿੰਦੇ ਕਰਜ਼ਦਾਰਾਂ ਦੀ ਤਨਖ਼ਾਹ ਵਿੱਚੋਂ ਘੱਟ ਰਕਮ ਕੱਟੀ ਜਾਵੇਗੀ। ਉਦਾਹਰਨ ਵਜੋਂ, $75,000 ਸਾਲਾਨਾ ਕਮਾਈ ਵਾਲੇ ਵਿਅਕਤੀ ਨੂੰ ਕਰੀਬ $1,000 ਸਾਲਾਨਾ ਦੀ ਰਾਹਤ ਮਿਲ ਸਕਦੀ ਹੈ।
ਪਰ ਕਹਾਣੀ ਦਾ ਦੂਜਾ ਪੱਖ ਵੀ ਹੈ…
ਵਿਦੇਸ਼ ਜਾ ਕੇ ਕਰਜ਼ਾ ਨਾ ਮੋੜਨ ਵਾਲਿਆਂ ‘ਤੇ ਨੈਸ਼ਨਲ ਸਖ਼ਤੀ ਵਧਾਉਣ ਦੀ ਤਿਆਰੀ ‘ਚ ਹੈ। ਵੱਧ ਜੁਰਮਾਨੇ, ਵਿਆਜ ਨਾਲ ਜੁੜੇ ਬਦਲਾਅ ਅਤੇ ਗੰਭੀਰ ਡਿਫਾਲਟ ਮਾਮਲਿਆਂ ਵਿੱਚ ਹੋਰ ਸਖ਼ਤ ਕਾਰਵਾਈ ਦਾ ਪ੍ਰਸਤਾਵ ਹੈ।
ਅੰਕੜੇ ਵੀ ਹੈਰਾਨ ਕਰਨ ਵਾਲੇ ਹਨ—31 ਮਾਰਚ 2026 ਤੱਕ ਵਿਦੇਸ਼ਾਂ ਵਿੱਚ ਰਹਿੰਦੇ ਕਰਜ਼ਦਾਰਾਂ ਕੋਲ $2.478 ਬਿਲੀਅਨ ਦੀ ਓਵਰਡਿਊ ਰਕਮ ਸੀ, ਜੋ ਕੁੱਲ ਬਕਾਇਆ ਦਾ ਲਗਭਗ 93% ਬਣਦੀ ਹੈ।
ਯਾਨੀ ਦੇਸ਼ ਅੰਦਰ ਰਹਿਣ ਵਾਲਿਆਂ ਲਈ ਰਾਹਤ, ਪਰ ਵਿਦੇਸ਼ ਜਾਣ ਵਾਲੇ ਡਿਫਾਲਟਰਾਂ ਲਈ ਹੋਵੇਗੀ ਸਖ਼ਤੀ!