ਬੁੱਧਵਾਰ ਅੱਧੀ ਰਾਤ ਤੋਂ ਪਹਿਲਾਂ ਤਰਨਾਕੀ ਵਿੱਚ 5.8 ਤੀਬਰਤਾ ਦੇ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ ਹਨ। ਜੀਓਨੈੱਟ ਦੇ ਅਨੁਸਾਰ “ਲਾਈਟ” ਭੂਚਾਲ ਸਟ੍ਰੈਟਫੋਰਡ ਤੋਂ 25 ਕਿਲੋਮੀਟਰ ਪੂਰਬ ਵਿੱਚ 187 ਕਿਲੋਮੀਟਰ ਦੀ ਡੂੰਘਾਈ ਵਿੱਚ ਕੇਂਦਰਿਤ ਸੀ। ਲਗਭਗ 39,000 ਲੋਕਾਂ ਨੇ ਜੀਓਨੈੱਟ ਦੀ ਵੈੱਬਸਾਈਟ ‘ਤੇ ਭੂਚਾਲ ਦੇ ਝਟਕੇ ਮਹਿਸੂਸ ਕਰਨ ਦੀ ਜਾਣਕਾਰੀ ਦਿੱਤੀ ਹੈ।
ਭੂਚਾਲ ਦੇ ਝਟਕੇ lower North Island ਅਤੇ ਉੱਤਰ ਵੱਲ ਵੰਗਾਰੇਈ ਤੱਕ ਬਹੁਤ ਸਾਰੇ ਲੋਕਾਂ ਨੇ ਮਹਿਸੂਸ ਕੀਤੇ ਹਨ। ਨੇਲਸਨ ਅਧਾਰਤ ਲੇਬਰ ਐਮਪੀ ਰੇਚਲ ਬੋਆਕ ਨੇ ਵੀ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਹਨ, ਉਨ੍ਹਾਂ ਨੇ ਇਸ ਸਬੰਧੀ ਇੱਕ ਟਵੀਟ ਵੀ ਕੀਤਾ ਹੈ। ਰਾਹਤ ਵਾਲੀ ਗੱਲ ਹੈ ਕਿ ਫਿਲਹਾਲ ਕਿਸੇ ਜਾਨ-ਮਾਲ ਦੇ ਨੁਕਸਾਨ ਦੀ ਕੋਈ ਵੀ ਖਬਰ ਸਾਹਮਣੇ ਨਹੀਂ ਆਈ ਹੈ।