ਨਿਊਜ਼ੀਲੈਂਡ ਵਿੱਚ 7 ਨਵੰਬਰ 2026 ਦੀਆਂ ਆਮ ਚੋਣਾਂ ਤੋਂ ਪਹਿਲਾਂ Māori ਵੋਟਰਾਂ ਵਿੱਚ ਵੱਡੀ ਹਿਲਜੁਲ ਸਾਹਮਣੇ ਆਈ ਹੈ। Electoral Commission ਦੇ ਅੰਕੜਿਆਂ ਮੁਤਾਬਕ 17,033 Māori ਵੋਟਰਾਂ ਨੇ Māori ਅਤੇ General Electoral Roll ਵਿਚਕਾਰ ਆਪਣਾ ਰਜਿਸਟ੍ਰੇਸ਼ਨ ਬਦਲਿਆ।
ਇਹ ਬਦਲਾਅ 31 ਮਾਰਚ ਤੋਂ 6 ਅਗਸਤ ਦੇ ਵਿਚਕਾਰ ਕੀਤੇ ਗਏ।
ਕਿਸ ਪਾਸੇ ਗਏ ਵੋਟਰ?
ਅੰਕੜਿਆਂ ਮੁਤਾਬਕ:
9,400 ਵੋਟਰ General Roll ਤੋਂ Māori Roll ’ਤੇ ਗਏ।
7,633 ਵੋਟਰ Māori Roll ਤੋਂ General Roll ’ਤੇ ਚਲੇ ਗਏ।
Māori ਮੂਲ ਦੇ ਵੋਟਰ ਆਮ ਤੌਰ ’ਤੇ ਆਪਣੀ ਪਸੰਦ ਅਨੁਸਾਰ ਦੋਵਾਂ ਵਿੱਚੋਂ ਕਿਸੇ ਵੀ Electoral Roll ਦੀ ਚੋਣ ਕਰ ਸਕਦੇ ਹਨ। ਪਰ ਚੋਣਾਂ ਤੋਂ ਪਹਿਲਾਂ ਦੇ ਆਖਰੀ ਤਿੰਨ ਮਹੀਨਿਆਂ ਦੌਰਾਨ Roll ਬਦਲਣ ’ਤੇ ਪਾਬੰਦੀ ਹੁੰਦੀ ਹੈ।
ਇਹ ਪਾਬੰਦੀ 7 ਅਗਸਤ ਤੋਂ ਲਾਗੂ ਹੋ ਚੁੱਕੀ ਹੈ। ਇਸਦਾ ਮਤਲਬ ਹੈ ਕਿ ਜਿਹੜੇ ਵੋਟਰ ਇਸ ਵੇਲੇ ਜਿਸ Roll ’ਤੇ ਦਰਜ ਹਨ, ਉਹ 7 ਨਵੰਬਰ ਦੀ 2026 General Election ਵਿੱਚ ਉਸੇ Roll ’ਤੇ ਰਹਿਣਗੇ।
Electoral Commission ਦੇ Māori Chief Advisor Hone Matthews ਨੇ ਕਿਹਾ ਕਿ ਵੋਟਰ ਚੋਣਾਂ ਤੋਂ ਬਾਅਦ ਦੁਬਾਰਾ ਆਪਣਾ Roll ਬਦਲ ਸਕਣਗੇ।
ਨਵੇਂ ਵੋਟਰਾਂ ਲਈ ਅਜੇ ਵੀ ਮੌਕਾ
ਜਿਹੜੇ Māori ਮੂਲ ਦੇ ਲੋਕ ਅਜੇ ਤੱਕ Electoral Roll ’ਤੇ ਦਰਜ ਨਹੀਂ ਹੋਏ, ਉਹ 25 ਅਕਤੂਬਰ ਤੱਕ enrol ਕਰ ਸਕਦੇ ਹਨ ਅਤੇ Māori ਜਾਂ General Roll ਵਿੱਚੋਂ ਆਪਣੀ ਪਸੰਦ ਦੀ ਚੋਣ ਕਰ ਸਕਦੇ ਹਨ।
31 ਮਾਰਚ ਤੋਂ 6 ਅਗਸਤ ਤੱਕ ਕੁੱਲ 60,170 Māori ਵੋਟਰਾਂ ਨੇ ਜਾਂ ਤਾਂ ਆਪਣਾ Roll ਬਦਲਿਆ, ਪਹਿਲੀ ਵਾਰ enrol ਕੀਤਾ ਜਾਂ ਆਪਣੀ ਜਾਣਕਾਰੀ update ਕੀਤੀ।
ਇਨ੍ਹਾਂ ਵਿੱਚ 11,272 ਨਵੇਂ enrolments ਵੀ ਸ਼ਾਮਿਲ ਹਨ।
ਇਨ੍ਹਾਂ ਵਿੱਚੋਂ:
7,723 ਨੇ Māori Roll ਚੁਣਿਆ।
3,549 ਨੇ General Roll ਚੁਣਿਆ।
ਹੋਰ 31,865 ਲੋਕਾਂ ਨੇ ਆਪਣਾ ਪਤਾ ਜਾਂ ਹੋਰ ਨਿੱਜੀ ਵੇਰਵੇ update ਕੀਤੇ, ਪਰ Roll ਨਹੀਂ ਬਦਲਿਆ।
ਹੁਣ ਕਿੰਨੇ Māori ਵੋਟਰ ਕਿੱਥੇ ਦਰਜ ਹਨ?
6 ਅਗਸਤ ਤੱਕ ਨਿਊਜ਼ੀਲੈਂਡ ਵਿੱਚ ਕੁੱਲ 565,092 Māori ਮੂਲ ਦੇ ਵੋਟਰ enrolled ਸਨ।
ਇਨ੍ਹਾਂ ਵਿੱਚ:
309,601 (55%) Māori Roll ’ਤੇ
255,491 (45%) General Roll ’ਤੇ ਹਨ।
Electoral Commission ਮੁਤਾਬਕ ਇਸ ਵਾਰ enrolment activity 2023 ਦੀ Māori Electoral Option ਮਿਆਦ ਨਾਲੋਂ ਵੱਧ ਰਹੀ ਹੈ, ਖਾਸ ਕਰਕੇ ਨਵੇਂ ਵੋਟਰਾਂ ਵਿੱਚ।
0ਹੁਣ ਨਜ਼ਰ ਚੋਣਾਂ ’ਤੇ
ਨਿਊਜ਼ੀਲੈਂਡ ਦੀਆਂ ਆਮ ਚੋਣਾਂ ਲਈ Advance Voting 26 ਅਕਤੂਬਰ ਤੋਂ ਸ਼ੁਰੂ ਹੋਵੇਗੀ, ਜਦਕਿ ਮੁੱਖ Election Day 7 ਨਵੰਬਰ 2026 ਨੂੰ ਹੋਵੇਗਾ।
ਹੁਣ ਸਭ ਤੋਂ ਵੱਡਾ ਸਵਾਲ ਇਹ ਹੈ ਕਿ Māori ਵੋਟਰਾਂ ਦੀ ਇਸ ਵੱਡੀ ਹਿਲਜੁਲ ਦਾ ਨਵੰਬਰ ਦੀਆਂ ਚੋਣਾਂ ਦੇ ਨਤੀਜਿਆਂ ’ਤੇ ਕਿੰਨਾ ਅਸਰ ਪਵੇਗਾ?