Auckland Airport ‘ਤੇ 20 ਕਿਲੋਗ੍ਰਾਮ methamphetamine ਚਾਹ ਦੇ ਪੈਕਟਾਂ ਵਿੱਚ ਲੁਕਾ ਕੇ New Zealand ਵਿੱਚ ਤਸਕਰੀ ਕਰਨ ਦੀ ਕੋਸ਼ਿਸ਼ ਕਰਨ ਵਾਲੇ ਇਕ ਵਿਦੇਸ਼ੀ ਨਾਗਰਿਕ ਨੂੰ ਅਦਾਲਤ ਨੇ ਸਾਢੇ ਸੱਤ ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਹੈ। 36 ਸਾਲਾ ਦੋਸ਼ੀ ਨੂੰ Manukau District Court ਵੱਲੋਂ Class A controlled drug ਦੀ ਇੰਪੋਰਟ ਕਰਨ ਦੇ ਦੋਸ਼ ‘ਚ 7.5 ਸਾਲ ਦੀ ਜੇਲ੍ਹ ਦੀ ਸਜ਼ਾ ਦਿੱਤੀ ਗਈ। ਉਸ ਨੇ ਅਦਾਲਤ ਵਿੱਚ ਆਪਣਾ ਜੁਰਮ ਕਬੂਲ ਕਰ ਲਿਆ ਸੀ।
ਅਧਿਕਾਰੀਆਂ ਮੁਤਾਬਿਕ ਇਹ ਵਿਅਕਤੀ ਪਿਛਲੇ ਸਾਲ ਜੁਲਾਈ ਵਿੱਚ ਬਾਲੀ ਤੋਂ ਆਈ ਇੱਕ ਫਲਾਈਟ ਰਾਹੀਂ ਆਕਲੈਂਡ ਪਹੁੰਚਿਆ ਸੀ। ਏਅਰਪੋਰਟ ‘ਤੇ ਜਾਂਚ ਦੌਰਾਨ ਉਸਦੇ ਸਾਮਾਨ ਦੀ ਤਲਾਸ਼ੀ ਲਈ ਗਈ।
ਜਾਂਚ ਦੌਰਾਨ ਅਧਿਕਾਰੀਆਂ ਨੂੰ ਉਸਦੇ ਬੈਗ ਵਿੱਚ ਕੋਈ ਨਿੱਜੀ ਸਮਾਨ ਨਹੀਂ ਮਿਲਿਆ। ਇਸ ਦੀ ਬਜਾਏ ਬੈਗ ਵਿੱਚ vacuum-sealed ਹਰੇ ਚਾਹ ਦੇ ਪੈਕਟ ਭਰੇ ਹੋਏ ਸਨ। ਸ਼ੱਕ ਦੇ ਆਧਾਰ ‘ਤੇ ਪੈਕਟਾਂ ਦੀ ਜਾਂਚ ਕੀਤੀ ਗਈ ਤਾਂ ਉਨ੍ਹਾਂ ਵਿੱਚੋਂ ਸਫੈਦ ਕ੍ਰਿਸਟਲ ਨੁਮਾ ਪਦਾਰਥ ਮਿਲਿਆ, ਜੋ ਟੈਸਟ ਦੌਰਾਨ methamphetamine ਸਾਬਿਤ ਹੋਇਆ।
ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਵਿਅਕਤੀ ਪਹਿਲੀ ਵਾਰ ਨਿਊਜ਼ੀਲੈਂਡ ਆਇਆ ਸੀ, ਪਰ ਹੁਣ ਉਹ ਆਉਣ ਵਾਲੇ ਕਈ ਸਾਲ ਨਿਊਜ਼ੀਲੈਂਡ ਦੀ ਜੇਲ੍ਹ ਵਿੱਚ ਬਿਤਾਏਗਾ। Paul Williams ਨੇ ਕਿਹਾ ਕਿ ਗੈਰਕਾਨੂੰਨੀ ਨਸ਼ਿਆਂ ਜਾਂ ਸੰਗਠਿਤ ਅਪਰਾਧਿਕ ਗਿਰੋਹਾਂ ਨਾਲ ਜੁੜਨ ਵਾਲਿਆਂ ਨੂੰ ਅਜਿਹੇ ਹੀ ਗੰਭੀਰ ਨਤੀਜੇ ਭੁਗਤਣੇ ਪੈਂਦੇ ਹਨ।