ਬੁੱਧਵਾਰ ਨੂੰ ਨਿਊਜ਼ੀਲੈਂਡ ਦੀਆਂ 36,000 ਦੇ ਕਰੀਬ ਨਰਸਾਂ, ਦਾਈਆਂ ਅਤੇ ਸਿਹਤ ਸੰਭਾਲ ਕਰਮਚਾਰੀਆਂ ਨੇ ਇੱਕ ਦੇਸ਼ ਵਿਆਪੀ 24 ਘੰਟੇ ਦੀ ਹੜਤਾਲ ਕੀਤੀ ਹੈ। ਇਸ ਦੌਰਾਨ ਹੁਣ ਇਸ ਹੜਤਾਲ ਅਸਰ ਵੀ ਦਿਖਣਾ ਸ਼ੁਰੂ ਹੋ ਗਿਆ ਹੈ। ਦਰਅਸਲ ਹੈਲਥ ਨਿਊਜ਼ੀਲੈਂਡ ਨਾਲ ਆਪਣੇ ਸਮੂਹਿਕ ਸਮਝੌਤੇ ਨੂੰ ਸੁਲਝਾਉਣ ਤੋਂ ਬਾਅਦ ਦਾਈਆਂ ਨੂੰ 3.5 ਪ੍ਰਤੀਸ਼ਤ ਤਨਖਾਹ ਵਾਧਾ ਅਤੇ $235 ਦੀ ਇੱਕਮੁਸ਼ਤ ਰਕਮ ਦਾ ਐਲਾਨ ਕੀਤਾ ਗਿਆ ਹੈ। ਹੈਲਥ ਐਨ ਜ਼ੈਡ ਨੇ ਕਿਹਾ ਕਿ ਇਹ ਪੇਸ਼ਕਸ਼ 29 ਮਹੀਨਿਆਂ ਤੋਂ ਵੱਧ ਸਮੇਂ ਤੋਂ ਲਟਕ ਰਹੀ ਸੀ ਅਤੇ ਇਸ ਨਾਲ ਇੱਕ ਗ੍ਰੈਜੂਏਟ ਦਾਈਆਂ ਦੀ ਮੂਲ ਤਨਖਾਹ ਲਗਭਗ $3000 ਤੋਂ ਵੱਧ ਕੇ $85,000 ਤੋਂ ਵੱਧ ਹੋ ਜਾਵੇਗੀ।
ਇੰਨਾਂ ਹੀ ਨਹੀਂ ਸੀਨੀਅਰ ਦਾਈਆਂ ਦੀ ਤਨਖਾਹ ਪ੍ਰਤੀ ਸਾਲ ਲਗਭਗ $4000 ਤੋਂ ਵੱਧ ਕੇ $112,000 ] ਦੇ ਕਰੀਬ ਹੋ ਜਾਵੇਗੀ। ਹੈਲਥ ਐਨ ਜ਼ੈੱਡ ਨੇ ਕਿਹਾ ਕਿ ਉਨ੍ਹਾਂ ਨੇ 1728 ਦਾਈਆਂ ਨੂੰ ਨੌਕਰੀ ਦਿੱਤੀ ਹੈ ਅਤੇ ਮਾਰਚ 2025 ਤੱਕ 12 ਮਹੀਨਿਆਂ ਵਿੱਚ ਕਰਮਚਾਰੀਆਂ ਦੀ ਗਿਣਤੀ ਵਿੱਚ 111 ਪੂਰੇ ਸਮੇਂ ਦੇ ਬਰਾਬਰ ਦੇ ਅਹੁਦਿਆਂ ਦਾ ਵਾਧਾ ਹੋਇਆ ਕੀਤਾ ਹੈ। ਸਮਝੌਤੇ ਦਾ ਨਿਪਟਾਰਾ ਕਰਨ ਦਾ ਫੈਸਲਾ ਮਿਡਵਾਈਫਰੀ ਕਰਮਚਾਰੀ ਪ੍ਰਤੀਨਿਧਤਾ ਅਤੇ ਸਲਾਹਕਾਰ ਸੇਵਾਵਾਂ ਦੁਆਰਾ ਕੀਤਾ ਗਿਆ ਸੀ।