ਨਿਊਜ਼ੀਲੈਂਡ ਪੁਲਿਸ ਵਿਭਾਗ ਨਾਲ ਜੁੜੀ ਇੱਕ ਅਜਿਹੀ ਖ਼ਬਰ ਸਾਹਮਣੇ ਆਈ ਹੈ। ਜਿਸ ਨੂੰ ਜਾਣ ਤੁਸੀਂ ਵੀ ਦੰਗ ਰਹਿ ਜਾਓਗੇ। ਦਰਅਸਲ RNZ ਚੈੱਨਲ ਨੇ ਖੁਲਾਸਾ ਕੀਤਾ ਹੈ ਕਿ 30,000 ਸ਼ਰਾਬ ਸਾਹ ਟੈਸਟਾਂ ਨੂੰ “ਝੂਠਾ ਜਾਂ ਗਲਤ” ਦਰਜ ਕਰਨ ਦੇ ਮਾਮਲੇ ‘ਚ 100 ਤੋਂ ਵੱਧ ਪੁਲਿਸ ਅਧਿਕਾਰੀ ਜਾਂਚ ਅਧੀਨ ਹਨ। ਕਾਰਜਕਾਰੀ ਡਿਪਟੀ ਕਮਿਸ਼ਨਰ ਮਾਈਕਲ ਜੌਹਨਸਨ ਨੇ ਕਿਹਾ ਕਿ ਇਹ ਅੰਕੜੇ “ਅਵਿਸ਼ਵਾਸ਼ਯੋਗ ਤੌਰ ‘ਤੇ ਨਿਰਾਸ਼ਾਜਨਕ ਅਤੇ ਚਿੰਤਾਜਨਕ” ਹਨ। ਲਗਭਗ 120 ਪੁਲਿਸ ਅਧਿਕਾਰੀ ਹੁਣ “ਇੱਕ ਅਨੁਸ਼ਾਸਨੀ ਪ੍ਰਕਿਰਿਆ ਦੇ ਤਹਿਤ ਹੋਰ ਜਾਂਚ” ਦਾ ਸਾਹਮਣਾ ਕਰ ਰਹੇ ਹਨ ਜੋ ਚੱਲ ਰਹੀ ਹੈ।
RNZ ਨੇ ਮੁਤਾਬਿਕ ਇੱਕ ਮੀਮੋ ਦੇਖਿਆ ਗਿਆ ਹੈ ਜੋ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਜੌਹਨਸਨ ਵੱਲੋਂ ਸਟਾਫ ਨੂੰ ਭੇਜਿਆ ਗਿਆ ਸੀ। ਮੀਮੋ ਵਿੱਚ ਕਿਹਾ ਗਿਆ ਹੈ, ਅਗਸਤ 2025 ਵਿੱਚ ਡੇਟਾ ਦਾ ਮੁਲਾਂਕਣ ਕਰਨ ਤੋਂ ਬਾਅਦ, ਨੈਸ਼ਨਲ ਰੋਡ ਪੁਲਿਸਿੰਗ ਸੈਂਟਰ ਦੇ ਅੰਦਰ ਇੰਟੈਲੀਜੈਂਸ ਅਤੇ ਪ੍ਰਦਰਸ਼ਨ ਟੀਮ ਨੇ “ਸਾਹ ਜਾਂਚ ਗਤੀਵਿਧੀ ਨਾਲ ਸਬੰਧਿਤ ਡੇਟਾ ਵਿੱਚ ਇੱਕ ਵਿਗਾੜ” ਦੀ ਪਛਾਣ ਕੀਤੀ। 1 ਜੁਲਾਈ, 2024 ਅਤੇ 17 ਅਗਸਤ, 2025 ਦੇ ਵਿਚਕਾਰ ਕੀਤੇ ਗਏ 4.6 ਮਿਲੀਅਨ ਤੋਂ ਵੱਧ ਸਾਹ ਟੈਸਟਾਂ ਨੂੰ ਕਵਰ ਕਰਨ ਵਾਲੇ ਆਡਿਟ ਤੋਂ, ਸ਼ੁਰੂਆਤੀ ਵਿਸ਼ਲੇਸ਼ਣ ਨੇ ਸੁਝਾਅ ਦਿੱਤਾ ਕਿ ਅਜਿਹੇ ਟੈਸਟ ਕੀਤੇ ਗਏ ਸਨ ਜੋ ਡਰਾਈਵਰ ਦੀ ਸ਼ਮੂਲੀਅਤ ਤੋਂ ਬਿਨਾਂ ਸਿਮੂਲੇਟ ਕੀਤੇ ਗਏ ਸਨ। ਯਾਨੀ ਕਿ ਵਿਸ਼ਲੇਸ਼ਣ ਤੋਂ ਬਾਅਦ ਪਤਾ ਲੱਗਾ ਕਿ ਕਈ ਟੈਸਟ ਅਸਲ ‘ਚ ਨਹੀਂ ਕੀਤੇ ਗਏ ਸਨ, ਸਗੋਂ ਸਿਸਟਮ ਵਿੱਚ ਗਲਤ ਤਰੀਕੇ ਨਾਲ ਦਰਜ ਕੀਤੇ ਗਏ ਸਨ। ਮੀਮੋ ਵਿੱਚ ਕਿਹਾ ਗਿਆ ਹੈ ਕਿ “ਇਹ ਉਹ ਨਹੀਂ ਹੈ ਜੋ ਅਸੀਂ ਆਪਣੇ ਸਟਾਫ ਤੋਂ ਉਮੀਦ ਕਰਦੇ ਹਾਂ ਅਤੇ ਸਾਰਿਆਂ ਨੂੰ ਟੈਸਟ ਕਰਨ ਅਤੇ ਰਿਕਾਰਡ ਕਰਨ ਵੇਲੇ ਸਾਡੀਆਂ ਪ੍ਰਕਿਰਿਆਵਾਂ ਬਾਰੇ ਚੌਕਸ ਰਹਿਣ ਦੀ ਤਾਕੀਦ ਕਰਦੇ ਹਾਂ।”
RNZ ਦੇ ਸਵਾਲਾਂ ਦੇ ਜਵਾਬ ਵਿੱਚ, ਜੌਹਨਸਨ ਨੇ ਕਿਹਾ ਕਿ 1 ਜੁਲਾਈ, 2024 ਅਤੇ 30 ਸਤੰਬਰ, 2025 ਦੇ ਵਿਚਕਾਰ ਪੁਲਿਸ ਦੁਆਰਾ ਕੀਤੇ ਗਏ 5.3 ਮਿਲੀਅਨ ਅਲਕੋਹਲ ਸਾਹ ਜਾਂਚ ਟੈਸਟਾਂ ਦੀ ਸਮੀਖਿਆ ਵਿੱਚ ਪਾਇਆ ਗਿਆ ਕਿ 30,961 ਟੈਸਟ “ਝੂਠੇ ਜਾਂ ਗਲਤੀ ਨਾਲ ਰਿਕਾਰਡ ਕੀਤੇ ਗਏ” ਸਨ।