36,000 ਤੋਂ ਵੱਧ ਨਰਸਾਂ ਸੰਗਠਨ ਦੇ ਮੈਂਬਰ ਮੰਗਲਵਾਰ ਅਤੇ ਵੀਰਵਾਰ ਨੂੰ ਸਵੇਰੇ 7 ਵਜੇ ਤੋਂ ਰਾਤ 11 ਵਜੇ ਤੱਕ ਹੜਤਾਲ ਕਰ ਰਹੇ ਹਨ। ਅਨੁਮਾਨ ਹੈ ਕਿ ਹੜਤਾਲਾਂ ਕਾਰਨ 2250 ਯੋਜਨਾਬੱਧ ਪ੍ਰਕਿਰਿਆਵਾਂ, 3600 ਪਹਿਲੀਆਂ ਮਾਹਿਰ ਮੁਲਾਕਾਤਾਂ ਅਤੇ 8000 ਫਾਲੋ-ਅਪ ਮੁਲਾਕਾਤਾਂ ਮੁਲਤਵੀ ਕਰ ਦਿੱਤੀਆਂ ਜਾਣਗੀਆਂ। ਨਰਸਾਂ ਸੰਗਠਨਾਂ ਦੇ ਮੈਂਬਰਾਂ ਦੁਆਰਾ ਦੋ ਦਿਨਾਂ ਹੜਤਾਲ ਕਾਰਵਾਈ ਦੌਰਾਨ ਇਸ ਹਫ਼ਤੇ ਲਗਭਗ 14,000 ਮਰੀਜ਼ਾਂ ਦੇ ਆਪ੍ਰੇਸ਼ਨ, ਪ੍ਰਕਿਰਿਆਵਾਂ ਅਤੇ ਮੁਲਾਕਾਤਾਂ ਮੁਲਤਵੀ ਕਰ ਦਿੱਤੀਆਂ ਗਈਆਂ ਹਨ।
ਇਹ ਹੜਤਾਲ ਯੂਨੀਅਨ ਅਤੇ ਹੈਲਥ ਐਨ ਜ਼ੈਡ ਵਿਚਕਾਰ ਲਗਭਗ ਇੱਕ ਸਾਲ ਦੀ ਡੈੱਡਲਾਕ ਗੱਲਬਾਤ ਤੋਂ ਬਾਅਦ ਹੋ ਰਹੀ ਹੈ, ਜੋ ਜੁਲਾਈ ਦੇ ਅੰਤ ਵਿੱਚ 24 ਘੰਟੇ ਦੀ ਹੜਤਾਲ ਏ ਰੂਪ ਵਿੱਚ ਸਮਾਪਤ ਹੋਈ ਸੀ। ਹੈਲਥ ਐਨ ਜ਼ੈਡ ਦੇ ਮੁੱਖ ਕਾਰਜਕਾਰੀ ਡਾ. ਡੇਲ ਬ੍ਰਾਮਲੇ ਨੇ ਕਿਹਾ ਕਿ ਏਜੰਸੀ ਹੜਤਾਲਾਂ ਦੌਰਾਨ ਮਰੀਜ਼ਾਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਵਚਨਬੱਧ ਹੈ, ਜਿਸ ਬਾਰੇ ਉਹ “ਡੂੰਘੀ ਚਿੰਤਾ ‘ਚ ਸਨ ਕਿ ਅੰਦਾਜ਼ਨ 13,850 ਮਰੀਜ਼ਾਂ ਦੇ ਇਲਾਜ, ਸੇਵਾਵਾਂ ਅਤੇ ਦੇਖਭਾਲ ਵਿੱਚ ਦੇਰੀ ਹੋਵੇਗੀ”।