ਜੇਕਰ ਤੁਸੀ ਵੀ ਨਿਊਜ਼ੀਲੈਂਡ ‘ਚ ਕੰਮਕਾਰ ਕਰਨਾ ਚਾਹੁੰਦੇ ਹੋ ਤਾਂ ਇਹ ਖਬਰ ਤੁਹਾਡੇ ਲਈ ਹੈ, ਕਿਉਂਕ ਇਸ ਸਮੇਂ ਨਿਊਜ਼ੀਲੈਂਡ ‘ਚ ਕਈ ਕਾਰੋਬਾਰ ਕਰਮਚਾਰੀਆਂ ਦੀ ਘਾਟ ਨਾਲ ਜੂਝ ਰਹੇ ਹਨ। ਇਸ ਗੱਲ ਦਾ ਖੁਲਾਸਾ ਆਈ ਐਨ ਜੈਡ ਦੇ ਅੰਕੜਿਆਂ ਤੋਂ ਹੋਇਆ ਹੈ। ਇਮੀਗ੍ਰੇਸ਼ਨ ਨਿਊਜੀਲੈਂਡ ਵਲੋਂ ਐਕਰੀਡੇਟਡ ਇਮਪਲਾਇਰ ਵਰਕ ਵੀਜਾ ਸ਼੍ਰੇਣੀ ਭਾਵੇਂ 4 ਜੁਲਾਈ ਤੋਂ ਸ਼ੁਰੂ ਕੀਤੀ ਜਾਣੀ ਹੈ ਪਰ ਕਰਮਚਾਰੀਆਂ ਦੀ ਘਾਟ ਨਾਲ ਜੂਝ ਰਹੇ 5282 ਕਾਰੋਬਾਰੀਆਂ ਨੇ ਐਕਰੀਡੇਸ਼ਨ ਹਾਸਿਲ ਕਰਨ ਲਈ ਅਪਲਾਈ ਕਰ ਦਿੱਤਾ ਹੈ। ਜਿਸਦਾ ਅਰਥ ਹੈ ਕਿ ਉਨ੍ਹਾਂ ਨੂੰ ਪ੍ਰਵਾਸੀ ਕਰਮਚਾਰੀਆਂ ਨੂੰ ਨਿਊਜ਼ੀਲੈਂਡ ਬੁਲਾਉਣ ਲਈ ਜਿਆਦਾ ਸਮਾਂ ਨਾ ਗਵਾਉਣਾ ਪਏ।
ਆਈ ਐਨ ਜੈਡ ਵੱਲੋਂ 23 ਮਈ ਤੋਂ 30 ਜੂਨ ਤੱਕ ਦੇ ਅੰਕੜੇ ਜਾਰੀ ਕੀਤੇ ਗਏ ਹਨ, ਇੰਨ੍ਹਾਂ ‘ਚੋ 3819 ਕਾਰੋਬਾਰੀਆਂ ਦੀਆਂ ਐਪਲੀਕੇਸ਼ਨਾਂ ਮਨਜੂਰ ਵੀ ਹੋ ਚੁੱਕੀਆਂ ਹਨ। ਆਈ ਐਨ ਜੈਡ ਦਾ ਟੀਚਾ ਹੈ ਕਿ 90% ਐਪਲੀਕੇਸ਼ਨਾਂ ਨੂੰ ਉਨ੍ਹਾਂ ਵਲੋਂ 2 ਹਫਤਿਆਂ ਵਿੱਚ ਨਿਬੇੜ ਦਿੱਤਾ ਜਾਏਗਾ। ਉੱਥੇ ਹੀ ਇੱਕ ਖਾਸ ਗੱਲ ਇਹ ਵੀ ਹੈ ਕਿ ਜਿਨ੍ਹਾਂ ਕਰਮਚਾਰੀਆਂ ਦੇ ਵੀਜੇ ਜਨਵਰੀ 2023 ਤੋਂ ਖਤਮ ਹੋਣਗੇ ਉਨ੍ਹਾਂ ਵੀ ਇਸੇ ਸ਼੍ਰੇਣੀ ਤਹਿਤ ਹੀ ਅਪਲਾਈ ਕਰਨਾ ਪਏਗਾ। ਭਾਵੇਂ ਭਵਿੱਖ ਵਿੱਚ ਕਾਰੋਬਾਰੀ ਕਰਮਚਾਰੀ ਨੂੰ ਆਪਣੇ ਕੋਲ ਰੱਖਣਾ ਚਾਹੁੰਦੇ ਹਨ ਜਾਂ ਨਹੀਂ।