ਨਿਊਜ਼ੀਲੈਂਡ ‘ਚ ਲੁੱਟ-ਖੋਹ ਦੀਆਂ ਵਾਰਦਾਤਾਂ ਰੁਕਣ ਜਾ ਘੱਟਣ ਦੀ ਬਜਾਏ ਵੱਧਦੀਆਂ ਹੀ ਜਾ ਰਹੀਆਂ ਨੇ, ਤਾਜਾ ਮਾਮਲਾ ਹੁਣ Mosgiel ਤੋਂ ਸਾਹਮਣੇ ਆਇਆ ਹੈ। ਦਰਅਸਲ ਮੋਸਗੀਲ, ਓਟੈਗੋ ਵਿੱਚ ਇੱਕ ਬਾਰ ਨੂੰ ਬੀਤੀ ਰਾਤ ਬੰਦੂਕ ਦੀ ਨੋਕ ‘ਤੇ ਲੁੱਟਿਆ ਗਿਆ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਦੋ ਵਿਅਕਤੀ, ਇੱਕ ਬੰਦੂਕ ਨਾਲ ਲੈਸ, ਗੋਰਡਨ ਰੋਡ ‘ਤੇ ਬਾਰ ਵਿੱਚ ਦਾਖਲ ਹੋਏ। ਪੁਲਿਸ ਨੇ ਕਿਹਾ, “ਅਪਰਾਧੀਆਂ ਨੇ ਬਾਰ ਸਟਾਫ਼ ਤੋਂ ਉਨ੍ਹਾਂ ਨੂੰ ਪੈਸੇ ਦੇਣ ਦੀ ਮੰਗ ਕੀਤੀ, ਅਤੇ ਨਕਦੀ ਲੈ ਕੇ ਫਰਾਰ ਹੋ ਗਏ।” ਮੌਕੇ ‘ਤੇ ਥੋੜ੍ਹੇ ਜਿਹੇ ਗਾਹਕ ਅਤੇ ਬਾਰ ਸਟਾਫ਼ ਮੌਜੂਦ ਸੀ। ਹਾਲਾਂਕਿ ਘਟਨਾ ‘ਚ ਕੋਈ ਜ਼ਖਮੀ ਨਹੀਂ ਹੋਇਆ। ਘਟਨਾ ਦੀ ਸੂਚਨਾ ਪੁਲਿਸ ਨੂੰ ਰਾਤ 11 ਵਜੇ ਤੋਂ ਠੀਕ ਪਹਿਲਾਂ ਦਿੱਤੀ ਗਈ ਸੀ। ਫਿਲਹਾਲ ਦੋਸ਼ੀ ਫ਼ਰਾਰ ਹਨ ਅਤੇ ਪੁਲਿਸ ਵੱਲੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।
