ਆਪਣੇ ਦੋ ਬੱਚਿਆਂ ਦਾ ਕਤਲ ਕਰਨ ਅਤੇ ਉਨ੍ਹਾਂ ਦੀਆਂ ਲਾਸ਼ਾਂ ਸੂਟਕੇਸ ਵਿੱਚ ਲੁਕਾਉਣ ਦੇ ਮਾਮਲੇ ‘ਚ ਫੜੀ ਗਈ ਆਕਲੈਂਡ ਦੀ ਮਹਿਲਾ ਨੂੰ ਦੋਸ਼ੀ ਕਰਾਰ ਦਿੱਤਾ ਗਿਆ ਹੈ। ਹਾਕਯੁੰਗ ਲੀ ਦੇ ਦੋ ਬੱਚਿਆਂ ਜਿਨ੍ਹਾਂ ਦੀ ਉਮਰ ਅੱਠ ਅਤੇ ਛੇ ਸਾਲ ਸੀ ਦੇ ਅਵਸ਼ੇਸ਼ ਆਕਲੈਂਡ ਦੇ ਸਟੋਰੇਜ ਲਾਕਰ ਵਿੱਚੋਂ ਮਿਲੇ ਸਨ ਜਦੋਂ ਇੱਕ ਪਰਿਵਾਰ ਨੇ 2022 ਵਿੱਚ ਇੱਕ ਔਨਲਾਈਨ ਨਿਲਾਮੀ ਵਿੱਚ ਇਹ ਸਮੱਗਰੀ ਖਰੀਦੀ ਸੀ। ਪੁਲਿਸ ਦਾ ਮੰਨਣਾ ਹੈ ਕਿ ਬੱਚਿਆਂ ਨੂੰ ਜੁਲਾਈ 2018 ਵਿੱਚ ਮਾਰਿਆ ਗਿਆ ਸੀ।
ਹਾਕਯੁੰਗ ਲੀ ਨੇ ਅਦਾਲਤ ਵਿੱਚ ਆਪਣੀ ਪ੍ਰਤੀਨਿਧਤਾ ਕੀਤੀ, ਪਰ ਵਿਅਕਤੀਗਤ ਤੌਰ ‘ਤੇ ਨਹੀਂ। 45 ਸਾਲਾ ਔਰਤ ਨੇ ਆਕਲੈਂਡ ਦੇ ਹਾਈ ਕੋਰਟ ਵਿੱਚ ਇੱਕ ਵੱਖਰੇ ਅਦਾਲਤੀ ਕਮਰੇ ਤੋਂ ਮੁਕੱਦਮੇ ਨੂੰ ਆਪਣੇ ਦੁਭਾਸ਼ੀਏ ਦੀ ਸਹਾਇਤਾ ਨਾਲ ਲੜਿਆ ਹੈ। ਲੀ ਦੀ ਸਹਾਇਤਾ ਦੋ ਸਟੈਂਡਬਾਏ ਵਕੀਲਾਂ ਨੇ ਕੀਤੀ ਜਿਨ੍ਹਾਂ ਨੇ ਦਲੀਲ ਦਿੱਤੀ ਕਿ ਉਹ ਕਤਲ ਦੇ ਸਮੇਂ ਪਾਗਲ ਸੀ ਤੇ ਇਹ ਮਾਮਲਾ ਉਸਦੇ ਪਤੀ ਦੀ ਕੈਂਸਰ ਨਾਲ ਹੋਈ ਮੌਤ ਤੋਂ ਸੱਤ ਮਹੀਨੇ ਬਾਅਦ ਦਾ ਸੀ।
ਲੀ ਦੇ ਸਟੈਂਡਬਾਏ ਵਕੀਲ ਲੋਰੇਨ ਸਮਿਥ ਨੇ ਦਲੀਲ ਦਿੱਤੀ ਕਿ 2017 ਵਿੱਚ ਉਸਦੇ ਪਤੀ ਦੀ ਮੌਤ ਨੇ ਮਾਨਸਿਕ ਬਿਮਾਰੀ ਵਿੱਚ “ਡੂੰਘੀ ਗਿਰਾਵਟ” ਪੈਦਾ ਕਰ ਦਿੱਤੀ ਸੀ ਜਿਸ ਕਾਰਨ ਉਸਨੂੰ ਤਰਕਹੀਣ ਤੌਰ ‘ਤੇ ਵਿਸ਼ਵਾਸ ਹੋ ਗਿਆ ਕਿ ਇੱਕੋ ਇੱਕ ਹੱਲ ਆਪਣੇ ਆਪ ਨੂੰ ਅਤੇ ਆਪਣੇ ਬੱਚਿਆਂ ਨੂੰ ਮਾਰਨਾ ਹੈ। ਕਰਾਊਨ ਦਾ ਪੱਖ ਸੀ ਕਿ ਲੀ ਸਮਝਦੀ ਸੀ ਕਿ ਉਹ ਕੀ ਕਰ ਰਹੀ ਸੀ ਅਤੇ ਜਾਣਦੀ ਸੀ ਕਿ ਇਹ ਗਲਤ ਸੀ। ਉਨ੍ਹਾਂ ਕਿਹਾ ਕਿ ਇਸ ਮਗਰੋਂ ਲੀ ਨੇ ਬੱਚਿਆਂ ਦੇ ਅਵਸ਼ੇਸ਼ ਲੁਕਾ ਦਿੱਤੇ ਸਨ ਅਤੇ ਆਪਣਾ ਨਾਮ ਬਦਲ ਲਿਆਸੀ ਅਤੇ ਕੋਰੀਆ ਚਲੀ ਗਈ ਸੀ।