ਨਿਊਜ਼ੀਲੈਂਡ ਦੇ ਪੰਜਾਬੀ ਭਾਈਚਾਰੇ ਲਈ ਇੱਕ ਮਾਣ ਵਧਾਉਣ ਵਾਲੀ ਖ਼ਬਰ ਸਾਹਮਣੇ ਆਈ ਹੈ। ਦਰਅਸਲ ਦੱਖਣੀ ਆਕਲੈਂਡ ਦੇ ਮੇਨੁਰੇਵਾ ਨਾਲ ਸਬੰਧਤ 27 ਸਾਲਾ ਨਵਜੋਤ ਕੌਰ ਜੋ ਕਿ ਸਾਬਕਾ ਪੁਲਿਸ ਅਧਿਕਾਰੀ ਹੈ ਅਗਲੇ ਮਹੀਨੇ ਭਾਰਤ ਵਿੱਚ ਹੋਣ ਵਾਲੇ ਮਿਸ ਵਰਲਡ ਸੁੰਦਰਤਾ ਮੁਕਾਬਲੇ ਵਿੱਚ ਨਿਊਜ਼ੀਲੈਂਡ ਦੀ ਨੁਮਾਇੰਦਗੀ ਕਰੇਗੀ। ਨਵਜੋਤ ਕੌਰ ਨੇ ਪਿਛਲੇ ਹਫਤੇ ਆਕਲੈਂਡ ਵਿੱਚ ਇੱਕ ਤੇਜ਼-ਫਾਇਰ ਚੋਣ ਪ੍ਰਕਿਰਿਆ ਵਿੱਚ ਖਿਤਾਬ ਜਿੱਤਿਆ ਸੀ। ਅਗਲੇ ਹਫਤੇ ਨਵਜੋਤ ਕੌਰ 2024 ਦੇ ਮਿਸ ਵਰਲਡ ਖਿਤਾਬ ਲਈ ਦਿੱਲੀ ਅਤੇ ਮੁੰਬਈ ਵਿੱਚ ਹੋਣ ਵਾਲੇ ਕਈ ਸਮਾਗਮਾਂ ‘ਚ ਨਿਊਜ਼ੀਲੈਂਡ ਦੀ ਨੁਮਾਇੰਦਗੀ ਕਰੇਗੀ। ਨਵਜੋਤ ਕੌਰ ਨੇ ਕਿਹਾ ਕਿ, “ਮੈਂ ਬਹੁਤ ਪ੍ਰਭਾਵਿਤ ਹਾਂ ਅਤੇ ਮੌਕੇ ਲਈ ਧੰਨਵਾਦੀ ਹਾਂ।”
ਸਿੱਖ ਭਾਈਚਾਰੇ ਦੀ ਮੈਂਬਰ ਹੋਣ ਦੇ ਨਾਤੇ, ਕੌਰ ਦਾ ਮੰਨਣਾ ਹੈ ਕਿ ਉਸ ਦੀ ਨੁਮਾਇੰਦਗੀ ਨਿਊਜ਼ੀਲੈਂਡ ਦੀ ਵਿਭਿੰਨਤਾ ਨੂੰ ਦੁਨੀਆ ਦੇ ਸਾਹਮਣੇ ਦਿਖਾਉਣ ਵਿੱਚ ਮਦਦ ਕਰੇਗੀ। ਕੌਰ ਦਾ ਪਰਿਵਾਰ ਉਸਦੇ ਜਨਮ ਤੋਂ ਪਹਿਲਾਂ 90 ਦੇ ਦਹਾਕੇ ਦੇ ਸ਼ੁਰੂ ਤੋਂ ਨਿਊਜ਼ੀਲੈਂਡ ਵਿੱਚ ਰਹਿ ਰਿਹਾ ਹੈ। ਕੌਰ ਨੇ 2019 ਵਿੱਚ ਪੁਲਿਸ ਕਾਲਜ ਤੋਂ ਗ੍ਰੈਜੂਏਸ਼ਨ ਕੀਤੀ ਸੀ ਅਤੇ ਦੋ ਸਾਲ ਬਾਅਦ ਫੋਰਸ ਛੱਡ ਦਿੱਤੀ ਸੀ।