ਨਿਊਜ਼ੀਲੈਂਡ ਦੇ Auckland ਵਿੱਚ ਇਕ ਮਹਿਲਾ ਲਈ ਉਸ ਵੇਲੇ ਖੁਸ਼ੀ ਦਾ ਮਾਹੌਲ ਬਣ ਗਿਆ ਜਦੋਂ ਉਸਦੇ ਸਾਥੀ ਨੂੰ ਆਖ਼ਰੀ ਸਮੇਂ ‘ਤੇ ਵੀਜ਼ਾ ਮਿਲ ਗਿਆ ਅਤੇ ਹੁਣ ਉਹ ਆਪਣੇ ਬੱਚੇ ਦੇ ਜਨਮ ਸਮੇਂ ਮੌਜੂਦ ਰਹਿ ਸਕੇਗਾ। ਸ਼ਾਂਟੇਲ ਨੇਯਰਾ ਅਤੇ ਉਸਦੇ ਸਾਥੀ Gurjeet Singh ਕਾਫ਼ੀ ਸਮੇਂ ਤੋਂ ਇਕੱਠੇ ਹੋਣ ਦੀ ਉਡੀਕ ਕਰ ਰਹੇ ਸਨ, ਕਿਉਂਕਿ ਤਿੰਨ ਹਫ਼ਤਿਆਂ ਵਿੱਚ ਉਨ੍ਹਾਂ ਦੀ ਬੇਟੀ ਦਾ ਜਨਮ ਹੋਣਾ ਹੈ। ਦੋਵਾਂ ਨੇ ਕਰਿਸਮਿਸ ਤੋਂ ਪਹਿਲਾਂ ਵਿਜ਼ਟਰ ਵੀਜ਼ਾ ਲਈ ਅਰਜ਼ੀ ਦਿੱਤੀ ਸੀ, ਪਰ ਚਾਰ ਮਹੀਨੇ ਬਾਅਦ ਵੀ ਉਨ੍ਹਾਂ ਤੋਂ ਹੋਰ ਦਸਤਾਵੇਜ਼ ਮੰਗੇ ਜਾ ਰਹੇ ਸਨ।
ਨੇਯਰਾ ਨੇ ਦੱਸਿਆ ਕਿ ਜਦੋਂ ਉਸਨੂੰ ਆਪਣੇ ਵਕੀਲ ਵੱਲੋਂ ਵੀਜ਼ਾ ਮਨਜ਼ੂਰ ਹੋਣ ਦੀ ਖ਼ਬਰ ਮਿਲੀ ਤਾਂ ਉਹ ਖੁਸ਼ੀ ਅਤੇ ਰਾਹਤ ਨਾਲ ਰੋ ਪਈ। ਉਸਨੇ ਇਸ ਪਲ ਨੂੰ “ਲਾਟਰੀ ਜਿੱਤਣ ਵਰਗਾ” ਕਰਾਰ ਦਿੱਤਾ। ਗੁਰਜੀਤ ਸਿੰਘ, ਜੋ ਨੇਰਾ ਦੇ ਬੱਚਿਆਂ ਲਈ ਵੀ ਵੱਖਰਾ ਰੋਲ ਨਿਭਾ ਰਹੇ ਹਨ, ਪੂਰੀ ਗਰਭਾਵਸਥਾ ਦੌਰਾਨ ਸਿਰਫ਼ ਵੀਡੀਓ ਕਾਲਾਂ ਰਾਹੀਂ ਹੀ ਜੁੜੇ ਰਹੇ। ਹੁਣ ਉਹ ਆਪਣੀ ਬੇਟੀ “ਮੀਰਾ” ਦੇ ਜਨਮ ਸਮੇਂ ਮੌਜੂਦ ਰਹਿ ਸਕਣਗੇ, ਜਿਸਦੀ ਡਿਲਿਵਰੀ ਕੁਝ ਹਫ਼ਤਿਆਂ ਵਿੱਚ ਹੋਣ ਜਾ ਰਹੀ ਹੈ। ਹਾਲਾਂਕਿ ਉਹ ਗਰਭਾਵਸਥਾ ਦੌਰਾਨ ਨਾ ਤਾਂ ਅਲਟ੍ਰਾਸਾਊਂਡ ਦੇਖ ਸਕੇ ਅਤੇ ਨਾ ਹੀ ਸਹਾਇਤਾ ਲਈ ਮੌਜੂਦ ਰਹਿ ਸਕੇ। ਨੇਯਰਾ ਨੇ ਦੱਸਿਆ ਕਿ ਇਸ ਦੌਰਾਨ ਉਸਦੀ ਗਰਭਾਵਸਥਾ ਵੀ ਜਟਿਲ ਰਹੀ, ਕਿਉਂਕਿ ਉਸਨੂੰ ਗੈਸਟੇਸ਼ਨਲ ਡਾਇਬੀਟੀਜ਼ ਦੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪਿਆ। ਵੀਜ਼ਾ ਪ੍ਰਕਿਰਿਆ ਵਿੱਚ ਹੋ ਰਹੀ ਦੇਰੀ ਨੇ ਉਸਦੀ ਚਿੰਤਾ ਨੂੰ ਹੋਰ ਵਧਾ ਦਿੱਤਾ ਸੀ।
ਇਮੀਗ੍ਰੇਸ਼ਨ ਨਿਊਜ਼ੀਲੈਂਡ ਨੇ ਵੀ ਮੰਨਿਆ ਕਿ ਵੀਜ਼ਾ ਪ੍ਰਕਿਰਿਆ ਦੌਰਾਨ ਉਡੀਕ ਕਰਨਾ ਪਰਿਵਾਰਾਂ ਲਈ ਤਣਾਅਪੂਰਨ ਹੋ ਸਕਦਾ ਹੈ। ਉਨ੍ਹਾਂ ਦੇ ਮੁਤਾਬਿਕ , ਅਰਜ਼ੀਆਂ ਦੀ ਵੱਧ ਗਿਣਤੀ, ਵਧੇਰੇ ਜਾਣਕਾਰੀ ਦੀ ਲੋੜ ਜਾਂ ਕੇਸ ਦੀ ਜਟਿਲਤਾ ਕਾਰਨ ਸਮਾਂ ਲੱਗ ਸਕਦਾ ਹੈ। ਹੁਣ ਵੀਜ਼ਾ ਮਨਜ਼ੂਰ ਹੋਣ ਨਾਲ ਪਰਿਵਾਰ ਵਿੱਚ ਖੁਸ਼ੀ ਦੀ ਲਹਿਰ ਦੌੜ ਗਈ ਹੈ ਅਤੇ ਗੁਰਜੀਤ ਸਿੰਘ ਆਪਣੇ ਬੱਚੇ ਦੇ ਜਨਮ ਦੇ ਖਾਸ ਪਲ ਦਾ ਗਵਾਹ ਬਣ ਸਕੇਗਾ।