ਪੂਰਬੀ ਆਕਲੈਂਡ ਦੇ ਫਲੈਟ ਬੁਸ਼ ਇਲਾਕੇ ‘ਚ ਵੀਰਵਾਰ ਸ਼ਾਮ ਇੱਕ ਸਕੂਲ ਬੱਸ ਸਣੇ ਤਿੰਨ ਵਾਹਨਾਂ ਦੀ ਟੱਕਰ ਹੋ ਗਈ ਸੀ। ਪੁਲਿਸ ਮੁਤਾਬਿਕ ਐਮਰਜੈਂਸੀ ਸੇਵਾਵਾਂ ਨੂੰ ਸ਼ਾਮ ਕਰੀਬ 5 ਵਜੇ ਸਟੈਨਕੋਮਬ ਰੋਡ ਅਤੇ ਕਾਰਲੋਸ ਡਰਾਈਵ ਦੇ ਚੌਰਾਹੇ ’ਤੇ ਬੁਲਾਇਆ ਗਿਆ ਸੀ। ਸ਼ੁਰੂਆਤੀ ਜਾਣਕਾਰੀ ਅਨੁਸਾਰ ਇੱਕ ਵਿਅਕਤੀ ਦੇ ਗੰਭੀਰ ਰੂਪ ਵਿੱਚ ਜ਼ਖ਼ਮੀ ਹੋਣ ਦੀ ਸੰਭਾਵਨਾ ਹੈ। ਹਾਦਸੇ ਤੋਂ ਬਾਅਦ ਸੜਕ ਨੂੰ ਆਵਾਜਾਈ ਲਈ ਬੰਦ ਕਰ ਦਿੱਤਾ ਗਿਆ ਅਤੇ ਵਾਹਨਾਂ ਲਈ ਵਿਕਲਪਕ ਰਸਤੇ (ਡਾਇਵਰਸ਼ਨ) ਲਾਗੂ ਕੀਤੇ ਗਏ। ਪੁਲਿਸ ਨੇ ਮੋਟਰ ਚਾਲਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਇਸ ਇਲਾਕੇ ਤੋਂ ਬਚਣ ਅਤੇ ਵਿਕਲਪਕ ਰਸਤੇ ਦੀ ਵਰਤੋਂ ਕਰਨ।
