ਕੁੱਝ ਦਿਨ ਪਹਿਲਾ ਨਿਊਜ਼ੀਲੈਂਡ ਸਰਕਾਰ ਨੇ ਇੱਕ ਵੱਡਾ ਫੈਸਲਾ ਕਰਦਿਆਂ ਬਾਰਡਰ ਮੁੜ ਖੋਲ੍ਹਣ ਦੀਆਂ ਨਵੀਆਂ ਤਰੀਕਾਂ ਜਾਰੀ ਕੀਤੀਆਂ ਸੀ। ਪ੍ਰਧਾਨ ਮੰਤਰੀ ਜੈਸਿੰਡਾ ਆਰਡਰਨ ਨੇ ਨਿਊਜ਼ੀਲੈਂਡ ਦੇ ਬਾਰਡਰ ਮੁੜ ਖੋਲ੍ਹਣ ਦੀਆਂ ਤਰੀਕਾਂ ਦਾ ਖੁਲਾਸਾ ਕੀਤਾ ਸੀ। ਨਿਊਜ਼ੀਲੈਂਡ ਸਰਕਾਰ ਦੇ ਫੈਸਲੇ ਮਗਰੋਂ ਕੋਰੋਨਾ ਕਾਰਨ ਲਾਗੂ ਹੋਈਆਂ ਪਬੰਦੀਆਂ ਤੋਂ ਬਾਅਦ ਵੱਖੋ-ਵੱਖ ਥਾਵਾਂ ‘ਤੇ ਫਸੇ ਆਫਸ਼ੋਰ ਭੈਣਾ-ਭਰਾਵਾਂ ਨੂੰ ਵੱਡੀ ਰਾਹਤ ਮਿਲੀ ਹੈ। ਪਰ ਉਨ੍ਹਾਂ ਲਈ ਕੁੱਝ ਸੱਮਸਿਆਵਾਂ ਵੀ ਹਨ ਜਿਵੇ ਕਿ ਨਿਊਜ਼ੀਲੈਂਡ ਵਾਪਿਸ ਪਰਤ ਕੇ ਏਕਾਂਤਵਾਸ ਹੋਣ ਲਈ ਥਾਂ ਨਾ ਹੋਣਾ।
ਪਰ ਹੁਣ ਆਫਸ਼ੋਰ ਭੈਣਾ-ਭਰਾਵਾਂ ਨੂੰ ਚਿੰਤਾ ਕਰਨ ਦੀ ਜਰੂਰਤ ਨਹੀਂ ਹੈ। ਕਿਉਂਕ ਨਿਊਜੀਲੈਂਡ ਦੇ ਗੁਰੂਘਰਾਂ ਨੇ ਮਦਦ ਦਾ ਹੱਥ ਵਧਾਇਆ ਹੈ। ਦਰਅਸਲ ਜਿਨ੍ਹਾਂ ਭੈਣਾ-ਭਰਾਵਾਂ ਕੋਲ ਆਈਸੋਲੇਸ਼ਨ ਲਈ ਥਾਂ ਨਹੀਂ ਹੈ, ਨਿਊਜੀਲੈਂਡ ਦੇ ਸਾਰੇ ਗੁਰੂਘਰ ਅਤੇ ਪ੍ਰਬੰਧਕ ਕਮੇਟੀਆਂ ਉਨ੍ਹਾਂ ਲਈ ਮੁਫਤ ਅਕਮੋਡੇਸ਼ਨ ਤੇ ਭੋਜਨ ਦਾ ਪ੍ਰਬੰਧ ਕਰਨਗੇ। ਇਸ ਤੋਂ ਇਲਾਵਾ ਕਮੇਟੀਆਂ ਵੱਲੋਂ ਲੋਕਾਂ ਨੂੰ ਵੀ ਅਪੀਲ ਕੀਤੀ ਗਈ ਹੈ ਕਿ ਜੇਕਰ ਕੋਈ ਵੀ ਆਫਸ਼ੋਰ ਭੈਣਾ-ਭਰਾਵਾਂ ਦੀ ਮਦਦ ਕਰਨਾ ਚਾਹੁੰਦਾ ਹੈ ਜਿਨ੍ਹਾਂ ਕੋਲ ਘਰ ਵਿੱਚ ਇੱਕ ਜਾਂ 2 ਬੈਡਰੂਮ ਖਾਲੀ ਹਨ ਉਹ ਸੁਪਰੀਮ ਸਿੱਖ ਸੁਸਾਇਟੀ ਨਾਲ ਸੰਪਰਕ ਕਰ ਸਕਦੇ ਹਨ ਅਤੇ ਮਦਦ ਦਾ ਹੱਥ ਵਧਾ ਸਕਦੇ ਹਨ। ਸੁਪਰੀਮ ਸਿੱਖ ਸੁਸਾਇਟੀ ਨੇ ਕਿਹਾ ਹੈ ਕਿ ਜਿਨ੍ਹਾਂ ਭੈਣ-ਭਰਾਵਾਂ ਨੂੰ ਮਦਦ ਦੀ ਲੋੜ ਹੈ ਉਹ ਇੱਥੇ ਪਹੁੰਚਣ ਤੋਂ ਪਹਿਲਾ ਉਨ੍ਹਾਂ ਨਾਲ ਸੰਪਰਕ ਕਰਨ। ਸੰਪਰਕ ਨੰਬਰ – 021803512 ਈਮੇਲ ID – supremesikhsocietynz@gmail.com