ਲਗਾਤਾਰ ਚਰਚਾ ‘ਚ ਰਹਿਣ ਵਾਲੀ ਨਿਊਜ਼ੀਲੈਂਡ ਇੰਮੀਗਰੇਸ਼ਨ ਵੱਲੋਂ ਪ੍ਰਵਾਸੀਆਂ ਨੂੰ ਲੈ ਕੇ ਹੁਣ ਇੱਕ ਨਵੀ PR ਨੀਤੀ ਬਣਾਈ ਗਈ ਹੈ। ਜਿਸ ਤਹਿਤ ਸਕਿੱਲਡ ਕਾਮੇ ਨਿਊਜੀਲੈਂਡ ਵਿੱਚ ਪੱਕੀ ਰਿਹਾਇਸ਼ ਲਈ ਵਿਉਂਤ ਬਣਾ ਸਕਣਗੇ। ਦਰਅਸਲ ਬੀਤੇ ਦਿਨ ਕੀਤੇ ਗਏ ਐਲਾਨ ਕੁੱਝ ਸਮਾਂ ਪਹਿਲਾ ਜਾਰੀ ਕੀਤੀ ਗਈ ਗਰੀਨ ਲਿਸਟ ਦਾ ਹੀ ਵਿਸਥਾਰ ਹਨ। ਗਰੀਨ ਲਿਸਟ ਵਿਚ 85 ਕਿੱਤਿਆਂ ਨੂੰ ਦੋ ਕਤਾਰਾਂ ‘ਚ ਵੰਡਿਆਂ ਗਿਆ ਸੀ। ਜਿਸ ਤਹਿਤ ਪਹਿਲੀ ਕਤਾਰ ਵਾਲੇ ਕਿੱਤੇ ਸਿੱਧੇ PR ਲੈਣ ਦੇ ਯੋਗ ਹੋਣਗੇ ਜਦਕਿ ਬਾਕੀਆਂ ਦਾ ਵਰਕ ਟੂ ਰੈਂਜੀਡੈਂਸ ਵੀਜਾ ਲੱਗੇਗਾ।
ਜੋ ਲੋਕ ਸ਼ਰਤਾਂ ਪੂਰੀਆਂ ਕਰਦੇ ਹਨ ਉਹ 5 ਸਤੰਬਰ ਤੋਂ ਆਪਣੀ ਅਰਜੀ ਲਗਾ ਸਕਣਗੇ। ਜਦਕਿ ਦੂਜੇ ਪਾਸੇ ਲਗਾਤਾਰ ਦੋ ਸਾਲ ਮੀਡੀਅਨ ਪੇ ਦਾ ਦੁੱਗਣਾ ਵੇਤਨ ਲੈਣ ਵਾਲੇ ਕਿਸੇ ਵੀ ਕਿੱਤੇ ਤਹਿਤ ਆਪਣੀ ਸਿੱਧੀ ਪੀ.ਆਰ ਦੀ ਅਰਜੀ ਲਾਉਣ ਦੇ ਯੋਗ ਹੋਣਗੇ । ਇਹ ਅਰਜੀਆਂ ਸਤੰਬਰ 2023 ਜਾਣੀ ਅਗਲੇ ਸਾਲ ਤੋਂ ਲਾਈਆਂ ਜਾ ਸਕਣਗੀਆ । ਇਸ ਨਵੀਂ ਨੀਤੀ ਤਹਿਤ ਬਿਜਨਿਸ , ਡਰਾਈਵਿੰਗ ਦੇ ਖੇਤਰ ‘ਚ ਕੰਮ ਕਰਦੇ ਜੋ ਆਰਜੀ ਕਾਮੇ ਵੰਨ ਆਫ ਰੈਂਜੀਡੈਂਟ ਵੀਜੇ ਦੀ ਅਰਜੀ ਲਾਉਣ ਤੋਂ ਖੁੰਝ ਗਏ ਹਨ, ਉਨ੍ਹਾਂ ਦੀ ਪੀ.ਆਰ ਵਾਲੀ ਉਡੀਕ ਹੋਰ ਵੀ ਲੰਬੀ ਹੁੰਦੀ ਨਜਰ ਆ ਰਹੀ ਹੈ ।