ਕੀ ਤੁਸੀਂ ਕਿਸੇ MP ਨੂੰ ਟੈਕਸੀ ਚਲਾਉਂਦੇ ਦੇਖਿਆ ਹੈ ? ਪੜ੍ਹਨ ‘ਚ ਤੁਹਾਨੂੰ ਇਹ ਗੱਲ ਥੋੜੀ ਹੈਰਾਨੀਜਨਕ ਲੱਗ ਰਹੀ ਹੋਵੇਗੀ ਪਰ ਇਹ ਸੱਚ ਹੈ। ਦਰਅਸਲ ਨਿਊਜ਼ੀਲੈਂਡ ਦੇ ਟੌਰਾਂਗਾ ਤੋਂ ਨੈਸ਼ਨਲ ਪਾਰਟੀ ਦੇ ਸੰਸਦ ਮੈਂਬਰ ਸੈਮ ਅਫਿੰਡੈਲ (Sam Uffindell MP) ਇੰਨੀ ਦਿਨੀ ਟੈਕਸੀ ਡਰਾਈਵਰ ਬਣਨ ਕਰਨ ਚਰਚਾ ‘ਚ ਹਨ। ਟੈਕਸੀ ਚਲਾਉਣ ਦੀ ਜਾਣਕਾਰੀ ਵੀ MP ਦੇ ਵੱਲੋਂ ਖੁਦ ਹੀ ਸਾਂਝੀ ਕੀਤੀ ਗਈ ਹੈ।
ਪਿਛਲੇ ਦਿਨੀ ਸੈਮ ਅਫਿੰਡੈਲ ਨੇ ਆਪਣੇ ਫੇਸਬੁੱਕ ਪੇਜ ‘ਤੇ ਇੱਕ ਪੋਸਟ ਸਾਂਝੀ ਕਰਦਿਆਂ ਲਿਖਿਆ ਕਿ ਉਹ ਰੋਟਰੂਆ ਤੋਂ ਟੌਰਾਂਗਾ ਵਾਪਸ ਆ ਰਹੇ ਸਨ ਜਦੋਂ ਉਨ੍ਹਾਂ ਦੇ ਟੈਕਸੀ ਡਰਾਈਵਰ ਰਣਜੀਤ ਸਿੰਘ ਨੂੰ ਰਾਹ ਵਿੱਚ ਹੀ ਤੇਜ਼ ਮਾਈਗ੍ਰੇਨ ਸ਼ੁਰੂ ਹੋ ਗਿਆ। ਰਣਜੀਤ ਨੇ ਟੈਕਸੀ ਰੋਕੀ ਅਤੇ ਸੈਮ ਨੂੰ ਕਿਹਾ ਕਿ ਕੀ ਉਹ ਆਪ ਗੱਡੀ ਚਲਾ ਕੇ ਆਪਣੀ ਮੰਜ਼ਿਲ ਤੱਕ ਪਹੁੰਚ ਸਕਦੇ ਹਨ ? ਤਾਂ ਇਸ ਮਗਰੋਂ ਸੈਮ ਅਫਿੰਡੈਲ ਨੇ ਖੁਦ ਕਾਰ ਚਲਾਈ ਅਤੇ ਆਪਣੀ ਮੰਜ਼ਿਲ ‘ਤੇ ਪਹੁੰਚੇ। ਪੋਸਟ ‘ਚ ਸੈਮ ਨੇ ਹੱਸਦੇ ਹੋਏ ਲਿਖਿਆ – “ਮੈਂ ਹੁਣ ਟੈਕਸੀ ਚਲਾਉਣ ਦਾ ਤਜਰਬਾ ਵੀ ਹਾਸਿਲ ਕਰ ਲਿਆ ਹੈ! ਅਸੀਂ ਸੁਰੱਖਿਅਤ ਤਰੀਕੇ ਨਾਲ ਟੌਰਾਂਗਾ ਪਹੁੰਚ ਗਏ।” ਉਨ੍ਹਾਂ ਦੀ ਇਹ ਪੋਸਟ ਹੁਣ ਸੋਸ਼ਲ ਮੀਡੀਆ ‘ਤੇ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ।