8 ਦਸੰਬਰ 2025 ਤੋਂ ਮਾਨਤਾ ਪ੍ਰਾਪਤ ਰੁਜ਼ਗਾਰਦਾਤਾ ਵਰਕ ਵੀਜ਼ਾ (AEWV) ਫਰੇਮਵਰਕ ਦੇ ਤਹਿਤ 2 ਨਵੇਂ ਮੌਸਮੀ ਵੀਜ਼ਾ ਵਿਕਲਪਾਂ, ਗਲੋਬਲ ਵਰਕਫੋਰਸ ਸੀਜ਼ਨਲ ਵੀਜ਼ਾ (GWSV) ਅਤੇ ਪੀਕ ਸੀਜ਼ਨਲ ਵੀਜ਼ਾ (PSV) ਲਈ ਅਰਜ਼ੀਆਂ ਖੁੱਲ੍ਹਣ ਜਾ ਰਹੀਆਂ ਹਨ। ਇਨ੍ਹਾਂ ਵੀਜ਼ਿਆਂ ਦਾ ਮਕਸਦ ਸੀਜ਼ਨਲ ਉਦਯੋਗਾਂ ਲਈ ਸਟਾਫ ਦੀ ਕਮੀ ਘਟਾਉਣਾ ਹੈ, ਤਾਂ ਜੋ ਨਿਊਜ਼ੀਲੈਂਡ ਦੇ ਅਰਥਤੰਤਰ ਨੂੰ ਪੀਕ ਸਮੇਂ ਲੋੜੀਂਦਾ ਮਜ਼ਦੂਰ ਮਿਲ ਸਕੇ। ਯਾਨੀ ਕਿ ਨਿਊਜ਼ੀਲੈਂਡ ਆਉਣ ਦੇ ਚਾਹਵਾਨਾਂ ਲਈ ਇੱਕ ਸੁਨਹਿਰੀ ਮੌਕਾ ਹੈ। ਹਾਲਾਂਕਿ ਸਰਕਾਰ ਦਾ ਇਹ ਵੀ ਕਹਿਣਾ ਹੈ ਕਿ ਵੀਜ਼ਾ ਬੇਨਤੀ ਪ੍ਰਣਾਲੀ ਦੀ ਗਲਤ ਵਰਤੋਂ ਰੋਕਣ ਲਈ ਲੋੜੀਂਦੀਆਂ ਜਾਂਚਾਂ ਵੀ ਜਾਰੀ ਰਹਿਣਗੀਆਂ।
ਦੱਸ ਦੇਈਏ ਗਲੋਬਲ ਵਰਕਫੋਰਸ ਸੀਜ਼ਨਲ ਵੀਜ਼ਾ (GWSV) ਅਸਲ ਸੀਜ਼ਨਲ ਕੰਮਾਂ ਲਈ ਬਣਾਇਆ ਗਿਆ ਹੈ। ਇਸ ਦੌਰਾਨ ਨਿਊਜ਼ੀਲੈਂਡ ਅੰਦਰ ਜ਼ਰੂਰੀ ਵਰਕਰ ਨਾ ਮਿਲਣ ਦੀ ਪ੍ਰਮਾਣਿਕਤਾ (labour market test) ਦੀ ਲੋੜ ਨਹੀਂ ਹੈ। ਵੀਜ਼ਾ ਤਿੰਨ ਸਾਲ ਲਈ ਦਿੱਤਾ ਜਾਵੇਗਾ ਪਰ ਹੈਲਥ ਅਤੇ ਕਿਰਦਾਰ ਜਾਂਚ ਲਾਜ਼ਮੀ ਹੋਵੇਗੀ। ਪਿਛਲੇ 6 ਸਾਲਾਂ ਵਿੱਚ ਘੱਟੋ-ਘੱਟ ਤਿੰਨ ਸੀਜ਼ਨ ਦਾ ਤਜਰਬਾ ਹੋਣਾ ਚਾਹੀਦਾ ਹੈ ਅਤੇ ਹਰ ਸਾਲ ਤਿੰਨ ਮਹੀਨੇ ਨਿਊਜ਼ੀਲੈਂਡ ਤੋਂ ਬਾਹਰ ਰਹਿਣਾ ਜ਼ਰੂਰੀ ਹੋਵੇਗਾ। ਇੰਗਲਿਸ਼ ਟੈਸਟ ਦੀ ਲੋੜ ਨਹੀਂ ਹੈ।
ਪੀਕ ਸੀਜ਼ਨਲ ਵੀਜ਼ਾ (PSV) ਛੋਟੇ ਪੀਕ ਸਮਿਆਂ ਲਈ ਤਿਆਰ ਕੀਤਾ ਗਿਆ ਹੈ। ਨਿਊਜ਼ੀਲੈਂਡ ਅੰਦਰ ਲੋਕਾਂ ਨੂੰ ਕੰਮ ਲਈ ਲੱਭਣ ਦੀ ਕੋਸ਼ਿਸ਼ (labour market test) ਜ਼ਰੂਰੀ ਹੈ। ਵਰਕ ਐਂਡ ਇਨਕਮ ਨਾਲ ਸਹਿਯੋਗ ਜਾਂ Work and Income ਵੱਲੋਂ PSV endorsement ਲਾਜ਼ਮੀ ਹੈ। ਵੀਜ਼ਾ ਵੱਧ ਤੋਂ ਵੱਧ ਸੱਤ ਮਹੀਨੇ ਲਈ ਹੋਵੇਗਾ ਅਤੇ ਪਿਛਲੇ ਤਿੰਨ ਸਾਲਾਂ ਵਿੱਚ ਘੱਟੋ-ਘੱਟ ਇੱਕ ਸੀਜ਼ਨ ਦਾ ਤਜਰਬਾ ਹੋਵੇ। ਤਿੰਨ ਮਹੀਨੇ ਤੋਂ ਵੱਧ ਕੰਮ ਹੋਵੇ ਤਾਂ comprehensive ਹੈਲਥ ਇਨਸ਼ੂਰੈਂਸ ਲਾਜ਼ਮੀ ਹੋਵੇਗੀ ਹਾਲਾਕਿ ਇੰਗਲਿਸ਼ ਟੈਸਟ ਦੀ ਲੋੜ ਨਹੀਂ ਹੈ।