ਨਿਊਜ਼ੀਲੈਂਡ ‘ਚ ਸਾਹਮਣੇ ਆਏ ਮੌਂਕੀਪੌਕਸ ਦੇ ਕੇਸਾਂ ਸਬੰਧੀ ਸਿਹਤ ਵਿਭਾਗ ਨੇ ਸਾਂਝੀ ਕੀਤੀ ਇਹ ਵੱਡੀ ਜਾਣਕਾਰੀ

ਪੂਰੀ ਦੁਨੀਆ ਦੇ ਵਿੱਚ ਕੋਰੋਨਾ ਤੋਂ ਬਾਅਦ ਹੁਣ ਮੌਂਕੀਪੌਕਸ ਦਾ ਪ੍ਰਕੋਪ ਦੇਖਣ ਨੂੰ ਮਿਲ ਰਹਿ ਹੈ। ਉੱਥੇ ਜੇਕਰ ਨਿਊਜ਼ੀਲੈਂਡ ਦੀ ਗੱਲ ਕਰੀਏ ਤਾਂ ਇੱਥੇ ਵੀ ਮੌਂਕੀਪੌਕਸ ਦੇ ਮਾਮਲੇ ਸਾਹਮਣੇ ਆਏ ਸੀ, ਪਰ ਇਸ ਸਮੇਂ ਵੱਡੀ ਅਤੇ ਰਾਹਤ ਦੀ ਖਬਰ ਇਹ ਹੈ ਕਿ ਨਿਊਜ਼ੀਲੈਂਡ ਦੇ ਮੌਂਕੀਪੌਕਸ ਦੇ ਦੋ ਪੁਸ਼ਟੀ ਕੀਤੇ ਕੇਸਾਂ ਨੂੰ ਹੁਣ ਠੀਕ ਮੰਨਿਆ ਜਾਂ ਰਿਹਾ ਹੈ। ਦੋਵੇ ਰਿਕਵਰ ਹੋ ਚੁੱਕੇ ਹਨ। ਪਬਲਿਕ ਹੈਲਥ ਏਜੰਸੀ ਦੇ ਡਿਪਟੀ ਡਾਇਰੈਕਟਰ-ਜਨਰਲ ਐਂਡਰਿਊ ਓਲਡ ਨੇ ਬੁੱਧਵਾਰ ਦੁਪਹਿਰ ਨੂੰ ਇਹ ਪੁਸ਼ਟੀ ਕੀਤੀ ਹੈ।

ਦੱਸ ਦੇਈਏ ਕਿ ਪਹਿਲੇ ਕੇਸ ਦੀ ਘੋਸ਼ਣਾ 9 ਜੁਲਾਈ ਨੂੰ ਕੀਤੀ ਗਈ ਸੀ ਅਤੇ ਦੂਜੇ ਕੇਸ ਦਾ ਐਲਾਨ ਲਗਭਗ ਤਿੰਨ ਦਿਨ ਬਾਅਦ 12 ਜੁਲਾਈ ਨੂੰ ਕੀਤਾ ਗਿਆ ਸੀ। ਉਹ ਆਪਸ ਵਿੱਚ ਜੁੜੇ ਨਹੀਂ ਹਨ, ਪਰ ਦੋਵੇਂ ਵਿਦੇਸ਼ ਯਾਤਰਾ ਕਰ ਰਹੇ ਸਨ। ਓਲਡ ਨੇ ਕਿਹਾ ਕਿ ਦੇਸ਼ ਵਿੱਚ ਮੌਂਕੀਪੌਕਸ ਦਾ ਕੋਈ ਨਵੇਂ ਕੇਸ ਨਹੀਂ ਹੈ ਅਤੇ ਨਾ ਹੀ ਕੋਈ ਜਾਣਿਆ-ਪਛਾਣਿਆ ਕਿਰਿਆਸ਼ੀਲ ਕੇਸ ਹੈ।