ਮੌਜੂਦਾ ਸਮੇਂ ‘ਚ ਨਿਊਜ਼ੀਲੈਂਡ ਦੇ ਬਹੁਤ ਸਾਰੇ ਕਾਰੋਬਾਰ ਕਰਮਚਾਰੀਆਂ ਦੀ ਘਾਟ ਨਾਲ ਜੂਝ ਰਹੇ ਨੇ। ਕਾਰੋਬਾਰੀਆਂ ਦੇ ਵੱਲੋਂ ਕਰਮਚਾਰੀਆਂ ਨੂੰ ਆਪਣੇ ਵੱਲ ਖਿੱਚਣ ਲਈ ਵੱਖੋ-ਵੱਖਰੀਆਂ ਕੋਸ਼ਿਸ਼ਾਂ ਵੀ ਕੀਤੀਆਂ ਜਾ ਰਹੀਆਂ ਨੇ। ਪਰ ਕਰਮਚਾਰੀਆਂ ਦੀ ਘਾਟ ਸਬੰਧੀ ਹੁਣ ਜੋ ਮਾਮਲਾ ਸਾਹਮਣੇ ਆਇਆ ਹੈ, ਉਸ ਨੂੰ ਸੁਣ ਕੇ ਤੁਸੀ ਹੈਰਾਨ ਰਹਿ ਜਾਵੋਂਗੇ। ਦਰਅਸਲ ਕ੍ਰਿਸਮਿਸ ਦਾ ਤਿਓਹਾਰ ਨਜ਼ਦੀਕ ਆ ਰਿਹਾ ਹੈ ਪਰ ਇਸ ਕ੍ਰਿਸਮਿਸ ਦੇ ਤਿਓਹਾਰ ‘ਤੇ ਸੈਂਟਾ ਕਲੋਜ਼ ਬਣਨ ਦੇ ਲਈ ਕੋਈ ਵੀ ਵਿਅਕਤੀ ਅੱਗੇ ਨਹੀਂ ਆ ਰਿਹਾ।
ਸੈਂਟਾ ਹੈਲਪਰ ਸੰਸਥਾ ਦੇ ਡੇਵ ਡੋਹਰਟੀ ਨੇ ਇੱਕ ਚੈੱਨਲ ਨਾਲ ਗੱਲਬਾਤ ਦੱਸਿਆ ਕਿ ਇਹ ਦੁਨੀਆਂ ਦੀਆਂ ਸਭ ਤੋਂ ਵਧੀਆ ਨੌਕਰੀਆਂ ਵਿੱਚੋਂ ਇੱਕ ਹੈ, ਜਿਸ ਵਿੱਚ ਮਰਜੀ ਅਨੁਸਾਰ ਕੰਮ ਕਰਨ ਦੇ ਘੰਟੇ, ਵਧੀਆ ਤਨਖਾਹ, ਖਾਣ-ਪੀਣ ਦਾ ਖੁੱਲਾ ਸਮਾਨ ਹੈ ਤੇ ਨੌਕਰੀ ਕਰਨ ਵਾਲੇ ਦੀ ਜਿੰਮੇਵਾਰੀ ਹੈ, ਲੋਕਾਂ ਨੂੰ ਹਸਾਉਣਾ। ਪਰ ਉਨ੍ਹਾਂ ਨੂੰ ਇਸ ਨੌਕਰੀ ਦੇ ਲਈ ਵੀ ਕਰਮਚਾਰੀ ਨਹ ਮਿਲ ਰਹੇ। ਉੱਥੇ ਹੀ ਜੇਕਰ ਤੁਸੀ ਇਹ ਨੌਕਰੀ ਕਰਨਾ ਚਾਹੁੰਦੇ ਹੋ ਤਾਂ +64 (9) 8866699 ‘ਤੇ ਫੋਨ ਜਾਂ ਫਿਰ santajobs@scenetobelieve.co.nz ‘ਤੇ ਈਮੇਲ ਰਾਹੀਂ ਸੰਪਰਕ ਕਰ ਸਕਦੇ ਹੋ। ਇਸ ਤੋਂ ਇਲਾਵਾ www.scenetobelieve.com.nz ਵੈਬਸਾਈਟ ‘ਤੇ ਵੀ ਲੋਂਗਇਨ ਕੀਤਾ ਜਾ ਸਕਦਾ ਹੈ।